Delegación del gobiernu deniega’l permisu a la Carrera pola Oficialidá

La Delegacion del Gobiernu n’Asturies vieno acabante comunicar esti martes 10 d’ochobre que deniega’l permisu pa la celebración de la Carrera pola Oficialidá d’esta próxima fin de selmana en Bimenes, polo que la organización vese na obligación de suspendela.

La organización de la carrera va dar orde de devolución de les cuotes d’inscripción a les decenes de persones inscrites y ta analizando les sides que ponen pa esta prohibición y estudiando acciones pa denunciar lo que-yos paez, de mano, “una decisión arbitraria de la Delegación del Gobiernu n’Asturies”.

A la espera de que asoeleyen dangún tipu de comunicáu ya tresmitieron esti día’l so agradecimientu a los participantes con una nota en Facebook: “Queremos agradecevos la vuestra intención de participar, tanto a les persones que dibeis competir como les que vos ufrierais pa echar una mano na organización y pidimos disculpes polos trestornos que vos cause esta cancelación”.