Avilés acueye los actos de la Selmana del ONCE n’Asturies

La Selmana del ONCE nel Principáu d’Asturies va tener como escenario Avilés, onde’l 11 de mayu, va acoyer una serie d’actividaes coles que la Organización va dar a conocer a la sociedá’l llabor social que realiza n’Asturies.

Una exhibición de goalball (deporte específicu pa persones ciegues), música y  teatru son les actividaes que se van desenvolver mientres la Selmana del ONCE nel Principáu d’Asturies. Estes actividaes fueron presentaes por Aitana Martínez Ballesteros, Presidenta del Conseyu Territorial del ONCE n’Asturies, Pedro Ortíz  Castillo, Delegáu Territorial del ONCE n’Asturies, y Mariví Monteserín, Alcaldesa del Conceyu d’Avilés,

El deporte tien  cabida nesta Selmana del ONCE nel Principáu d’Asturies. Asina, el xueves, 11 de mayu, de 10:00 a 13:45 hores, va tener llugar una exhibición de goalball, deporte paralímpico específicamente pa persones ciegues, que se va realizar nel Institutu d’Educación Secundaria Númberu 5, d’Avilés (calle Dolores Ibárruri, s/n).

Y la cultura nun va faltar na Selmana del ONCE n’Asturies. Esi mesmu día a les 19:00 hores, va tener llugar l’actuación del Taller de Coru del ONCE de la Delegación Territorial d’Asturies, y el monólogu de Gloria Pasarón, perteneciente a l’Asociación Cultural de Persones Ciegues y Deficientes Visuales d’Asturies ‘Grupu la Esfera’. Estes cites culturales van celebrar nel Auditoriu de la Casa Municipal de Cultura d’Avilés (Plaza de Domingo Acebal, númberu 2).

L’ONCE cunta con 1587 afiliaos n’Asturies y ufierta los sos servicios a 137 estudiantes. Amás, cuenta con una plantiya de 544 vendedores que comercialicen los productos de xuegu del ONCE.