Cajastur asoleya un llibru con 260 semeyes del arte paleololíticu asturianu

Cajastur ta acabante d’espublizar un llibru sobre l’arte paleolíticu d’Asturies, nel que se repasa’l patrimoniu que hai na rexón al travies de 260 semeyes de les cueves de La Peña, la Lluera, Les Pedroses, Tito Bustillo, La Covaciella, Llonín, La Loja y El Pindal. “El catálogu ye la única posibilidá de disfrutar en conxuntu del arte paleolíticu asturianu”, dixó esti martes el director de la Obra Social y Cultural de Cajastur, Jose Vega.

Pedro Saura, coautor de la obra xunto con Matilde Muzquiz, informó tamien que parte del material que contien el llibru ye’l que se recoyó durante’l trabayu de documentación pal fascimil del Parque de Teverga. Amás de les semeyes el llibru cunta con testos esplicativos robre los datos más relevantes de caún de los yacimientos a los que se refier. El llibru amás del patrociniu de la entidá financiera asturiana tamien recibió’l sofitu na so realización de la Conseyería de Cultura del Principáu d’Asturies.