Ayande acueye’l I Encuentru de Muyeres Escritores cola participación de Rosa Regás

Baxo’l títulu de ‘I Encuentru de muyeres del territoriu del Valle de Ese-Entrecabos: Muyeres n’Ayande: Escritos y Escritoras’ empiza mañana, nel recintu ferial de La Puela, un congresu basáu nuna serie de ponencies y meses redondes nes que van participar dalgunes de les más importantes escritores asturianes ente les que destaca Berta Piñán, Carmen Gómez Ojea, Eugenia Rico y Nene Losada, ente otres. La directora de la Biblioteca Nacional, Rosa Regás, va ser la encargada d’inaugurar esti encuentru con una conferencia qu’analiza’l papel de les muyeres na lliteratura española de viaxes.

Sabela Fernández, María Esther García López y Celia Álvarez son otres de les participantes nesti alcuentru de muyeres escritores n’Ayande, nel que tamien se va poder visitar la esposición ‘Viajeras’, del Institutu Asturianu de la Muyer, asina como l’actuación del grupu Muyeres.