Música Esti vienres cúmplense 25 años del primer ensayu de Dixebra by asturnet 5 de xineru, 2012 El grupu Dixebra cumple esti vienres 6 de xineru 25 años como grupu. Va un cuartu de sieglu los miembros del grupu llideráu por Xune Elipe celebraben nAvilés el so primer ensayu. Agora acaben despublizar un discu pa celebrar esti aniversariu. Esti vienres Asturnews súmase a la celebración y ufre una completa entrevista con Xune Elipe pa falar desti venticinco años de rock nasturianu. 5 de xineru, 2012 0 FacebookTwitterPinterestEmail
Música Toli Morilla estrena 2012 nel Tierra Astur de Cualloto by asturnet 4 de xineru, 2012 El cantautor asturianu Toli Morilla va llevar les sos versiones de Bob Dylan al chigre Tierra Astur de Cualloto (Siero), nel que va ser el so primer conciertu del añu 2012. Sedrá esti xueves 5 de xineru, de magar les diez de la nueche. Toli Morilla asoleyare hasta agora cinco discos, dellos en castellán, con temes nasturianu, y otros defechu nasturianu: Entropía (2006), Nueche d’insomniu: L’espectáculu (2005), Nueche d’insomniu (2004), Entre el barro y las preguntas (2003) y Nunca des la espalda (1998). Morilla va tocar los temes de Diez cantares de Bob Dylan nasturianu, un discu pa tolos públicos, que permite averase a la obra de Dylan dende la nuesa llingua. Nel conciertu de Tierra Astur, va tar acompañáu por Ángel Miguel a la mandolina Bluegrass, el dobru National y la guitarra acústica Martín. 4 de xineru, 2012 0 FacebookTwitterPinterestEmail
Música 2011 dexa una collecha de 23 discos nasturianu by asturnet 4 de xineru, 2012 Según lAnuariu de la Música Asturiana, asoleyáu por Publicaciones Ámbitu, les cases discográfiques asoleyaron a lo llargo del añu un total de 23 discos en llingua asturiana nel añu 2011, lo que supón una pequeña xuba con respectu a 2010, cuando salieron al mercáu 22. La industria musical asturiana aguantal tipu dempués dunos años nos quel descensu llegó a ser del 50% añal. 4 de xineru, 2012 0 FacebookTwitterPinterestEmail
Sociedá El Súmmum conviértese en revista de pagu by asturnet 4 de xineru, 2012 El Súmmum,revista cultural editada por Publicaciones Ámbitu, llega al númberu 39 con un exemplar añal que yá se puede merca en llibreríes y na tienda en llínia de la editorial, yá que dende esti númberu la revista ye de pagu. Nes sos 192 páxines a color, la publicación recueye entrevistes a los escritores Rosa Montero, Gonzalo Suárez, Antón García, Jordi Llavina y Ovidio Parades; reportaxes gráficos de trabayos de los creadores plásticos Fernando Bayona, Miguel Galano y Bill Viola y de los museos de Louisiana en Copenhagen y lArqueolóxicu d’Uviéu. Nel tarrén audiovisual, anúnciase la estrena de la comedia de situación Chatarrona ya infórmase sobre’l documental de Melania Fraga sobre l’occidente asturianu y sobre la última película de Lucia Herrera. Nel campu del diseñu gráficu y multimedia, entrevístase a los responsables del estudiu de diseñu Diseco y repásense los últimos trabayos d’Ámbitu. En cuantes a la escena asturiana, faise esbilla de les estrenes teatrales del añu de la mano del críticu Beni Ortiz. Pe la so parte, l’apartáu musical protagonícenlu Nacho Vegas, Dark la Eme y Skama la Rede y el d’ilustración, Francisco Pimiango, Javier Mariscal y Alfonso Zapico. La estaya de creación lliteraria, cuenta con collaboraciones de Pablo X. Suárez, Marina Sanmartín «La Fallera Cósmica» y Belén Rico. 4 de xineru, 2012 0 FacebookTwitterPinterestEmail
Sociedá El Centru Asturianu de Madrid premia a Próspero Morán col Urugallo de Bronce pol so llabor pol asturianu by asturnet 3 de xineru, 2012 El Centru Asturianu de Madrid ta acabante anunciar los sos gallardones del añu 2011, otorgaos a asturianos que destaquen nel so llabor nestremaos llabores. Próspero Morán, director dAsturnews, va recibir lUrogallo de Bronce na categoría de llingua asturiana. El premiu, que sentrega dende 1987, recibiéronlu nel pasáu xente como Xosé Lluis García Arias, Mª Josefa Canellada, Florina Alías, Ediciones Trabe o Nené Losada Rico, ente otros, y reconoz el llabor a favor del espoxigue del asturianu. Próspero Morán (Llangréu, 1962) lleva toa una vida dedicáu al llabor pol asturianu. Llicenciáu en Filoloxia Hispánica y Doctor en Llingua y Lliteratura Española, algamó dellos posgraos en nueves tecnoloxíes y vien compartiendol so llabor de docente nuniversidaes col trabayu como periodista, trabayu onde siempres tuvo al asturianu como llingua despresión. El so llabor como periodista entamó en Radio Llangréu, pasando per cásique tolos medios asturianos y dellos estatales, como La Voz de Asturias, onde llegó a ser Xefe de Cultura, TVE, onde foi presentador del telediariu nuna de les poques esperiencies dinformativos nasturianu. Collaboró tamién en Radio Asturies-SER, Radio 5, el Canal Internacional de TVE, el diariu económicu CincoDías, Qué, y nos años últimos, na TPA, onde presental programa Nós, tamién na nuesa llingua. Dende la so empresa Asturnet fundó Asturnews, una de les primeres esperiencies periodístiques pal asturianu ninternet. El so llibru Llingua y Nueves Tecnoloxíes, asoleyáu en 1996, ye ún de los pocos trabayos dedicaos al usu de llingües minoritaries nos medios que tratal casu asturianu. El so llabor a favor del asturianu fizo que lu nomaran miembru correspondiente de lAcademia de la Llingua Asturiana. Recibió amás otros reconocimientos, como lAntena de Plata de lAsociación de Radio y Televisión dAsturies. Otros de los gallardones que van entregase esti añu notres categoríes, van dir pa José Luis Martínez, presidente del Atenéu Xovellanos de Xixón, José Luis García Bigoles, del Bancu Herrero, Olmar, S.L., Laureano Muñiz, Andecha Folclor dUviéu, na categoría de baille, y la Coordinadora Ecoloxista Dasturies C. E. A., ente otres persones y organizaciones. 3 de xineru, 2012 0 FacebookTwitterPinterestEmail
Sociedá Iniciativa pol Asturianu celebra lusu de la toponimia asturiana per parte dALSA by asturnet 31 d'avientu, 2011 La empresa de tresportes ALSA entama a usar la toponimia asturiana tradicional, y agora oficial, dempués de les quexes y la collaboración de miembros dIniciativa pol Asturianu y lasociación decidió felicitar al traviés duna carta a la empresa pol avance nel usu de la toponimia asturiana. La organización anunció, amás, que va aconceyar con ALSA pa facer porque sigan dando pasos na normalización del asturianu na so compañía. Lasociación Iniciativa pol Asturianu, que se presentó de forma públical pasáu sábadu 17 davientu nUviéu, amosó la so allegría pol pasu tan importante que ta acabantes de dar la empresa de tresportes ALSA. Esta empresa, que tuvol so orixe nAsturies y que caltién llazos bien importantes col país, venía incumpliendo la llei al nun usar la toponimia oficial asturiana, esplique. Dende Iniciativa pol Asturianu recuerden que amás de nun ufren a los asturfalantes la posibilidá de consultar la so páxina web n’asturianu. Iniciativa pol Asturiana espera siguir collaborando pa cambiar esta situación, pa lo que van aconceyar con responsables de la empresa pa tresmiti-yos una serie de midíes que favoreceríen la normalización del usu del asturianu nes sos rellaciones colos usuarios. Na organización reivindicativa esperen questi conceyu seya granible pal idioma y supongal primeru de los munchos cambeos necesarios pa facilitar lusu del asturianu en toles estayes de la vida. 31 d'avientu, 2011 0 FacebookTwitterPinterestEmail
Entrevista de la selmana Clara E. Prieto: Hai bastantes nomes de llagares y de marques de sidra que tienen como enseña lasturianu by asturnet 30 d'avientu, 2011 Clara E. Prieto Entrialgo ye profesora del Títulu dEspecialista en Filoloxía Asturiana na Universidá dUviéu y ta faciendo la so tesis doctoral alredor de la morfosintaxis hestórica del asturianu quescribíen los notarios asturianos de los sieglos XIII al XV. Nes Xornaes Internacionales dEstudiu de lAcademia de la Llingua Asturiana, celebraes el pasáu mes de payares, presentó una comunicación na questudiaba los nomes comerciales de los llargares y la sidra asturiana, xunto a los vinos del país. Sobre les conclusiones del trabayu falamos agora, al empar que dotros de los sos trabayos alredor de la filoloxía asturiana, na Entrevista de la selmana. -¿Cómo se-y ocurrió entamar esti trabayu alredor de los nomes de los llagares y marques de sidra? -La ocurrencia surdió cenciellamente al observar etiquetes, soi muncho de reparar netiquetes y envoltorios. El tema abultóme perinteresante dendel puntu de vista científicu, y paecióme una ocasión afayadiza pabordalu la celebración destes últimes Xornaes dEstudiu de lAcademia de la Llingua dedicaes a la onomástica asturiana. -Esti estudiu supón una novedá polo poco que ta tratáu esti tema na filoloxía internacional, ¿por qué los estudiosos de la onomástica miren menos pa les marques comerciales pese a la so importante difusión? -Pues débese a que la onomástica taba llendada tradicionalmente al estudiu de topónimos y antropónimos. Solo nes últimes décades foi surdiendo linterés por otros nomes propios que nun foren de persona o de llugar: dempreses industriales y comerciales, de productos, de partíos políticos y otres asociaciones, danimales domésticos, etc. El campu destudiu ye agora perampliu, lo que pasa ye que la toponimia y lantroponimia siguen atrayendo a la mayoría de los investigadores. Na mio opinión, la onomástica empresarial ye una de les estayes más atractives pola rellación que tien coles ciencies económiques, col marketing, cola sicoloxía social… -¿Notó diferencies ente los nomes de les marques de sidra natural y les más modernes (esplumoses, de nueva espresión, de xelu, etc.)? -Sí quhai diferencies. La sidra natural sigue unos patrones denomativos mui tradicionales: principalmente tomal nome del fabricante (Estrada, El Mariñán, Herminio, Fanjul…) o bien del sitiu onde se fabrica (Bernueces, Cabueñes, El Gobernador…). Anque esta tendencia tamién ye mayoritaria nes otres variedaes, percíbese una mayor creatividá y un ciertu querer separtase de lo tradicional pa xunise a lo moderno: iSidra, Ziber, Escanciador Milenium, Sidrus… -Nel estudiu tamién fala del vinu, ¿atopó unos vezos mui estremaos a la hora de nomar una y otra bebida? -Sí, danse dalgunes diferencies significatives ente la sidra y el vinu. Na mio opinión, la más importante ye que la mayoría de les marques de sidra (casil 50% de les más de 175 recoyíes) reciben el nome del fabricante, mentanto que les marques de vinu asturiano provienen nun 90% de topónimos rellacionaos col llugar de producción. Desti fechu concluyo que pa les empreses vinateres asturianes ye importante sobremanera marcar la procedencia xeográfica de los sos productos, necesidá que nun tienen los llagares. -Y otres bebides, con dalgo de tradición nAsturies, casu de la cerveza o los oruxos, ¿tien estudiao daqué? -Inicialmente, tuvi la idea de dedicar lestudiu a diferentes bébores alcohóliques feches nAsturies, pero viendo que la sidra y el vinu apurríen material abondo, decidí llendame solo a esos dos sectores principales. Quiciabes nun futuru próximu entame cola cerveza y los oruxos. -¿Qué conclusiones apurre lestudiu no que cinca a los usos llingüísticos de los llagareros? -Hai bastantes nomes de llagares y de marques de sidra que tienen como enseña la llingua asturiana, con rasgos claramente non castellanos: Sidra El Piloñu, Llagar de Pachu, Llagar El Güelu, LArgayón, Mayador, Sareganu, La Llarada, La Xarruca… Y esiste tamién una corriente castellanista, representada por nomes como Casería San Juan del Obispo, El Fugitivo, El Gaitero… Fuera de lo que son les marques, llamentablemente, lasturianu nun tien prácticamente presencia nenguna nes etiquetes de sidra. -¿Y de los productores de vinu? -Nel vinu predomina claramente lenclín castellanista: Monasterio de Corias, Obanca, Castro de Limés, Dominio del Urogallo, Pesgos Viñas Viejas… Solo salen desa corriente casos como Penderuyos, Guilfa y, sobre too, L.lumés, el primer y de momentu únicu vinu que salió al mercáu etiquetao dafechu nasturianu. -Nes Xornaes faló de lo interesante que sedría estudiar la evolución hestórica de los nomes de los llagares, ¿tien en mente trabayar nesi sen? -Ye una posibilidá de trabayu bien guapa que nun descarto entamar. Sedría perinteresante, nefeutu, trazar la historia de la onimia industrial de la sidra y el vinu asturianos dende los oríxenes en sieglu XIX hasta lactualidá, viendo si les tendencies yeren antaño más o menos les mesmes quagora o si hebo dalgún cambéu significativu. -Esti ye un campu mui estremáu al del so trabayu de Doctoráu, ¿qué nos puede cuntar de lo que ta llevando alantre baxo la dirección de Xosé Lluis García Arias? -La mio Tesis Doctoral nun tien nada que ver, efectivamente, cola onomástica. Ye un estudiu de morfosintaxis hestórica sobre la llingua quescribíen los notarios asturianos de los sieglos XIII al XV, centrándome na documentación producío na zona de Salas. Toi descubriendo datos valoratibles, sobre too teniendo en cuenta que la sintaxis histórica del asturianu sigue siendo poco estudiada y conocida. -Amás, trabaya como profesora del cursu dEspecialista en Filoloxía Asturiana na Universidá dUviéu. Cola apaición del Minor dasturianu, ¿qué planes hai pa esti títulu propiu? -En teoría, el Títulu dEspecialista en Filoloxía Asturiana ta llamáu a desapaecer col inxertamientu del llamáu Minor dAsturianu nel Grau en Llingües Modernes, quarrincó esti mesmu cursu con tres asignatures. Sin embargu, puesto que la implantación de los nuevos Graos ye progresiva, manteniéndose tovía activos a tolos efeutos los cursos terceru a quintu de les Llicenciatures del Plan del 96, entiendo que la docencia del Títulu Propiu nun pue desapaecer de sópitu, quhabrá que siguir ufiertandol cursu dEspecialista en Filoloxía Asturiana a lo menos pa estes últimes promociones de llicenciaos. -¿Qué otros proyectos tien en marcha? -El más inmediatu ye la organización, xunto con otros profesores, dun congresu que se va celebrar el próximu mes dabril na Facultá de Filosofía y Lletres de la Universidá dUviéu con motivu del 1200 aniversariu del Testamentu dAlfonso II el Castu. El títulu ye Tua sunt Domine omnia. Les donaciones piadoses nel mundu medieval. Tamos plantegándolu como un alcuentru interdisciplinar ente filólogos, historiadores, arqueólogos, etc. nel que se va analizar la importancia del sentimientu relixosu na Edá Media y cómo esa relixosidá se traduxo en documentos, nilesies, en decisiones de los reis… Aguardo que sanime muncha xente a apuntase, el congresu ta abiertu a la inscripción destudiantes y de cualesquier persona interesada nel tema. 30 d'avientu, 2011 0 FacebookTwitterPinterestEmail
Hestoria Una biblioteca en llinia asoleya testos políticos tornaos al asturianu by asturnet 30 d'avientu, 2011 La bloguesfera n’asturianu vien de conocer l’entamu d’una nueva iniciativa col asturieanu como mediu d’espresión, asina como col enfotu d’aidar al treslladu del pensamientu alternativu al conxuntu de la población de la nuesa nación, espresal so creador. El blogue denómase “Acción y Política”, biblioteca en llinia na nuesa llingua. Según se desplica, Acción y Política “nun tién otru envís que’l de proporcionar testos, cartafueyos o llibros n’otres llingues tornaes al asturianu sobre temes que, normalmente, tan vetaos na nuesa llingua. La edición d’un llibru ye caro, los llectores (y mas na llingua llariega) pocos, el sistema de sovenciones creáu polos españoles n’Asturies torga la posibilidá de falar temes como la llucha armada o’l socialismu y les editoriales qu’asumen esti papel, con gran esfuerzu pola so parte tamién sía dicho, suelen apostar por llibros nuevos mas que por tornes (asumiendo que si un llibru ya ta en castellanu ya puede lleese) colo que nun son quien a finar coles ganes de mas llectura na llingua de nueso”. D’esta mena, l’internacionalismu, la lliberación nacional, el socialismu, el feminismu, la defensa de la tierra, los drechos llinguísticos, la hestoria, l’antifacismu, o la formación militante cunten con un nuevu espaciu na rede. Blogue “Acción y política” 30 d'avientu, 2011 0 FacebookTwitterPinterestEmail
Convocatories Ábresel plazu pa presentar cartelos pal Antroxu de Xixón by asturnet 30 d'avientu, 2011 La fecha llende pa la recepción d’obres a concursu pal cartelu del próximu Antroxu ye’l 19 de xineru de 2012. La convocatoria sal del Teatru Xovellanos, entidá dependiente de la Conceyalaría de Cultura, Festexos y Educación de Xixón. BASES CONCURSU DE CARTELOS ANTROXU 2012 El Conceyu de Xixón, al traviés del Teatru Xovellanos, entidá organizadora del Antroxu 2012, convoca EL CONCURSU NEL QUE SE VA ESCOYER EL MOTIVU QUE VA ILUSTRAR EL CARTELU ANUNCIADOR DEL ANTROXU 2012. Ye intención d’esti concursu fomentar la creación artística dientro del ANTROXU y escoyer una obra representativa pal cartelu del añu 2012. Esti concursu ye una convocatoria abierta a la participación d’artistes y creativos de conformidá coles siguientes BASES: 1. Va Poder participar cualquier persona, sía’l que quier la so nacionalidá o condición. 2. Va Ser tema y motivu únicu de llibre creación el Antroxu, en cualesquier de les sos munches manifestaciones festives, y va haber de reflexar l’atmósfera y l’ambiente d’esta fiesta dende la perspectiva del artista. 3. Les obres pueden ser realizaes con cualquier procedimientu o técnica, siempres y cuando sían a color y tengan unes midíes proporcionales A4 (297mm x 210mm). Va Ser sía que non necesariu la capacidá de la obra pa la so correcta reproducción (dixital) en cartelería. Los trabayos tendrán de ser presentaos impresos (A4 A3) y en formatu dixital. Nel cartelu va ser necesariu mentar: Xixón, Antroxu 2012, 17 al 21 de febreru. Fiesta d interés turisticu rexonal. 4. Les obres van presentar nes oficines del Teatru Xovellanos (Casa de la Palmera, Cabrales 82, 33201 Xixón), con referenciar Concursu de cartelos Antroxu 2012 dende’l día 3 de noviembre de 2011 hasta’l día 19 de xineru del 2012 a les 14 hores. 5. Pa participar nel concursu va ser necesariu presentar la obra de forma anónima, incluyendo los datos personales del autor (nome completu, dirección y teléfonu de contactu) dientro d’un sobre zarráu, y figurando nel esterior namá’l lema o títulu de la obra. Los trabayos van haber de ser orixinales y nunca antes tienen de sirvir como cartelu de dalgún eventu. 6. Si’l nome del autor tuviera visible en dalgún llugar del trabayu, y non incluyíu nel interior d’un sobre zarráu, va ser automáticamente descalificáu. 7. El xuráu va ser designáu pol Teatru Xovellanos, y va tar integráu por distintes persones de reconocíu prestíu nel mundu del arte, el diseñu gráficu, la publicidá y la comunicación, amás d’un representante de la entidá organizadora, que va actuar como presidente. La decisión del xuráu va ser inapellable y va poder declarar el concursu ermu. 8. El fallu del xuráu va dar a conocer el día 21 de xineru al traviés de los medios de comunicación. La obra premiada y el cartelu diseñáu del próximu Antroxu xixonés van amosar mientres la presentación oficial del Antroxu 2012. 9. El concursu ta dotáu con un únicu premiu de 500 EUROS en conceutu d’usu de la imaxe de la obra premiada. La obra ganadora va ser en tou momentu propiedá del autor de la mesma y dexar pa la so reproducción. El Teatru Xovellanos de Xixón acutaráse tolos derechos de reproducción y espardimientu de la obra galardonada, completa o estazada, pudiendo ser tresmitida por un sistema de recuperación d’información, o en cualesquier otru mediu, bien sía mecánicu, químicu, fotoquímicu, electrónicu, xerográfico, por rede informática o otru, y siempres y en tou momentu acomuñada col Antroxu 2012 y col autor de la mesma. 10. Los trabayos ensin premiar van poder ser recoyíos nes oficines del Teatru Xovellanos polos sos autores hasta’l 23 de marzu de 2012. Les obres ensin reclamar antes de la fecha indicada, van ser destruyíes. 11. La participación nesti concursu supon l’aceptación de toes y cada una de les sos bases. 30 d'avientu, 2011 0 FacebookTwitterPinterestEmail
Lliteratura Elías Veiga faise col Premiu Teodoro Cuesta de Poesía 2011 by asturnet 30 d'avientu, 2011 Aconceyául xuráu de la XXI edición del Premiu Teodoro Cuesta de Poesía na Casa de Cultura de Mieres del Camín la tarde del llunes 19 davientu de 2011, decidió conceder por unanimidál Premiu al poemariu tituláu Testamentu, presentáu baxol seudónimu Truébanu Solitariu, y del que resultó ganador lescritor Elías Veiga. El Premiu Teodoro Cuesta de Poesía, dotáu con cuatro mil euros, yel de más grande prestixu de los que se conceden nAsturies nel apartáu de poesía, dalgo quatestigua la nómina de los sos ganadores, ente los que tán Berta Piñán, Xuan Bello, Llurdes Álvarez o Marta Mori, ente otros munchos. El xuráu del Premiu Teodoro Cuesta de Poesía tuvo integráu nesta edición por María Antonia Pedregal, directora de la Oficina de Política Llingüística de la Conseyería de Cultura, Jesús Fernández, director de la revista Biblioasturias, Ismael María González Arias, escritor y director de la Casa de Cultura de Mieres, Esther Prieto, escritora, ganadora desti premiu na edición de 1998 y responsable dEdiciones Trabe, y Xuan Bello, escritor, ganador desti premiu na edición de 1993. Presidiól xurául conceyal de cultura del Ayuntamientu de Mieres, Manuel Ángel Álvarez, y actuó como secretaria Anghara Trillo, técnicu superior de cultura de la Casa de Cultura de Mieres; dambos ensin votu. Tres de la primera ronda de delliberaciones del xuráu pasaron a la siguiente rueda de valoración los poemarios titulaos Testamentu, Destruimientu del xardín y Magaya; resultando tres de la posterior votación, por unanimidá, ganador el poemariu tituláu Testamentu. Elías Veiga (Presnes, Allande. 1972) Diplomáu en Biblioteconomía y Documentación pela Universidá de Lleón y encargáu del Archivu de Tinéu de la Casa de Cultura de Navelgas, Elías Veiga venía publicando dellos de los sos poemes en revistes lliteraries como Lliteratura, editada pola Academia de la Llingua Asturiana, pero nel añu 2004 publica’l poemariu La tierra fonda (Trabe), destacando por ser una voz propia que sigue la llinia figurativa de la poesía asturiana de los últimos tiempos. Lagradececíu golor de la tierra apálpase en La tierra fonda, poemes trazaos en llingua asturiana como sema dende loccidente y que encierren un secretu y un arume propiu. Posteriormente Robinson astur (Universos) llanzó una botella de salvación en versu a tiempos que yá se presumíen escuros y dafecho crueles; el poemario obtuvo el Premiu de la Crítica de lAsociación dEscritores dAsturies. Tamién ganó a primeros desti mesmu añu 2011 la VIII edición del Concursu de Cuentos Curtios dAdultos de Cangas del Narcea col cuentu Tierra adientro. Collabora como articulista nel selmanariu Les Noticies y dellos de los sos poemes tán incluyíos nes antoloxíes Escritores en Llanes y Palabres Clares. 30 d'avientu, 2011 0 FacebookTwitterPinterestEmail