Portada Uncategorized El Cine de los Martes ufierta hasta abril un completu programa n’Avilés

El Cine de los Martes ufierta hasta abril un completu programa n’Avilés

by asturnet

El Cine de los Martes ufierta hasta abril 7 destacaos títulos de la cinematografía europea, estadounidense ya iranina. Habrá comedia, drama, documental y animación pa públicu adultu, na Casa de Cultura d’Avilles cada martes a les 20.15 hores.

El segundu ciclu del Cine de los Martes de 2022, entamáu pola Conceyalía de Cultura d’Avilés, empieza esti martes 8 y va ufiertar nesti mes de marzu y n’abril siete llargumetraxes, un compendiu de los más destacaos títulos de l’actual cinematografía independiente europea, estadounidense ya iranina. Nel Auditoriu de la Casa de Cultura.

Cine en versión orixinal subtitulada, recién y per primer vegada n’Avilés, calidable y algamadiza, coles entraes a 3 euros. Pueden adquirise nes canales habituales, la taquilla de la Casa de Cultura y la web https://entraes.liberbank.es/palaciovaldes.

Propuestes multipremiaes, el drama, la comedia, el documental, l’animación pa adultos ya inclusive la ciencia ficción española atopen el so llugar nesti nuevu ciclu, nel que’l cine européu presenta un mayor númberu de títulos, con cinco de los siete filmes.

Abre les proyecciones una película d’animación que consiguió nada menos que trés nominaciones a los Oscar 2022, que se fallen a final de mes. Tratarsed’un documental danés sobro’l drama d’un refuxáu homosexual na so fuxida del Afganistán talibán. España caltien el so sitiu, cola allabada ópera prima de Chema García Ibarra, “Espíritu Sagráu”, una inesperada hestoria con tintes de ciencia ficción calificáadapola crítica especializao como una de les obres más fascinantes de los últimos años nel cine patriu.

Completen l’abanicu de películes europees la belga “Un pequenu mundu”, sobro l’acoso escolar nos güeyos d’una neña pequena; la francesa “El trunfu”, coles peripecies d’un grupu de teatru carcelario, y la comedia d’animación austriaca “Mozu Mocosu”, sobro l’espertar a la vida nun pueblu nos años 60.

Amás, el respetáu cine iranín llega col que foi Gran Premiu del Xuráu del últimu Festival de Cannes, un drama realista dirixíu por Asghar Farhadi. Y coles mesmes, espaciu pal cine independiente estadounidense cola desgarradora “Mass”, Premio Robert Altman nos Independent Spirit Awards de 2021.

Toles proyecciones van tener llugar a les 20.15 hores.

Tamién te podria gustar