asturnet

La selmana de les lletres va entamar esti 2 de mayu a les 19 hores nel Auditorio da Casa das Quintas d’Á Caridá con un “Homenaxe ás nosas /letras” y una “l.lectura pública institucional de textos Iliterarios en gallego-asturiano”, al mesmu tiempu que se presenta’l quintu númberu de Trabatel, la revista eonaviega de l.literatura qu’espubliza la Conseyería. L’actu d’entamu d’esta Selmana de les Lletres va cuntar tamién cola Aatuación del grupo Mestura. La Selmana incluye estrenos musicales en Xixón, Teatru pa neños, recitales de poesía en Grau, La Feria del Llibru y el Discu n’Avilés y delles otres actividaes per tola xeografía asturiana.

El llunes 5 de mayu les actividaes treslladaránse a Xixón donde a les 11.00 nel Teatru de Llaboral Ciudá de la Cultura va ufiertase teatru pa escolinos cola eepresentación de la obra Bastián y Bastiana, al cargu de Producciones Nun Tris.

Esi mesmu día, a les 19.30 hores na Capiella de los Dolores de Grau va celebrase un recital embaxo’l títulu “La poesía asturiana nueva”, que va cuntar cola participación de los poetes Sofía Castañón, Vanessa Gutiérrez y Pablo Texón y l’actuación musical de Marisa Valle Roso. Nel actu, fadrase entrega de los diplomes dell Premiu de Poesía Selmana de les lletres, p’alumnáu de Primaria y Secundaria del conceyu de Grau, en collaboración cola Fundación Aula de les Metáfores.

El martes 6 de mayu a les 12 hores na Xunta Xeneral del Principáu d’Asturies. Va celebrase l’actu institucional de celebración de la 35 Selmana de les Lletres Asturianes. Y esi mesmu día a les 18:30 hores nel Salón d’actos de la Biblioteca d’Humanidaes (Campus del Milán – Universidá d’Uviéu) van presentase los cinco Ilibros ganadores de los premios Iliterarios 2013: Fame d’smor; determín de pasión, de Pablo Rodríguez Medina, Premiu «XosefaXovellanos» de Novela; Superficie del silenciu, de Ricardo Candás Huerta, Premiu «Xuan María Acebal» de Poesía; “Yá cuasi nunca lo facemos por amor. Conciencies mercenaries”, de Beatriz Redondo Viado, Premiu «Máximo Fuertes Acevedo» d’Ensayu; Tatuaxes nel corazón, de Marisa López Diz, premiu «María Josefa Canellada» de Lliteratura Infantil y Xuvenil; y Cuadernos altees, d’Alfonso Zapico Fernández, Premiu «Alfonso Iglesias» de Cómic. Darréu celebraráse una mesa redonda colos autores y un coloquiu.

Les actividaes van siguier el miércoles 7 de mayu a les 18 hores nel Teatru de Llaboral Ciudá de la Cultura en Xixón cola Gala d’entrega de premios del Certame de Teatru Escolar en Llingua Asturiana/Gallego-asturianu y la representación de les obres premiaes cola entrega de premios en toles categoríes.

El xueves 8 de Mayu a les12 hores, les actividaes van treslladase al oriente d’Asturies col lES de Llanes como allugamientu del actu escolar institucional de celebración de la Selmana de les l.letres Asturianes que va incluyir la entrega de premios del XIX Certame de Creación Artística/ l.llterarla, del XI Certame de Cartelismu, del Certame de Creación Audiovisual y del Certame especial de Cómic pa les etapes d’Educación Primaria, Educación Secundaria y Bachilleratu. La xornada completaráse con delles actuaciones.

Pa esi mesmu día, tan previstes otres actividaes como la inauguración, a les 18 hores na Antigua Pescadería Municipal d’Avilés de la Feria del Lllbru y Discu n’asturianu, actu nel que se va presentar la edición conmemorativa “Dibuxando un camín”, cómic al cargu de los ganadores del Premiu «Alfonso Iglesias»: Ruma Barbero, Isaac del Rivero, Javier A. Marinas y Alfonso Zapico, fechu especialmente pa esta Selmana de les Lletres.

La feria va tar abierta hasta’l domingu 11 de mayu, con estos horarios: De xueves a sábadu: de 11 a 14 y de 17 a 21 hores. Domingu: de 11 a 19 hores.

El Día de les Lletres en Xixón

Pa finar, el Día de les Lletres, el 9 de Mayu l’actividá torna a Xixón, onde a partir de les 11 nel Teatru de Llaboral Ciudá de la Cultura va celebrase’l Preestrenu pal alumnáu d’Educación Primaria del musical “Nora, Mauro y los suaños” que va cuntar cola participación de la Orquesta Sinfónica del Principáu d’Asturies, el Coru Infantil de la Fundación Príncipe d’Asturies, el Conservatoriu Profesional de Xixón y la Escuela Superior d’Arte Dramáticu del Principáu d’Asturies. Esti día celébrase’l Día del Llibru Asturianu con un 10 % de descuentu na compra de lIibros o discos n’asturianu y regalu delllibru Dibuxando un camin nes tiendes participantes (hasta escosar les existencies). En dellesIlibreríes cola compra de Ilibros en gallego-asturianu regálase la edición nesa Ilingua del llibru Dibuxando un camino.

El sábadu 10 de mayu entá habrá actividaes en Xixón cola estrena a les 19 hores Teatru de Llaboral Ciudá de la Cultura d’esti mentáu musical “Nora, Mauro y los suaños” con entrada llibre hasta enllenar l’aforu.

La carrera ciclista más importante d’España, La Vuelta, escaez otru añu la toponimia de nueso y so pasu peles carreteres asturianes nun va sirvir d’escaparate a la realidá cultural y llingüística d’Asturies, ensin que’l Gobiernu seya a facer cumplir la llei per elli impulsada de normalización toponímica nos conceyos d’Asturies. Mentantu que los topónimos oficiales n’eusquera y gallegu sedrán respetaos, nel casu asturianu castellanizaránse otra vuelta.

La noticia xurdía na presentación nel Muséu de la Minería de L’Entregu de les dos etapes que van celebrase n’Asturies nesta edición. Y nel actu, nel que participaben Ana González, conseyera d’Educación, Cultural y Deporte, y Graciano Torre, conseyeru d’Economía y Emplegu, ente otres autoridaes, nun se faló de la cuestión. Les etapes de La Vuelta que siguen escaeciendo’l respetu polos nomes de llugar asturanos son ‘Oviedo-Lagos de Covadonga’ (7 de setiembre) y ‘San Martín del Rey Aurelio-La Farrapona. Lago de Somiedo’ (8 de setiembre), dos finales d’etapa que son enforma nomaes y tienen abonda audiencia a nivel mundial.

Esti miércoles 23 d’abril, por iniciativa de La Comuna d’Asturies, el grupu asturianu que forma parte de CeAQUA (Coordinadora estatal d’apoyu a la Querella Arxentina contra crímenes del franquismu), presentáronse nel Conceyu Abiertu d’Uviéu los siete asturianos que van dir el vienres d’esta selmana al consuláu d’Arxentina en Madrid. La finalidá del viaxe ye presentar denuncies de desapaiciones, encarcelamientos y asesinatos socedíos nos años de la Guerra Civil y la dictadura posterior. Los sos casos van presentase al cónsul pa que se remitan a la causa que la xueza María Servini de Cubría dirixe n’Arxentina pa investigar los crímenes del franquismu.

Dende’l mes de setiembre del 2013, Arxentina habilitó los sos consulaos en tol mundu pa que puedan recibir denuncies de víctimes del franquismu, depués d’una solicitú fecha nesi sen pola xueza que lleva’l casu pa que los denunciantes nun tengan que viaxar a Buenos Aires.

Ente los denunciantes que van dir a Madrid esti vienres hai nietos de desapaecíos y tamién hai víctimes directes de la represión y la tortura del réxime de Franco, casos que puen llevar a la imputación de torturadores que viven tovía.

Esti ye un resume de los casos que se presenten:

Aida Alvaré Marqués y José Martínez Vázquez foron sacaos de la cácel d’Avilés y fusilaos na playa de Salinas el 22 d’ochobre de 1937. Los sos cuerpos dexáronse ellí. Nel pinal d’esa playa hai una fosa con más de 300 asesinaos que nunca s’escavó. José Abargues Perles yera secretariu del Partíu Comunista de San Esteban (Muros) y incorporóse al frente en defensa de la República. Foi condenáu a muerte por “rebelión militar” y fusiláu’l 28 de setiembre de 1939, y ta enterráu na fosa común d’Uviéu. La so muyer, Josefa Dávila Álvarez, embaranzada y con seis fíos, tuvo presa en Pravia y Uviéu, onde tuvo la última fía, pa pasar depués a Saturrarán (Guipúzcoa), prisión onde cumplió la condena por “ausiliu a la rebelión” hasta’l 29 de abril de 1943. Son cuatro casos de los munchos exemplos de la represión sistemática de les autoridaes franquistes n’Asturies. Dos nietes d’estes cuatro víctimes presenten una denuncia esplicando les sos histories.

Clemente Amago López-Villar yera l’alcalde del conceyu de San Tiso d’Abres en 1936 pol Partíu Socialista. Un mes depués del golpe d’Estáu de Franco, la zona estremo-occidental asturiana yá taba en poder de los sulevaos. Les detenciones y tortures por parte de la Falanxe llevaron a Clemente a escondese en monte cerca de so casa en Vilela. El 1 de setiembre los falanxistes de San Tiso prendiéronlu y torturáronlu. La so muyer pudo velu a otru día, sangráu y medio muertu, nun camión camín de Lugo. Nun volvió a velu más. Unos años depués, so viuda tuvo que pagar una multa que-y punxeron a Clemente Amago por desatender les sos funciones como alcalde. Na denuncia que presenta’l so nietu cítense otros cinco casos d’asesinatos y desapaiciones socedíes nesi conceyu naquel mes de setiembre de 1936.

Jesús Fernández Pérez yera un albañil de Mántaras (Tapia) qu’encarcelaron na Casa Conceyu de Tapia nel mes de payares de 1936, cuando tenía 33 años. Un grupo de miembros de la Falanxe, conocíos na zona como “El Cangrexo”, sacáronlu pela nueche de la cárcel y la so muyer, con una neña de seis díes, nun volvió a saber más nada d’él. Dizque lu mataron nel conceyu lugués de Barreiros, anque nun se sabe ónde ta enterráu. El so casu ye ún más de los asesinatos cometíos na zona occidental asturiana con tola impunidá y col consentimientu de les autoridaes municipales franquistes. Na denuncia que presenta’l so nietu cítense otros casos d’asesinatos, encarcelamientos y vexaciones cometíos nel conceyu de Tapia nesos meses.

Manuel José García Valle, José’l Gallegu, sufrió a lo llargo la so vida despidos, detenciones y prisión pola so implicación política nel Partíu Comunista y pol so llabor sindical na mina. De 1957 a 1971 detuviéronlu 14 veces. Sufrió tortures y palices de personaxes desgraciadamente conocíos en Asturies como’l comisariu Claudio Ramos, de la Brigada Político-Social, el sarxentu Pérez o’l guardia Sevilla. Na denuncia que presenta da testimoniu de la detención sufrida en Sama’l 7 d’agostu de 1963 a manes del capitán de la guardia civil Fernando Caro Leiva, unviáu a Asturies pol ministru de la Gobernación Camilo Alonso Vega pa reprimir les fuelgues mineres. La vida de llucha de José’l Gallegu cúntase nel llibru “A mí hay que matarme de frente. Manuel García Valle, José el Gallegu, minero comunista”, del historiador Jorge Muñiz.

Faustino Sánchez García empezó a sufrir detenciones pola so actividá sindical y política nel Partíu Comunista dende 1961 nel valle del Nalón. Ente los sos torturadores taben el sarxentu Osorio, el sarxentu Pérez y el guardia Sevilla. Sufrió prisión y perdió’l trabayu na mina. Depués de ser despidíu por participar nuna fuelga n’otru pozu, pasó a la clandestinidá y escapó al estranxeru. En mayu de 1969, en Sama, volvieron a prendelu y sufrió les tortures del comisariu Claudio Ramos y del policía Pascual Honrado de la Fuente. Con delles costielles rotes, amás de los tímpanos, metiéronlu na cárcel. Salió absueltu depués de tar mediu añu presu ente Uviéu y Carabanchel.

Vicente Gutiérrez Solís significóse pol so trabayu d’organización del Partíu Comunista nos pozos mineros dende 1955. La so primer detención en La Nueva depués de la fuelga minera de 1957/58 llevólu con otros compañeros a la comisaría d’Uviéu, onde sufrió palices de Pascual Honrado de la Fuente y el comisariu Ramos. A la salida de la cárcel en 1961, despidíu del pozu, negáron-y volver a trabayar na mina pola so implicación política. Volvió a sufrir detenciones y palices n’otres fuelgues y tuvo deportáu con otros compañeros fuera d’Asturies. Tuvo qu’escapar a Francia, d’onde volvió en 1966, anque siguieron les detenciones, les palices y la cárcel en diferentes momentos hasta la última detención, en 1977.

Anita Sirgo Suárez foi una de les víctimes de tortures na fuelga de 1962, fechos que xeneraron una fola de solidaridá y denuncia en tol Estáu y na comunidá internacional. A Anita prendiéronla col so home en Sama, cuartel onde sufrieron, con otros compañeros y compañeres, les palices y les tortures de Fernando Caro Leiva. Depués de rompe-y el tímpanu d’un oyíu por culpa de los golpes, Caro Leiva afaitó-y la cabeza a tirones a Anita con una navaya. Les palices siguieron de la mano de Claudio Ramos nel cuartel de Buenavista d’Uviéu. Anita nun dexó la so implicación política nel Partíu Comunista y tuvo qu’escapar a Francia. Al volver a Asturies siguió sufriendo estancies de dellos meses na cárcel, por exemplu, alredor de tolos Primeros de Mayu, siempre ensin xuiciu nin rexistros, hasta’l final de la dictadura.

Sigún denuncia’l Coleutivu Ecoloxista, la contaminación sigue xubiendo n’Avilés. Colos datos d’estaciones de control de la contaminación que facilita’l Gobiernu d’Asturies del primer trimestre del añu 2014, podemos comprobar como xubió la contaminación nesti tiempu en gran parte de les estaciones de control de la contorna d’Avilés que toma datos de los conceyos d’Avilés, Castrillón, Corvera y Gozón.

Y eso que les precipitaciones fueron bien abondoses nestos meses, llimpiando l’atmósfera, lo que demuestra lo alzada que foi la contaminación na zona, lo bien peligrosa que son estes emisiones al aire que lleven décades.