Darréu llama a la movilización de los mozos asturianos el 8 de setiembre

Baxo’l lema ‘Ye hora de mirar por Asturies’, la organización nacionaliega Andecha Astur tien convocada una manifestación pa esti vienres día 8 de setiembre que va salir a la una la tarde de la estación de la Rende d’Uvieu. Pela so parte, la organización moza Darreu, que cumple agora dos años de la so presentación pública, llama a la movilización de los más mozos, sumándose a tala manifestación, como motor d’un cambiu n’Asturies ‘onde nun se nos ñeguen drechos básicos como la oficilidá y l’autodetermín’.

‘Nesta situación de pre-democracia que vivimos n’Asturies, onde sofrimos, sobremanera la mocedá, la emigración, explotación llaboral, temporalidá, paru, falta d’accesu a una vivienda, faise cada día más necesaria la movilización y la mocedá tien que ser protagonista y motor nesa necesaria movilización’. Con esti llamamientu, Darreu, les mocedaes nacionaliegues venceyaes a Andecha Astur llamen a sumase a la manifestación que’l so partiu tien convocada pal prósimu 8 de setiembre n’Uvieu.

Como nos dos años anteriores, Darreu va participar nel actu políticu que va pesllar la movilización y na espicha de depues, onde se va facer presentación del segundu númberu de la revista Irguite asina como de los actos de conmemoración de la Revolución Asturiana del 34 programaos pal 7 d’ochobre en La Felguera.