Comunicación TPA emitirá “El rostru impenetrable” otra vuelta’l llunes 8 by asturnet 5 de setiembre, 2014 Con motivu de la cellebración del DÍA D’ASTURIES la televisión autonómica asturiana va facer la emisión tercera del llargumetraxe “El rostru impenetrable (One-Eyed Jacks)”, dobláu al asturianu por Gonzali Producciones. La reemisión ta prevista pal llunes, 8 de setiembre, a les 15,40 hores. El rostru impenetrable (ficha técnica) ye un western de 1961 fechu nEstaos Xuníos dAmérica, dirixíu y protagonizáu por Marlon Brando, y ta interpretáu por Marlon Brando, Karl Malden, Pina Pellicer, Katy Jurado, Ben Johnson, Slim Pickens,Larry Duran, Sam Gilman, Timothy Carey, Miriam Colon, Elisha Cook Jr., Rodolfo Acosta y Hank Worden. Foi la única película dirixida por Marlon Brando. En 1961 tuvo nominada al Oscar na categoría de Meyor Fotografía (collor) y llogró la Concha d’Oru a la meyor película nel Festival de San Sebastián. La TPA fizo una primera emisión el 27 avientu de 2013 y una reposición el 10 de mayu. El doblaxe dEl Rostru Impenetrable (ONLINE ) ye con diferencial programa más vistu de TPA a la carta. Illán Gonzali dirixó y produciól versionáu, con un repartu de más de venti dobladores, ente ellos Carlos Novoa, José Antonio Lobato, Ana Blanco Rozada, Ana Díaz Morán, Andrés Presumido, Carlos Alba, Alberto Rodríguez, Silvino Torre, Lluis Antón González, Olga Cuervo, Eladio Sánchez, Verónica Gutiérrez, Marisa López Diz, Ángel Héctor Sánchez, Norberto Sánchez, Carlos González, Begoña Faro, Mario Artidiello, Samuel Gradín, Hugo García, Carlos Rodríguez, Jéssica de la Paz, Xulián García y Fernando de Luxán. L’Academia de la Llingua Asturiana responsabilizóse del asesoramientu lingüísticu. 5 de setiembre, 2014 0 FacebookTwitterPinterestEmail
Educación Uviéu firma’l primer conveniu d’una Universidá hispana col CERN by asturnet 5 de setiembre, 2014 La Universidá d’Uviéu ye la primer española en firmar un conveniu de collaboración cola Organización Europea pa la Investigación Nuclear (CERN). Dambes instituciones van potenciar la investigación nel ámbitu de la física fundamental, la matemátiques y l’inxeniería (software, mecánica, eléctrica, electrónica, de control y telecomunicaciones), sigún pudo sabese ayeri. El prestixosu llaboratoriu européu algamó alcuerdos de collaboración con una amenorgada llista d’universidaes en tol mundu y nel casu d’España la institución académica asturiana ye la primera y única universidá que suscribió un conveniu. Dende va siete años la Universidá d’Uviéu y el CERN caltienen una collaboración constante, frutu de la cual más de 70 titulaos asturianos completaron yá estancies d’hasta 3 años nos llaboratorios de la Organización Nuclear Europea. El rector, Vicente Gotor, robló esta mañana’l documentu marco del alcuerdu con vixencia d’otros cinco años al pie de Lluís Secundino Miralles Verge, director del Departamentu de Servicios d’Infraestructures del CERN. La vicerrectora d’Investigación y Campus d’Excelencia Internacional, Paz Suárez Rendueles, y el profesor Víctor Manuel González, coordinador del proyectu per parte de la Universidá, allegaron tamién a la firma del conveniu. Amás, la prestixosa institución científica, galardonada’l pasáu añu col Premiu Príncipe d’Asturies d’Investigación Científica y Técnica, escoyó la institución asturiana pa celebrar el pasáu abril el so primer Campus de Primavera n’España cola participación de 80 estudiantes. 5 de setiembre, 2014 0 FacebookTwitterPinterestEmail
Política La izquierda soberanista asturiana movilízase de forma unitaria nUviéu esti 8 de setiembre by asturnet 5 de setiembre, 2014 Esti próximu llunes 8 setiembre la iniciativa #LluchandoPolaSoberanía vuelve a salir a la cai col llema Pa tresformar Asturies, col que distintes organizaciones y persones de la izquierda nacionalistaasturiana van movilizase de forma conxunta nUviéu, según presetaron esta selmana nuna rueda de prensa na que dellos representates d’estes organizaciones posaron col cartelu la convocatoria. La xornada (con un diseñu fechu nasamblees abiertes) presenta un formatu novedosu, porque va haber manifestación, actividaes llúdiques pela tardey los movimientos sociales asturianos van tener el protagonismu. A les 12.30 va arrancar la manifestación dendel Paséu Los Álamos dUviéu. La reivindicación de Pa tresformar Asturies espeyaráse a lo llargol recorríu en cuatro paraes que van reclamar soberanía pa decidir y camudar les polítiques en base a cuatro exes: llaboral y drechos sociales; mocedá y educación; xéneru y llibertaes sexuales; y ecoloxismu y mundu rural. Distintos colectivossociales van ser los encargaos de facer estes intervenciones.La marcha va dar acabación na Plazal Paragües, onde se va lleerun comunicáu consensuáu ente les distintes convocantes. La llecturaabordará los principales problemes dAsturies (paru y precariedá,emigración, despoblamientu rural, esfarrapamientu ecolóxicu, sexismu, sucursalismu y corrupción, aculturización ),y defenderá lluchar pola soberanía pa dar respuesta a les imposicionesdel FMI, de la Xunión Europea y del Estáu español. Nacabando lactu políticu entamarán les actividades llúdiques na mesmal Plazal Paragües. Dende les 14.00 y hasta les 19.30 va haber una xinta popular, música, mercadín deditoriales y de colectivos sociales, xuegos tradicionales y cuentacuentos pa neñesy neños. Toles actividaes sacantes la xinta- van ser de baldre y abiertes al públicu, poniendo especial enfotu nafalar a la participación del vecindariu y de la ciudadanía en xeneral. Esta movilización destaca amás por ser la única que va cellebrar la izquierda nacionalista asturiana coincidiendo col 8 setiembre, día oficial dAsturies. Diseñóse de mou horizontal, con asamblees abiertes a toles persones y organizaciones interesaes; y afonda nes dinámiques dunidá dacción que se tán dando nos últimos tiempos ente distintos ámbitos del soberanismu. 5 de setiembre, 2014 0 FacebookTwitterPinterestEmail
Educación Vuelve la Campaña Recoyida de Llibros en “La Simiente” by asturnet 4 de setiembre, 2014 En puertes del cursu escolar 2014/2015, La Semiente retoma la 3ª Campaña de Recoyida de Llibros y Material escolar. Nesta segunda fase, el centru social “La Semiente” asitiáu na Calle Eladio G.Jove Nº6 de LEntregu, va proceder a entregar el material y los llibros pa los/les escolinos/escolines qu’asina lo reclamen, dende’l Martes día 9 de Setiembre fastal Vienres 19 del mesmu mes, n’horariu de 5 a 7 la tarde. Amás desto, esti llocal autoxestionáu sigue recibiendo llibros de testu desti añu y del añu pasáu, de tolos cursos, escueles, institutos y colexos, tol material escolar que la xente yos pueda apurrir y tamién donaciones de perres pa faer llotes de material escolar. Eso si, en “La Simiente” quieren facer alcordanza de que “nun ye obligatorio traer coses pa poder llevar, y que nun puen asegurar que tola xente tope lo que busca, asi cá ún/una quaporte lo que pueda y lleve lo que tope de lo que necesite”. Por últimu, La Semiente quier da-yos munchisimes gracies “a toles persones que contribuyeron echando perres nes huches que se distribuyeron pela Cuenca y a los comerciantes y chigreros que les pusieron nos sos establecimientos”. Amás recuerden queses perres “van revertir equí, ya que’l material escolar va comprase en pequeñes llibreríes y papeleríes de la zona, pequeñes por comparación colos grandes centros comerciales, pero mui grandes pola solidaridá y apoyu que nos van mostrando”. 4 de setiembre, 2014 0 FacebookTwitterPinterestEmail
Conceyos Samartín abrel mes de la toponimia con un espaciu na FEMEX by asturnet 4 de setiembre, 2014 La Oficina de Normalización Llingüística de Samartín del Rei Aurelio, col enfotu de potenciar lemplegu de la so toponimia oficial, aprobada por decretu nel añu 2008, ta desendolcando a lo llargo desti mes de setiembre una iniciativa cola que se pretende informar a la población, lalministración y los medios de comunicación de los nomes de los pueblos que deben usase. Baxol títulu Mes de la toponimia, durante setiembre van llevase a cabu distintes actividaes encaminaes a esi oxetivu. La primera delles entama mañana vienres 5 de setiembre coincidiendo cola Feria de Muestres y Esposiciones FEMEX que se celebra nel Parque El Florán. Ehí va poder visitase un stand que va incluyir información rellacionada cola toponimia oficial del conceyu. Nos distintos paneles informativos van tar espuestos tolos topónimos oficiales, y va poder conocese lorixe de dalgunos dellos y más información rellacionada col procesu de recuperación toponímica. En pocu espaciu va poder accedese a una información virtual quenancha la información física yá presente nos cartelos y la complementa con enllaces web que sactiven al ser escaniaos cola aplicación Layar, que se pue instalar en tabletes o móviles dúltima xeneración. Los paneles van incluyir más de 150 puntos de realidá enanchada. Tamién va haber xuegos rellacionaos cola toponimia destinaos a distintes edaes y regalos pa les persones participantes. Esti espaciu na FEMEX va poder visitase dendel vienres 5 hastal llunes 8 nhorariu de mañana y tarde. 4 de setiembre, 2014 0 FacebookTwitterPinterestEmail
Política Andecha pide la dimisión de Varela by asturnet 4 de setiembre, 2014 Andecha Astur acaba asoleyar un comunicáu nel que diz que “la llucha escontra la corrupción istitucional desixe que los cargos públicos imputaos dimitan imediatamente metantu la xusticia algama una sentencia definitiva, nesi sen, lanuncia de lalcaldesa dAvilés afirmando que nun va presentase a les prósimes elleiciones, en cuentes de dimitir, y pretendiendo desvincular esa decisión de la so imputación pol Casu Niemeyer, supón una burlla a tolos avilesinos, y una amuesa más de cómul PSOE sigue calteniendo dinámiques de corrupción inaceutables dafechu pa la sociedá asturiana”. Pa Andecha, “por salú democrática y respetu a los avilesinos Pilar Varela tien que dimitir y collaborar cola xusticia, entregando la documentación quel xulgáu vien reclamándo-y dende va pa 3 meses, y comu ella tolos cargos públicos implicaos en casos de corrupción”. 4 de setiembre, 2014 0 FacebookTwitterPinterestEmail
Política La izquierda soberanista asturiana movilízase de forma unitaria nUviéu esti 8 de setiembre by asturnet 4 de setiembre, 2014 Esti próximu llunes 8 setiembre la iniciativa #LluchandoPolaSoberanía vuelve a salir a la cai col llema Pa tresformar Asturies, col que distintes organizaciones y persones de la izquierda nacionalista asturiana van movilizase de forma conxunta nUviéu, según presetaron esta selmana nuna rueda de prensa na que dellos representates d’estes organizaciones posaron col cartelu la convocatoria. La xornada (con un diseñu fechu nasamblees abiertes) presenta un formatu novedosu, porque va haber manifestación, actividaes llúdiques pela tardey los movimientos sociales asturianos van tener el protagonismu. A les 12.30 va arrancar la manifestación dendel Paséu Los Álamos dUviéu. La reivindicación de Pa tresformar Asturies espeyaráse a lo llargol recorríu en cuatro paraes que van reclamar soberanía pa decidir y camudar les polítiques en base a cuatro exes: llaboral y drechos sociales; mocedá y educación; xéneru y llibertaes sexuales; y ecoloxismu y mundu rural. Distintos colectivossociales van ser los encargaos de facer estes intervenciones.La marcha va dar acabación na Plazal Paragües, onde se va lleerun comunicáu consensuáu ente les distintes convocantes. La llecturaabordará los principales problemes dAsturies (paru y precariedá,emigración, despoblamientu rural, esfarrapamientu ecolóxicu, sexismu, sucursalismu y corrupción, aculturización ),y defenderá lluchar pola soberanía pa dar respuesta a les imposicionesdel FMI, de la Xunión Europea y del Estáu español. Nacabando lactu políticu entamarán les actividades llúdiques na mesmal Plazal Paragües. Dende les 14.00 y hasta les 19.30 va haber una xinta popular, música, mercadín deditoriales y de colectivos sociales, xuegos tradicionales y cuentacuentos pa neñesy neños. Toles actividaes sacantes la xinta- van ser de baldre y abiertes al públicu, poniendo especial enfotu nafalar a la participación del vecindariu y de la ciudadanía en xeneral. Esta movilización destaca amás por ser la única que va cellebrar la izquierda nacionalista asturiana coincidiendo col 8 setiembre, día oficial dAsturies. Diseñóse de mou horizontal, con asamblees abiertes a toles persones y organizaciones interesaes; y afonda nes dinámiques dunidá dacción que se tán dando nos últimos tiempos ente distintos ámbitos del soberanismu. 4 de setiembre, 2014 0 FacebookTwitterPinterestEmail
Educación Vuelve la Campaña Recoyida de Llibros en “La Simiente” by asturnet 4 de setiembre, 2014 En puertes del cursu escolar 2014/2015, La Semiente retoma la 3ª Campaña de Recoyida de Llibros y Material escolar. Nesta segunda fase, el centru social “La Semiente” asitiáu na Calle Eladio G.Jove Nº6 de LEntregu, va proceder a entregar el material y los llibros pa los/les escolinos/escolines qu’asina lo reclamen, dende’l Martes día 9 de Setiembre fastal Vienres 19 del mesmu mes, n’horariu de 5 a 7 la tarde. Amás desto, esti llocal autoxestionáu sigue recibiendo llibros de testu desti añu y del añu pasáu, de tolos cursos, escueles, institutos y colexos, tol material escolar que la xente yos pueda apurrir y tamién donaciones de perres pa faer llotes de material escolar. Eso si, en “La Simiente” quieren facer alcordanza de que “nun ye obligatorio traer coses pa poder llevar, y que nun puen asegurar que tola xente tope lo que busca, asi cá ún/una quaporte lo que pueda y lleve lo que tope de lo que necesite”. Por últimu, La Semiente quier da-yos munchisimes gracies “a toles persones que contribuyeron echando perres nes huches que se distribuyeron pela Cuenca y a los comerciantes y chigreros que les pusieron nos sos establecimientos”. Amás recuerden queses perres “van revertir equí, ya que’l material escolar va comprase en pequeñes llibreríes y papeleríes de la zona, pequeñes por comparación colos grandes centros comerciales, pero mui grandes pola solidaridá y apoyu que nos van mostrando”. 4 de setiembre, 2014 0 FacebookTwitterPinterestEmail
Educación Suatea denuncia la imposible ellaboración d’Horarios by asturnet 4 de setiembre, 2014 Falten pocos díes pal empiezu de les clases nes escueles de Primaria y yá entamen los problemes de los centros pa poder cubrir toles sos necesidaes que’l sindicatu SUATEA nun comunicáu asoleyáu esti xueves denuncia que siguen ensin iguase: “nestos momentos vívense situaciones caótiques nes que la ellaboración d’horarios conviértese nun llaberintu ensin salida digna dende la perspectiva de la calidá educativa”. Col amenorgamientu de personal y l’implantación de la nueva Llei d’Educación la organización de les sesiones de les distintes asignatures sobrecarga al profesoráu como nunca lo tuvo enantes. En dellos casos queden periodos llectivos de 30 minutos que tán siendo autorizaos dende l’alministración entá a sabiendes que nesi periodu de tiempu nun puen impartise conteníos con criterios pedagóxicos: “too val pa esta Conseyería con tal de caltener amenorgada la plantiya al máximu posible. Falar de desdobles o apoyos ye falar d’utopíes imposibles de poner en práctica quedando reducíes a papel moyao nos documentos oficiales”. Como venía asocediendo dende fai dellos cursos, los alcuerdos de plantiyes siguen ensin cumplise pal sindicatu: “les tutoríes de Primaria cúbrense colos especialistes d’otres asignatures, los apoyos d’Infantil rellumen pola so ausencia y les ratios máximes -que tendríen de ser escepcionales- conviértense na norma xeneral”. Con esti compendiu de problemes ye otra vuelta- el profesoráu interín, “especialmente’l que ta a media xornada, quien sal más perxudicáu viendo cómo los sos horarios ellabórense rellenando los furacos que queden y acaben teniendo xornaes llaborales que riquen la presencia nel centru como si tuvieren a tiempu completu”. Dende SUATEA quieren facer público “que, pesie a la insistencia de l’Alministración en negar los conflictos, nos centros educativos súfrense los retayos, les direcciones nun ven cubiertos los sos pidimientos, faise evidente la falta de personal y too ello va tener por fuerza consecuencies educatives. Nun puen resalvase les responsabilidaes de la Conseyería d’Educación. La educación nun pue ser oxetu de retayos”. 4 de setiembre, 2014 0 FacebookTwitterPinterestEmail
Sociedá L’Asociación de Trabayadores de la Normalización Llingüística critica’l procesu de selección de la plaza del serviciu en Mieres by asturnet 4 de setiembre, 2014 Dende l’Asociación de Trabayadores de la Normalización Llingüística d’Asturies vienen acabante d’asoleyar esti xueves un duru comunicáu nel que quieren “declarar públicamente la disconformidá pa cola convocatoria y provisión de la plaza de responsable del Serviciu de Normalización Llingüística de Mieres pola opacidá na propuesta y selección de la mesma, y falta rigor y solidez na valoración de méritos”. Nel comunicáu, l’Asociación diz que “lo primero qu’observamos ye que l’anunciu de la convocatoria faise a traviés de Trabajastur, que si bien nun dexa de ser un sistema más de publicidá dufiertes de trabayu, evita los medios habituales nel desarrollu d’un procesu selectivu na alministración local, que son el Boletín Oficial del Principáu d’Asturies y el tablón d’anuncios y web municipales”. La consecuencia directa del usu d’esta vía alternativa ye la escasa visibilización de la convocatoria, polo que pa l’Asociación “ta claro qu’a menor información tamién son menores les posibilidaes d’accesu a la plaza de les persones interesaes. L’anunciu y les bases de la convocatoria nun fueron los únicos documentos que nun tuvieron disponibles públicamente, yá que los llistaos de persones almitíes y escluíes y la notificación de la fecha del esame recibieron el mesmu tratamientu. L’únicu documentu que’l Conceyu Mieres fizo públicu daba a conocer los resultaos del procesu de selección y ponía fin al mesmu”. En cuantes a lo qu’albidren ye una “falta rigor y solidez na valoración de méritos”, el comunicáu diz que “llama bien latención que na fase de concursu se conceda la mesma puntuación a los cursos de llingua asturiana qu’a los d’informática, y lo más chocante ye que considera d’igual manera los cursos de marketing, nun otorgando mayor puntuación a los conocimientos rellacionaos col asturianu, que ye la materia vinculada directamente col puestu a desempeñar y que nun garantiza la oxetividá nel accesu al puestu nin asegura la efectividá nel trabayu a desarrollar pol SNL”. Nel comunicáu añaden tamién que nel 2014, el serviciu permaneció cerráu ocho meses, “lo que rescampla desti tipu actitúes ye la postura y disposición dun gobiernu local que nun apuesta daveres pola estabilidá del SNL nun procesu de normalización llingüística efectivu, comprometíu y real, dificultandol desarrollu de proyectos y la consecución d’oxetivos a mediu y llargu plazu”. Por too ello, l’Asociación de Trabayadores de la Normalización Llingüística d’Asturies subraya “la necesidá de que los procedimientos d’accesu a les places de los SNL sigan los mesmos parámetros y s’axusten a la llegalidá vixente solicitando, nesti casu, del Conceyu Mieres, un compromisu real pa col asturianu y responsabilidá pa col SNL, asegurando la so continuidá en beneficiu dun llabor eficaz, activu y duraderu”. 4 de setiembre, 2014 0 FacebookTwitterPinterestEmail