Convocaes subvenciones pal desenvolvimientu de proyectos d’inclusión social n’Avilés

El Conceyu d’Avilés abrió’l plazu de presentación de solicitúes pa optar a les subvenciones de la Área de Promoción Social destinaes a entidaes ensin ánimu d’arriquecimientu para’l desenvolvimientu de proyectos y programes d’inclusión social. Les solicitúes podrán presentase hasta’l 15 de xunetu y l’importe total destináu a les cinco llínees subvencionables ye de 174.784 euros.

Les solicitúes, que podrán presentase hasta’l 15 de xunetu, tendrán de referise a proyectos que s’afaigan a una de les cinco llínees de subvenciones:

• Llínea 1 (dotada con hasta 29.000 euros) – Programes integrales que desenvuelvan midíes d’acompañamientu y formación empuestes a la integración personal, social y llaboral de muyeres en situación o riesgu d’esclusión social.
• Llínea 2 (dotada con hasta 32.500 euros) – Proyectos formativos para favorecer  l’insertamientu social y llaboral para persones de mala incorporación al mercáu llaboral en situación de riesgu o esclusión social, al traviés de proyectos formativu-ocupacionales.
• Llínea 3 (dotada con hasta 6.000 euros) – Programes de Sofitu a midíes d’atención ya insertamientu sociolaboral de persones inmigrantes.
• Llínea 4 (dotada con hasta 15.000 euros) – Programa pa la integración de la diversidá y acompañamientu inclusivu al traviés de talleres de ciudadanía para población xitana y persones inmigrantes.
• Llínea 5 (dotada con hasta 92.284 euros) – Programa d’agospiamientu de media estancia y acompañamientu social para persones ensin llar con un mínimu de 15 places. L’oxetivu últimu d’esti proyectu ye’l de facilitar una estancia estable nel recursu residencial para’l desenvolvimientu d’actividaes que dexen cubrir necesidaes básiques y ellaborar xuntu coles persones un plan personal dirixíu a la reestructuración personal y la plena autonomía.

Les entidaes qu’opten a estes subvenciones tendrán de desenvolver la so actividá xeneral nel conceyu d’Avilés, realizando proyectos y actividaes con proyección o impactu sobro la población avilesina, tando rellacionaes col ámbitu de la inclusión social en dalguna de les cinco llínees enantes señalaes.

Les solicitúes van poder ser tramitaes de manera telemática na See Electrónica municipal al traviés d’esti enllaz.