Cirque du Soleil inaugura en Xixón la esposición que celebra’l so 25º aniversariu

Anguaño, Cirque du Soleil cumple un cuartu de sieglu d’hestoria n’España y por mor d’ello vieno acabante d’inaugurar en Xixón una esposición que celebra’l so 25º aniversariu.

Dende 1998, 17 espectáculos de la compañía canadiense visitaron 22 ciudaes del nuesu país y fueron esfrutaos por más de 9 millones y mediu d’espectadores hasta la fecha. Cifres que demuestren l’enorme ciñu col que’l públicu español acoyó siempres a Cirque du Soleil y que sigue anguaño, cuando la compañía celebra un cuartu de sieglu d’alcordances compartíes cola ilusión de la primer vegada y, ensin dulda, col firme propósitu de siguir construyendo nuevos momentos memorables de mancomún.

Dientro del conxuntu d’actividaes y espectáculos col que la compañía canadiense celebra esti aniversariu, Xixón va acoyer hasta’l próximu 30 d’abril de 2023 la esposición itinerante Cirque du Soleil, más allá del espectáculu nel Centru de Cultura Antiguu Institutu, en collaboración col Conceyu de Xixón, al traviés de Divertia. Una exhibición que percuerre los 25 años d’hestoria de Cirque du Soleil nel nuesu país, según amuesa’l llau más social y desconocíu d’esta compañía d’artistes caleyeros de la pequena ciudá de Quebec que se convirtió nun nome conocíu en tol mundu, redefiniendo la forma en que’l públicu ve’l circu dende la so creación en 1984.

Na inauguración de la esposición, Caroline Couillard, directora global de Relaciones Públiques, Relaciones Institucionales y RSC de Cirque du Soleil, estimó la collaboración a la ciudá de Xixón, onde la compañía tuvo en seis causes dende la primer vegada en 2004 presentó a los asistentes l’amuesa. Nes sos palabres, “pa nós ye un auténticu prestar inaugurar n’Asturies esta esposición y compartir con toos vós la rica hestoria de Cirque du Soleil desque se creó en 1984 y nestos 25 años d’hestoria xuntu al públicu español. Dende hai casi 20 año Xixón foi una de les ciudaes favorites de la compañía y tamos encantaos de que forme parte de la xira del nuesu 25 aniversariu n’España cola presencia de OVO esti branu na ciudá”.