Portada Lliteratura ‘Autopsia’ de José Luis Piquero premiu de la crítica asturiana

‘Autopsia’ de José Luis Piquero premiu de la crítica asturiana

by asturnet

‘Autopsia’, el poemariu del asturianu Jose Luis Piquero, que-y valiere tamien el premiu ‘Ojo Crítico’, foi l’elixíu pola Asociación d’Escritores d’Asturies col Premiu de la Crítica d’Asturies 2004 na modalidá de poesía. Miguel Allende y Xandru Fernández, na modalidá d’asturianu, Milio Rodríguez Cueto por ‘La piedra de la culebra’, Pepe Monteserín y el periodista Javier Cuervo foron el restu de los premiaos.

El xuráu destacó d”Autopsia’ “el realismu, distanciáu de les tendencies dominantes na poesía española contemporánea”, asina como la voz personal y crítica del autor.

L’escritor Pepe Monteserín ganó’l premiu de novela con ‘Se detuvo el mundo’, publicada pola editorial Algaida, y que yá-y valiere tamien el premiu Emilio Alarcos Llorach. D’ella, destacóse l’aparente cenciellez de la historia onde la vida apaez llevantanda como un mosaicu onde de continu s’entemez y se confunde cola lliteratura.

Na modalidá de columnismu lliterariu, premióse la trayectoria del periodista Javier Cuervo. Mentes que l’escritor Milio Rodríguez Cueto recibió’l galardón na modalidá de lliteratura infantil y mozo pol llibru ‘La piedra de la culebra’, que destaca por abrir una “ventana a un tiempu pasáu, a una Asturies rural y primitiva”, en tiempos de la invasión francesa.

Como adelantábemos ayeri, Xandru Fernández foi’l ganador del premiu de novela n’asturianu por ‘Les ruines’; y Miguel Allende,pol poemariu ‘Pallabres de payaso’.

Tamién te podria gustar