Política Andecha denuncia l’aisllamientu d’Asturies by asturnet 29 d'agostu, 2014 La reduición de los trenes a Madrid xunto cola inoperatividá del aeropuertu, el chamullu de lAutovía del mar, el peaxe de lautopista dEl Güerna y la siempres pendiente variante ferroviaria de Payares, aislla a Asturies del restu del mundiu, sigún fai denuncia Andecha Astur nun duru comunicáu al analizar la reduición prevista por RENFE, una vuelta pasául branu, de cuatru trenes direutos a Madrid asina comul convoi ensin paraes de los domingos pela tardi. Esta decisión de RENFE amiéstase pa Andecha “a una situación dincomunicación xeneralizada del nuesu país, nel que pretende amenorgasel tamañu dun aeropuertu infrautilizáu y con una ufierta pocu más que tesmimonial, el chamullu de lAutovía del mar que sesmuz dempués de munches falses promeses de continuidá, el caltenimientu del peaxe de lautopista dEl Güerna que Zapatero prometiere anular- y la siempres pendiente variante ferroviaria de Payares, cuya reinal postergación forma parte yá de la hestoria de despropósitos que sufre Asturies, fain quel nuesu país safaye nuna situación dincomunicación dafechu”. Sigún Andecha, “les polítiques del Estáu español pAsturies non solo caten lesfarrapamientu industrial, económicu, social y cultural dAsturies, sinon tamién la incomunicación comu un ellementu más de la so estratexa desaniciu y asimilación dun país al que namás se-y facilita daqué la comunicación cuandu llegal branu, pa que puedan venir los madrilanos a esfrutalu”. Nel comunicáu nel qu’Andecha fai esta denuncia tamién carga escontra’l silenciu del Principado que “ye de nueu una amuesa dincapacidá y complicidá necesaria pa col Estáu español, y un cargu más del que tendrán que responder éntel Pueblu Asturianu”. 29 d'agostu, 2014 0 FacebookTwitterPinterestEmail
Patrimoniu IX considera necesariu un Plan Director pa l’Arqueoloxía y el desenvolvimientu del reglamentu de la Llei de Patrimoniu by asturnet 29 d'agostu, 2014 Manuel González Orviz, Coordinador d’IX d’Asturies, caltuvo esti xueves caberu d’agostu un alcuentru con representantes de l’Asociación de Profesionales Independientes d’Arqueoloxía d’Asturies, na que dambos coincidieron en sorrayar la esmolición pola cayida d’obra pública y l’amenorgamientu de los sos ingresos, yá que gran parte d’estes obres riquíen d’un siguimientu arqueolóxicu. Acompañáu pol voceru parlamentariu de la formación, Aurelio Martín, comprometióse tamién a preguntar na Xunta a la Conseyería de Cultura sobre cuálos son los criterios colos que s’otorguen les subvenciones y cuálos los criterios polos que se prioricen unos yacimientos y non otros. Nuna nota de prensa asoleyada ayeri depués del aconceyamientu Orviz asegura que entendemos que son criterios técnicos y d’importancia los que primen a unos yacimientos sobre otros pero, entendemos que ye importante conocer los criterios más allá de la casuística. Izquierda Xunida tamién entiende necesariu un Plan Director de Patrimoniu onde se defina’l papel de les instituciones y tamién el de los arqueólogos de xestión y patrimoniu, porque l’arqueoloxía ye tamién riqueza p’Asturies. De la mesma, IX coincide colos arqueólogos na necesidá de que s’apruebe’l reglamentu de la Llei de Patrimoniu asturianu, una y bones la llei ye de 2001 y ta ensin desenvolver. Manuel González Orviz esplicó qu’otru de los asuntos que demanden estos profesionales ye que los arqueólogos de xestión puedan aportar a los proyectos d’investigación yá que anguaño namá pueden ser solicitaos por personal universitario, esto ye, reivindiquen l’accesu per parte de los profesionales del ámbitu arqueolóxicu tamién a estos proyectos. 29 d'agostu, 2014 0 FacebookTwitterPinterestEmail
Educación Curso de Llingua y Cultura nel Navia-Eo by asturnet 29 d'agostu, 2014 La Fundación parque histórico del Navia, en collaboración cola Academia de la llingua asturiana y el Conceyo de Navia, amaña a las tardes de los martes y xoves entre el 14 doutubre y el 27 de novembre, la sexta edición del Curso de llingua y Cultura del Navia-Eo. Este curso forma parte del Plan dactuacióis de la Oficina Cultural y Llingüística del Parque Histórico del Navia en materia de normalización social del Gallego-Asturiano pa la anualidá de 2014, baxo la tutela de la Dirección Xeneral de Política Llingüística del Principao dAsturias. Neste curso -de 42 horas de duración xebradas en 14 sesióis- que sigue a las anteriores edicióis amañadas en los Conceyos del Franco, Tapia y Navia, han a darse diferentes materias desarrolladas por espertos de la zona, como la iniciación a la gramática del gallego-asturiano, la sociollingüística del gallego-asturiano, los oficios tradicionales, el gallego-asturiano y la música contemporánea, esperencias docentes col gallego-asturiano, el gallego-asturiano nas novas tecnoloxías, recursos naturales dEntrambasauguas, la Biblioteca Popular Circulante de Castripol y el Teatro Aldeano, y la música tradicional nel Navia-Eo. Xa ta aberto el prazo de matrícula hasta el prósimo 30 de setembre. Pa ello é preciso entregar cuberto na sede de la Fundación Parque Histórico del Navia el formulario dinscripción que pode descargarse, xunta col resto de la información, na web desta entidá www.parquehistorico.org, además de presentar el xustificante bancario del pago de la matrícula en concepto de matrícula curso llingua. 29 d'agostu, 2014 0 FacebookTwitterPinterestEmail
Educación IX esixi al gobiernu que nun s’aplique al profesoráu de les universidaes públiques nenguna tasa de reposición by asturnet 29 d'agostu, 2014 Izquierda Xunida, al traviés de la so Área Federal d’Educación, esixe al Gobiernu del PP y asina lo va a defender na tramitación de los próximos Presupuestos Xenerales del Estáu (PGE) pa 2015, que nun s’aplique a les Universidaes Públiques nenguna tasa de reposición y déxese, poro, la renovación de les sos plantiyes y la promoción del so profesoráu.De la mesma forma, reclama al Executivu de Mariano Rajoy que dexe de considerar como nueves places docentes lo que nun ye otra cosa que la promoción d’un mesmu docente a otra escala. IX considera que tres los retayos efectuaos nos últimos años llegó’l momentu d’amontar el financiamientu de les universidaes públiques hasta algamar el 2% del PIB. Díez recuerda que no que va de llexislatura dende 2012 hasta güei- el Gobiernu del PP, al traviés de los PGE, retayó la plantiya de profesoráu universitariu nel 90% de les places de personal universitario que se xubiló o causó baxa. Esto supon, tal como denuncia la Conferencia de Rectores y Rectores de les Universidaes (CRUE) un amenorgamientu de la capacidá docente ya investigadora de les nueses universidaes, con graves consecuencies pa la educación cimera y, por tanto, pal presente y futuru de los nuesos mozos. 29 d'agostu, 2014 0 FacebookTwitterPinterestEmail
Conceyos TUA escaez lasturianu en toles llínies d’Uviéu by asturnet 27 d'agostu, 2014 Iniciativa pol Asturianu vieno acabante d’amosar nuna nota de prensa’l so refugu a la esclusión de la llingua asturiana en toles estayes del grupu Transportes Unidos de Asturias S.A. (T.U.A.), quufrel serviciu públicu de tresporte dautobús nel conceyu de la capital, y que ta acabante destrenar un nuevu web y llínies de serviciu. Lestrenu desta nueva páxina nes redes débese a la puesta en marcha de les nueves llínies de tresporte quagora dan serviciu a los carbayones. Sicasí, Iniciativa pol Asturianu considera inescusable lescaezu de la llingua asturiana nesti casu, que presentaba una ocasión mui afayadiza pa incluyila dafechu xunto al castellán, idioma nel que la compañía opera dafechu y nesclusiva dendel so entamu, hai más de 30 años. Iniciativa pol Asturianu quier con esta nota, y la carta unviada a la compañía, “facer un llamamientu a les instituciones del conceyu y a la propia empresa pasegurar la inclusión del asturianu nel serviciu de T.U.A., quatiende a milenta asturfalantes a diariu y a quienes nun pue discriminar baxo dengún conceptu. Especialmente mancante ye la falta d’usu de los nomes de llugar o topónimos tradicionales del conceyu d’Uviéu pa les llinies y paraes del serviciu”. 27 d'agostu, 2014 0 FacebookTwitterPinterestEmail
Gastronomía La Sidra pon na cai nuevu númberu by asturnet 27 d'agostu, 2014 El númberu de La Sidra correspondiente al mes d’agostu que fai’l númberu 128 yá ta disponible pa la so descarga en pdf, con una bayura conteníos venceyaos a la cultura sidrera y que recueye les sos secciones de siempre (muyeres del llagar, l’axenda sidrera, ect..) y dedica-y abondu espaciu a eventos como’l XVIII FESTIVAL INTERCÉLTICO DEL OCCIDENTE o’l XIV FESTIVAL DE LA SIDRA VILLA DE NAVIA. Númberu 128 de la revista La Sidra en pdf 27 d'agostu, 2014 0 FacebookTwitterPinterestEmail
Escéniques El Salón de Teatru Costumista de Candás aporta al ecuador by asturnet 27 d'agostu, 2014 Cola representación de ‘Paraíso fiscal, obra de Carmen Campo Mier, a cargu del grupu de Llaranes Santa Bárbara, que ye unu de los estrenos absolutos de la programación d’esti añu, el XXIV Salón de Teatru Costumista de Candás aporta al so ecuador del añu con una programación más llarga y paez qu’esitosa. Cada día hai una cita escénica a les 23 hores nel Teatru Prendes de la capital del Conceyu de Carreño Mañana xueves sedrá la representación de ‘La mala pata del alcalde’, obra de Pedro Mario Herrera adaptada por José Ramón Oliva, a cargu del grupu El Horreo de Barcia. Y el vienres tocará-y el turnu a la representación de Tu, yo y el vecín, obra de José Ramón Oliva, a cargu del Grupu de Teatru Asturianu Carbayín, que tamién ye un estrenu absolutu. El sábadu ta programada la eepresentación de El cantar de los pipiolos, creada y presentada pol grupu llangreanu Padre Coll. Toles representaciones tienen llugar a les 23 hores nel Teatru Prendes y la entrada cuesta 6 euros (4 pa socios). Éstes van tar a la venta nel propiu teatru dende una hora enantes de cada función. El colofón del Salón va ser el próximu vienres 5 de setiembre, cuando van entregase los XII Premios Aurora Sánchez de Teatru Costumista Asturianu, que valoren el llabor destes agrupaciones. El títulu del espectáculu dhumor quacompaña la entrega de los gallardones lleval nome de La gala siempre llama dos veces, obra de Alain Fernández. La entrada pa presenciar los Auroraye de baldre. 27 d'agostu, 2014 0 FacebookTwitterPinterestEmail
Música Aporta a Porcía la XXXI Noite Celta by asturnet 27 d'agostu, 2014 Esti próximu sábadu 30 d’agostu, a partir de les 22:30 hores, va celebrase nel Campu de l’Alamea de *Porcía (El Franco) una nueva edición de la Noite Celta de Porcía, que cumple trenta y ún años y ye l’eventu decanu n’Asturies rellacionáu cola música tradicional del arcu atlánticu. La Noite Celta surdiera por iniciativa de los vecinos del llugar d’El Franco nel añu 1984 y nél, de magar, danse cita los meyores grupos y solistes d’esti xéneru musical. Dende l’añu 1995 esta iniciativa vecinal organízase en redol a l’Asociación Cultural Alamea, con see n’este mesmu llugar y que ye la entidá responsable de la so organización. Nel Campu de l’Alamea, una isla fluvial arrodiada pel ríu de Porcía, danse cita cada añu cientos d’aficionaos a la música folk, qu’esfruten d’una redolada privilexada onde poder escuchar a los meyores intérpretes del xéneru y tastiar les yá tradicionales sardines a la plancha que la organización ufierta gratuitamente a los asistentes. Mientres esti 2014, la *Noite Celta de *Porcía cumple 31 años. Na nueche del 30 al 31 d’agostu podrán escuchase en Porcía, a partir de les @22:@30 hores, los grupos Banda de Gaites El *Trasno, Vrienden, Corquiéu, John *Mc *Sherry & Sylvain Barou & Rubén Bada & Pádraig Rynne, y La Tarrancha. Amás de la participación d’estos grupos, va faese entrega del premiu a los ganadores del primer concursu de diseños pa les camisetes y material promocional de la Noite Celta de Porcía. Tamién y, como tolos años, amás del habitual serviciu de chigre y de la vienta del merchandising de la Noite Celta de Porcía, podrá esfrutase na Alamea de les sardines a la plancha que davezu se ponen a disposición del públicu. 27 d'agostu, 2014 0 FacebookTwitterPinterestEmail
Cine Gonzali entama’l doblaxe del clásicu d’animación “Superman” by asturnet 26 d'agostu, 2014 Gonzali Producciones vieno acabante d’entamar el doblaxe al asturianu de los 9 capítulos primeros de la serie clásica d’animación Supermán, realizaos nos Fleischer Studios. La productora quier continuar col doblaxe de películes d’animación, entendiendo’l so especial valir nel procesu de normalización llingüística en cuanto suponen unos productos mui apreciaos polos neños. Nesi camín afáyase esti proyectu que cunta con una subvención del Ayuntamientu de Xixón. Dempués de la so apaición primera nel añu 1938, nel Action Comics #1, la popularidá de Superman nun paró de crecer. P’aprovechar el tirón del personaxe la productora Paramount encargó a los estudios de los hermanos Max y Dave Fleischer que ficieren una serie de curtiumetraxes d’animación, con una duración ente 7,5 y 9 minutos, con Superman como protagonista. Los Fleischer aceptaron l’encargu tres d’aprobase un presupuestu mui altu p’aquel tiempu pa unes hestories animaes, 50.000 dólares por episodiu. Realizaron la serie, en total 17 curtios, d’una calidá impresionante. L’animación yera fluida y dinámica, y el dibuxu mui asemeyáu al de Joe Shuster nel cómic. Cada episodiu tenía una estructura cuasi igual: primero la introducción, cola música xenial de Sammy Timberg; llueu presentábase a los villanos, colos que Clark y Lois siempres acababen involucraos, y Lois les más de les veces atrapada o secuestrada, hasta que Superman diba al rescate cola frase “esto paez un trabayu nuevu pa Superman”. L’episodiu terminaba davezu col titular del Daily Planet onde se lleía cómo Superman iguara la situación, y con una conversa ente Lois y Clark sobre Superman. El capítulu primeru de la serie foi nomáu al Oscar al meyor curtiumetraxe d’animación en 1941. Los títulos de los episodios que van ser doblaos son Superman, Los monstruos mecánicos, El tren d’un billón de dólares, El xigante del Árticu, Los homes bala, El telescopi magnéticu, Terremotu eléctricu, El volcán y Apavoriu nel bulevar. Gonzali Producciones ye la productora responsable del doblaxe profesional n’asturianu dende 2010. Dende entós tien fecho dellos versionaos, de los que cuatro editáronse en DVD, Los viaxes de Gulliver (2010), El tercer home (2011), McLintock (2011) y La nueche de los muertos vivientes (2012). El rostru impenetrable (2013) emtióse dos vegaes pela televisión autonómica. 26 d'agostu, 2014 0 FacebookTwitterPinterestEmail
Política Andecha Astur convoca pal sábadu 30 d’agostu a un actu d’homenaxe a la Declaración de Soberanía by asturnet 25 d'agostu, 2014 Andecha Astur convoca pal sábadu 30 d’agostu al actu d’homenaxe a la Declaración de Soberanía cola que’l Conseyu Soberanu declaraba la independencia de la República española. El sábadu 30 d’agostu, nel Puertu Tarna, a la 1 del meudía tendrá llugar el tradicional actu de comemoración y homenaxe a la Declaración de Soberanía del Conseyu Soberanu por mor de la qué se declaró independiente de la República Española y col qu’entamó un auténticu procesu revolucionariu y de reconocencia a nivel internacional que defendió heróicamente coles armes frente a un exércitu franquista y los sos alliaos alemanes. Nuna nota de prensa asoleyada esti día, Andecha Astur amuesa que “güei, cuandu l’Estáu español continúa col procesu d’asimilacionismu y negación de la identidá nacional asturiana y de los nuesos drechos colleutivos, y cuandu la izquierda española n’Asturies pretende garrar fuercia con proyeutos estatalistes importaos dende Madrid y nos qu’Asturies nun ye más qu’una sucursal ensin reconocencia de la so identidá nacional y soberanía”, la organización nacionalista asturiana quier facer “un llamamientu al conxuntu de la sociedá asturiana a recuperar aquellos valores que llevaron al Pueblu Asturianu a asumir les riendes del so propiu destín y a lliberase de proyeutos españolistes que torguen la mesma sobrovivencia d’Asturies comu nación”. 25 d'agostu, 2014 0 FacebookTwitterPinterestEmail