El Centru Asturianu de Madrid va dar a conocer el fallu del Concursu Xosé Álvarez 2007

Mañana xueves, 18 d’ochobre, a les ocho la tarde, nel Salón Príncipe d’Asturies del Centru Asturianu de Madrid, va celebrase un actu pa festexar el Día de les Lletres Asturianes na capital del estáu. Nél van entregase los diplomes a los alumnos qu’asistieron al cursu de llingua asturiana que se dio anguaño nel Centru Asturianu col profesor Xaviel Vilareyo. Amás, va dase a conocer el fallu del VI Concursu de Rellatu Curtiu en llingua asturiana ‘Xosé Álvarez’ 2007.

Amás va presentase la edición del rellatu ganador del certame del añu anterior, «Alicia y la mar», d’Abel Martínez. Un autor ñacíu n’Uviéu en 1977 y que forma parte de la tercera xeneración del Surdimientu.