Bretaña llogra’l capeonatu européu de Lluches Celtes en La Pola Gordón

La seleición bretona algamó esti sábadu en La Pola Gordón (Lleón) el XIV campeonatu d’Europa de Lluches Celtes que se cellebra na población montañesa per primera vegada. Los bretones arramplaron-y el títulu a los lleoneses que quedaron na segunda posición por namái que dos caíes.

El total de puntos foi de 103 palos primeros clasificaos y 101 pala llucha lleonesa. Más alloñaos quedaron Canarias con 92, Austria con 56, Holanda con 52, Escocia con 50, Islandia con 32, Cerdeña con 17 ya Ingalaterra con 15. Los leoneses, que nun fueron a caltener el títulu européu, sí algamaron el galardón individual más importante, el de meyor lluchador européu que consiguió Héctor García, nes dos lluches, Gouren y Back-hound.

Nes categoríes femenines Lleón proclamóse, con 65 puntos, campeona de Europa quedando tres d’ella Bretaña y Canarias con 48 puntos. Destacaron les lluchadores lleoneses Tamara Gómez, campeona en Gouren; y Mirian Marcos, que llogró la primera plaza en Back-houd.

Esti domingu cellébrase tamién en La Pola Gordón el campeonatu rexonal de lluches celtes dende les doce del meudía./p>