El colectivu Les Filanderes falla’l so premiu de relatos

El colectivu de muyeres Les Filanderes, de Llangreu, falla esta tarde la cuarta edición del so Certame Internacional de Relatos Cortos “Filando cuentos de muyer”, nun actu nel que tarán presentes Begoña Fernández, directora del Institutu Asturianu de la Muyer; Luis Bada, conceyal de Cultura del Ayuntamientu de Llangreu; Montserrat Fernández, diputada na Xunta Xeneral y el director de l’Axencia Asturiana d’Emigración, Luis Miguel Fernández Romero.

Más de 265 trabayos presentaos dende más de ventidós países diferentes, dalgún de los cuales escritu n’asturianu, opten a ser el ganador de la cuarta edición del Certame Internacional de Relatos Cortos “Filando cuentos de muyer”, qu’entama’l colectivu llangreanu Les Filanderes, en collaboración col Institutu Asturianu de la Muyer y Cajastur.

El premiu ta dotáu de mil euros y la publicación del relatu, xunto colos otros seis testos finalistes. Amás, van entregase dos accesit de 250 euros caún.

L’actu va tener llugar nel Restaurán Palacio de las Nieves, de La Felguera, a partir de les dos de la tarde, cuando se lleerá’l nome del relatu ganador en presencia de cuatro de los seis finalistes elixíos pol prexuráu.