Berto García estrena la so voz poética nun llibru cargáu d’emociones

Berto García ye l’autor de “Ensin otra sida”, un volume de versos nos que la voz personal d’esti escritor nacíu en Corvera en 1975 ábrese camín ente les nueves voces de la lliteratura asturiana más recién.

Los poemes conteníos en “Ensin otra sida”(Trabe, 2006) asítiense davezu cerca de lo popular, lo rura, y alcuando, na xera de fotografiar el tiempu, la tierra y les circunstancies, a les que s’avera aplicando formes prósimes al realismu social.

Berto García nació en Les Vegues (Corvera) en 1975. Ye mayestru d’Educación Infantil y Primaria y espertu en Llingua Asturiana. Anguaño pon clas per escueles de Castiella. Esti ye’l so primer llibru, anque tien yá bien d’obra espardío per delles de les revistes lliteraries del país, como Lletres Asturianes, El Canciu’l Cuélebre, Entellunu y Reciella Malory.