Avilés acoyó “Let’s Celebrate”, el seminariu internacional del Serviciu Voluntariu Européu

Del 21 al 27 d’ochobre, con actividaes abiertes al públicu Avilés acoyó “Let’s Celebrate”, el seminariu internacional del Serviciu Voluntariu Européu.

Una ventena de coordinadores del serviciu procedentes de 11 países participaron en xuntes de trabayu, xuntu con antiguos voluntarios avilesinos. va presentase un documentu de bones práctiques y una ‘check list’ pa potenciar la inclusión en proyectos de movilidá xuvenil.

Avilés acoyó, del 21 al 27 d’ochobre, el seminariu internacional del Serviciu Voluntariu Européu, bautizáu como “Let’s Celebrate”. Tratase d’un alcuentru entamáu coles mires de celebrar los 10+1 años de funcionamientu de la oficina municipal Europa Equí, gracies a la cual 550 mozos avilesinos beneficiáronse de beques de movilidá internacional.

Al traviés d’esti alcuentru pretende faese balance y poner en valor l’apueste del Conceyu d’Avilés por promover oportunidaes d’aprendizaxe por aciu esperiencies de movilidá para moces de la ciudá. Igualmente, la cita sirve para celebrar los 30 años d’esistencia del programa Erasmus.

Nel alcuentru participaron 21 persones integrantes de 13 distintes organizaciones que lleven a cabu’l llabor de coordinación del Serviciu Voluntariu Européu en 11 países europeos y del norte d’África, según antiguos voluntarios y voluntaries de l’asociación cultural En Construcción, encargada de coordinar el programa na Oficina Europa Equí d’Avilés. Tratase de persones con amplia esperiencia n’inclusión, cuntando en dellos casos con diversidá funcional.

Mientres los siete díes de duración del alcuentru llevaronse a cabu distintos xuntes de trabayu,  coles mires d’intercambiar esperiencies y reflexones sobro’l Serviciu Voluntariu Européu y d’estudiar los sos beneficios pa los mozos dende una óptica d’inclusión.

Como resultáu d’estes xuntes ellaborose un documentu de bones práctiques, qu’inclúi llecciones aprendíes en materia d’inclusión, según xuna ‘check list’ o llista de verificación cola que pretende potenciase la inclusión en proyectos de movilidá xuvenil y, de forma más concreta, n’iniciatives del Serviciu Voluntariu Européu.

Más información