Carolina Lasheras historia “La cárcel de muyeres de Saturrarán”

Dientro del programa d’actividaes por cuenta de la esposición “Les fueses del olvidu. Fotografíes d’Eloy Alonso”, esti martes, 8 de mayu, a les 18:30 hores va tener llugar nel Muséu de la Hestoria Urbana d’Avilés la conferencia “La cárcel de muyeres de Saturrarán”.

La prisión de Saturrarán, allugada nun antiguu seminariu na mariña guipuzcoana de Motrico, tuvo en funcionamientu ente 1938 y 1944. Presenta la particularidá de que foi xuna prisión puramente pa muyeres represaliaes pol bandu vencedor de la Guerra Civil. Por ella pasaron más de cuatro mil muyeres del bandu republicanu.

Va Impartir la conferencia Carolina Lasheras, historiadora y autora d’un trabayu d’investigación sobro esta parte de la nuesa memoria histórica. Nel actu tamién va participar Laura Díez, presidenta de l’Asociación Trece Rosas.