Avilés acueye la esposición “El Legáu Español nos Estaos Xuníos d’América”

Hasta’l 19 d’abril na Escuela d’Artes y Oficios, Avilés acueye la esposición “El Legáu Español nos Estaos Xuníos d’América”. Entamada pola Asociación “The Legacy” en collaboración col Ministeriu de Defensa y el Conceyu d’Avilés, recupera y resalta el venceyu históricu ente dambos países.

Resaltar y recuperar el venceyu históricu ente España y Estaos Xuníos, ye la finalidá de la esposición “El Legáu Español nos Estaos Xuníos d’América”, qu’acueye Avilés hasta’l 19 d’abril na Escuela d’Artes y Oficios, ya inaugúrase esti vienres, 18 de marzu, nun actu oficial que va tener llugar nel Hotel Palaciu d’Avilés.

Entamada pola Asociación ensin ánimu d’arriquecimientu “The Legacy”, frutu de la so collaboración col Ministeriu de Defensa y, nesta ocasión, del Conceyu d’Avilés. Tratar d’una amuesa itinerante qu’empezó’l so periplu na Real Fábrica de Tapices de Madrid y tamién s’esibió en Rota (Cádiz).

Un espaciu espositivu inspiráu nes postales tradicionales, con senciellos mensaxes, al traviés d’un percorríu que convida a viaxar polos paisaxes de la hestoria d’España en Norteamérica, na que’l papel d’Avilés cobra especial protagonismu, na figura de Pedro Menéndez, fundador de San Agustín de La Florida, el primer asentamientu européu no que güei son los Estaos Xuníos.

L’Adelantáu de la Florida ye unu de los numberosos personaxes protagonistes de la esposición, nun relatu que s’empecipia coles postales de los Reis Católicos, y apaecen dende’l Capitán Xeneral Alvar Núñez Cabeza de Vaca, hasta presidentes estadounidenses como Thomas Jefferson o John Fitzgerald Kennedy.

La esposición ta abierta pal públicu xeneral na Escuela d’Artes y Oficios. Y podrá visitase de forma llibre y gratuita hasta’l 19 d’abril, de llunes a xueves, de 10.00 a 14.00 y de 17.00 a 20.00 hores, y les fines de selmana n’horariu por confirmar.

L’Asociación  “The Legacy” ye una iniciativa civil, privada, ensin  ánimu d’arriquecimientu, que los sos fines estatutarios poner en valor la trescendencia de la contribución histórico y cultural d’España en relación colos Estaos Xuníos d’América pa fomentar y promover los llazos d’unión ente dambos países.

L’oxetivu ye la recuperación y l’estudiu de la hestoria d’España, polo xeneral, de los sos líderes ysobremanera, del so Real Armao y Real Exércitos, y de les contribuciones y finxos

hestóricos llograos en sieglos pasaos n’EEXX como columna vertebral de lo que representen güei. Espublizar esti legáu por que sía conocíu poles xeneraciones actuales y les vinientes.