Democracia y cultura nel Valle’l Nalón

La Casa Cultura de L’Entregu cellebra esta tarde, a les ocho, una mesa reonda titulada “Cultura y democracia nel Nalón. 1979-2005”. L’actu ta organizáu pola asociación Cauce Nalón y la ponencia principal va correr a cargu d’Antonio Ramón Felgueroso. Xunto a el van intervinir Benigno Delmiro Coto, Severino Antuña, Francisco Trinidad y Xulio Arbesú, ente la presidencia del alcalde Samartín, Ignacio Fernández.

Antonio Ramón Felgueroso, responsable del Serviciu d’Información Ciudadana del conceyu de Llangreu, ye collaborador de la revista Ábaco, na que tien participao con artículos sobre la crisis y reindustrialización de les Cuenques, y xunto a Aladino Fernández publicó “Las fiestas de Santiago en Sama, . Un siglo de historia 1899-1999”.

Depues de la so ponencia, participarán nel debate’l catedráticu de lliteratura y especialista en lliteratura minera, Benigno Delmiro Coto; el profesor y escritor entreguín, Severino Antuña; l’actual director de la Fundación Emilio Barbón, Francisco Trinidad; y l’escritor Xulio Arbesú.