El Gobiernu del Principáu diz que’l 54 % de los asturianos usa Internet regularmente

Asturies ye la cuarta rexón d’Europa na que más emplegu deriváu de les nueves tecnoloxíes se creó durante’l períodu 2000-2004. Estos datos, ente otros son los que asoleyó ayeri la Conseyera d’Administraciónes Públiques Ana Rosa Migoya, que quiso sorayar que Asturies ye una de les rexones onde más se ta invirtiendo nes tecnolóxíes de la comunicación y la información.

Según l’informe de la Conseyera un 54% por cientu de la población asturiana tien accesu a Internet con regiularidá dalgo que ta faciendo que’l Principáu, al xuiciu de la socialista, tenga una situación cada vez meyor no tocante a la penetración de les tecnoloxíes de la comunicación. La apuesta del Principáu por esti sector pue vese según la Conseyera nos presupuestos. “En concreto les partíes destinaes a estos fines crecen un 45 %, una cifra muy destacada porque el conjunto del crecimiento presupuestario se situa en una media del 4,22 %”, sorayó la conseyera.