El caberu álbum d’Asterix preséntase’l 24 d’ochobre tamién n’asturianu

‘La Fia de Vercinxetórix’, el nuevu álbum de Asterix que va llegar a les llibreríes el 24 d’ochobre, va ufiertase tamién n’asturianu amás d’en castellán, euskera, catalán y gallegu. Salvat, la so editora, desveló ayeri la portada que va tener esta aventura que tien a Greta Thunberg como referente icónicu.

Esta nueva entrega, que coincide col 60 aniversariu de los personaxes, ye la resultancia de la cuarta collaboración ente’l guionista Jean-Yves Ferri y el dibuxante Didier Conrad.

Como ye tradición na publicación cada volume alterna hestories dientro y fora de l’aldega, y esta vegada toca dientro de los murios del únicu pueblu entá non conquistáu polos romanos. La fía de Vercingétorix ta fuxendo de los romanos y acaba escondiéndose na aldega de Astérix asitiada en Armórica. Evidentemente siendo fía del líder de la resistencia gala la so presencia nel pueblu va suponer un auténticu terremotu pa los sos habitantes.

Esta hestoria amás publicase nel sesenta aniversariu de los personaxes, y ye la cuarta collaboración del guionista Jean-Yves Ferri y el dibuxante Didier Conrad. El 24 d’ochobre va llegar a los quioscos La Fía de Vercingétorix, con una edición en castellán, catalán, asturianu, gallegu y euskera. Ensin dulda siempres ye una bona noticia que lleguen más aventures de Astérix, y más si prometen tanto como la que ta por llegar el mes próximu.