Portada Patrimoniu El Bloque por Asturies pide pesllar la Senda l’Osu

El Bloque por Asturies pide pesllar la Senda l’Osu

by asturnet

El Bloque por Asturies vieno acabante pidir, al traviés d’una nota prensa, el pieslle temporal de partes de la Senda l’Osu y la intervención darréu sobre les mesmes pol so “estáu peligrosu”. La organización política atalanta que ye pernecesaria “una intervención rápida nel arreglu del valláu y mobiliariu, asina como la llimpieza de tolos puntos de vertíos illegales que puen vese a lo llargo de tola senda”.

Mesmamente, tamién se pide dende’l Blque “que la solución que se dea nel mantenimientu y conservación de la senda seya de manera definitiva y nun se repita lo mesmo nos años venideros”.

Na nota deprensa quier afitase tamién que “hai puntos na senda, como’l tramu que va dende Caranga Riba (Proaza) hasta cuasi l’empiezu del conceyu Quirós, nos que’l peligru pal pasiante o cicloturista ye tal que lo más racional sedría que les autoridaes competentes procedieren al pieslle de la senda, polo menos nesti tramu, hasta que nun s’iguare dafechu”.

Tamién te podria gustar