Conceyu d’Aviles y UCAYC llancen nueva marca

Cerca de 40 establecimientos formen parte del Centru Comercial Urbanu que pretende impulsar les vientes na zona con esta nueva imaxe.

Amás va dinamizase la zona coles actividaes que van tener llugar del 19 al 24 d’ochobre, dientro del segundu Centru Comercial Urbanu puestu en marcha na ciudá, tres el Centru Históricu Comercial.

La nueva campaña cola que pretende impulsase el comerciu d’una de les zones con mayor tradición comercial de la ciudá, la compuesta polos barrios de Versalles, Puerta de la Villa y El Arbolón, foi presentadapol conceyal de Promoción de Ciudá, Manuel Riola, xuntu con responsables de la Unión de Comerciantes d’Avilés y Contorna (UCAYC), ya inclúi dos midíes: l’adopción d’una nueva imaxe de marca común pa los establecimientos de la zona y la puesta en marcha d’una campaña de promoción que se va desenvolver ente’l 19 y el 24 d’ochobre.

Al respective de la nueva identidá de marca, diseñóse un nuevu logotipu que va ser la imaxe del Centru Comercial Urbanu Versalles-Puerta de la Villa-El Arbolón, una zona que tien característiques singulares.