Mundu Berta Piñán va espublizar La mio hermana ye una mofeta nalemán by asturnet 7 de xunu, 2012 Lálbum infantil ilustráu La mio hermana ye una mofeta escritu orixinalmente nasturianu por Berta Piñán, ilustráu por Francesca Asirelli y editáu nasturianu y castellán por Pintar-Pintar Editorial va ser asoleyáu otra vegada, agora nalemán, pola Editorial Ellermann perteneciente al Grupu Oetinger. Lalcuerdu ente les dos editoriales xestóse en marzu pasáu, mientres la Feria del Llibru de Boloña (Italia). Anguaño, la editorial asturiana axusta con editoriales dArabia Saudita, Corea, Xapón y Estaos Xuníos alcuerdos asemeyaos pa la reedición de los sos llibros nos correspondientes idiomes destos países, llibros que na so mayoría fueron editaos orixinalmente nasturianu. 7 de xunu, 2012 0 FacebookTwitterPinterestEmail
Conceyos Santa María conviértese en Pueblu Exemplar de Grau by asturnet 7 de xunu, 2012 El miércoles 6 de xunu fallóse’l V Premiu al Pueblu Exemplar de Grau (añu 2012), convocáu pola Conceyalía de Cultura del Conceyu de Grau. Nesta ocasión presentáronse cinco candidatures (Panicera, Parroquia de Báscones, Santa María Grau, Santa María Villandás y Rañeces). Tres el correspondiente alderique’l xuráu alcordó por unanimidá conceder el premiu a la candidatura de la localidá de Santa María Grau, presentada pola Asociación El Gueyo. El Xuráu “valoró l’ampliu cumplimientu de tolos criterios a valorar, el so espíritu cooperativu y collaboración con entidaes benéfiques ya instituciones, amás de les sos obres y llogros na recuperación y revitalización del so patrimoniu, recuperación de les sos tradiciones como les filanderes, gastronomía y fiestes, destacando finalmente’l so sobresaliente esposición documentada y el proyectu al que pretenden destinar el premiu: los materiales pa la construcción d’un centru social fechu en sestaferia polos vecinos”. 7 de xunu, 2012 0 FacebookTwitterPinterestEmail
Política Solidaridá asturiana contra la negativa a promocionar lidioma en Zamora by asturnet 7 de xunu, 2012 La vocalía de dominiu llingüísticu dIniciativa pol Asturianu, coordinada por Denis Soria, espresó al traviés dun comunicáu el so maltar énte la negativa de discutir una moción n’amparu del patrimoniu llingüísticu na Diputación de Zamora. La iniciativa defendida pol grupu ADEIZA que daba un primer pasu na conquista de los drechos llingüísticos básicos (con midíes de proteición, promoción, recuperación toponímica o refuerzu institucional de la creación cultural y lliteraria de la llingua asturiana/lleonesa y gallega na Provincia de Zamora) partió del coleutivu Furmientu, una de les organizaciones qu’integren el movimientu de reivindicación llingüística al sur del cordal y cola qu’Iniciativa pol Asturianu aconceyara’l pasáu 31 de marzu n’Estorga (Lleón). El representante de los independientes zamoranos y diputáu provincial, Antonio Juanes García, defendió esta moción que nun se llegó a debatir al cuntar colos votos en contra del PP y a favor d’ADEIZA, PSOE ya IX. Iniciativa pol Asturianu púnxose en contautu tanto con Furmientu como con AZEIZA p’apoyar el so compromisu en favor del idioma y ofrecer tola collaboración posible nesti ámbitu, al ser un sector importante de la sociedá zamorana y asturiana parte d’una mesma comunidá llingüística.” El PP refuga midíes a favor del patrimoniu llingüísticu de Zamora 7 de xunu, 2012 0 FacebookTwitterPinterestEmail
Plástiques Xurde Margaride inaugura una esposición de semeyes revelaes con sidra by asturnet 7 de xunu, 2012 Na Sidrería La Galana, na Plaza Mayor de Xixón, tendrá llugar la inaguración de la esposición de Sidrografíes del fotógrafu Xurde Margaride. Sedrá esti xueves 7 de xunu a les 20 hores, y permanecerá espuesta del 7 al 24 d’esti mes. La Sidrografía ye una anovación artísitca obra del mencionáu fotógrafu na que la propia sidra forma parte del procesu de reveláu de la semeya, de tala miente que, comu diz l’autor “cuando la sidra forma parte d’una imaxe da llugar a una obra única, una sidrografía”. 7 de xunu, 2012 0 FacebookTwitterPinterestEmail
Lliteratura Marina Lobo funda la editorial Impronta by asturnet 7 de xunu, 2012 Esti xueves, 7 de xunu, lAtenéu Obreru de Xixón va acoyer la presentación del primer llibru de la editorial Impronta, Catálogo de asombros, de Javier Almuzara. Marina Lobo ye lalma desti proyectu nuevu de la que fuere directora de Llibros del Pexe a lo llargo de venti años. Nesta nueva andadura tamién tien previsto asoleyar dalgunos llibros nasturianu. El primeru sedrá una edición billingüe, nasturianu y castellán, de Xosé Bolado, La bona intención. La marcha dImpronta yá puede siguise dende Facebook (http://www.facebook.com/ImprontaEditorial), páxina na que la editorial va dir colgando fragmentos de los sos llibros y cola que va caltener al día a los sos siguidores. Otros autores que van asoleyar nos meses vinientes son Alfonso López Alfonso, José Luis García Martín y Rodrigo Olay. 7 de xunu, 2012 0 FacebookTwitterPinterestEmail
Cine Marisa López Diz presental so primer curtiumetraxe en Grandas de Salime by asturnet 7 de xunu, 2012 Esti sábadu 9 de xunu a les 19’00 h. na Casa de Cultura de Grandas de Salime va tener llugar la presentación del curtiumetraxe en gallego-asturianu A fiya del xastre, de Marisa López Diz. L’actu va tar presentáu por Susana Hevia, directora del Muséu Etnográficu de Grandas de Salime, onde se rodó la mayor parte del curtiometraxe, asina como n’otros llugares del conceyu. A fiya del xastre ye’l primer curtiometraxe de Marisa López Diz y ta inspiráu nun rellatu col que ganó’l Premiu Xeira 2007. Ye un curtiumetraxe de ficción ambientáu nun pueblu del occidente d’Asturies nos años de la posguerra. La historia -emotiva y intensa y enllena d’elementos máxicos- reflexa la vida nel mundu rural d’unos personaxes que ven alterada la so rutina diaria por un fechu inesperáu y comprometedor. Dempués de la proyeición del curtiu, va haber un alcuentru cola directora del mesmu y con dalgunos de los actores del curtiumetraxe, que van contanos aspeutos y anécdotes del rodaxe y que van contestar a les entrugues del públicu participante. Como pieslle, el dúu Mestura, del que ye parte la directora desti audiovisual, va interpretar dalgunes de les canciones en gallego-asturianu que formen parte de la banda sonora del curtiu. La directora Marisa López Diz ye llicenciada en Filoloxía Hispánica, Especialista n’Asturianu y cola capacitación de Gallego-asturiano. Escribe poesía y rellatu tanto pa neños como p’adultos y tien dellos premios y llibros espublizaos. A fiya del xastre supón la so primer incursión nel mundu del cine como directora. 7 de xunu, 2012 0 FacebookTwitterPinterestEmail
Música Producciones A Mansalva entama la so actividá by asturnet 7 de xunu, 2012 Una nueva productora ta acabante ñacer. Producciones A Mansalva va dedicase a la producción y promoción d’eventos y festivales musicales del ámbitu tradicional asturianu, con roster propiu d’artistes en Management y booking. Asitiaos n’Asturies con un ampliu catálogu de servicios como la creación y producción d’eventos, conciertos, festivales y xires. La productora tien una cartera d’artistes en contratación esclusiva, amás d’otros artistes colos que trabayen en booking. Inclúin nos sos servicios, la promoción con anuncios en prensa, cuñes de radiu, foros y xestión de redes sociales. Amás cuenten con departamentu de diseñu, pa cartelería, lones, entraes, merchandising. Páxina de la productora 7 de xunu, 2012 0 FacebookTwitterPinterestEmail
Lliteratura Fallu de los Concursos de Recoyida de Material Toponímico Oral y Teatru de l’Academia de la Llingua Asturiana by asturnet 6 de xunu, 2012 Aconceyául Xuráu del Concursu dInvestigación de Recoyida de material toponímico oral, que convoca lAcademia de la Llingua Asturiana correspondiente al añu 2012 apautóse en premiar el trabayu tituláu Toponimia de la parroquia de Proaza. Conceyu de Proaza, del que son autores Antonio Alonso de la Torre y Francisca Iglesias Álvarez. El Xuráu taba formáu por Ana María Cano González como presidenta, Xosé Lluis García Arias como vocal y Alfonso Martín Caso faciendo de secretariu. Dientro d’esta estaya, concediéronse tamién un primer accésit al trabayu Toponimia de la parroquia de L’Arteosa (Piloña), d’Aurina González Nieda y Jerónimo González Cueto, y dos segundos accésits correspondientes a los trabayos Toponimia de les parroquies de Riañu (Llangréu) y La Pasera (Noreña), de Xabiel Fernández García, y al estudiu La parroquia casina de Caliao. Material toponímico de la totalidá d’esta collación de Xulio Llaneza Fernández Asina mesmo, el Xuráu del Concursu de Teatru, compuestu por Miguel Ramos Corrada como presidente, Xosé Ramón Iglesias Cueva como vocal, faciendo de secretariu Adolfo Camilo Díaz, premió nesta convocatoria la obra titulada Pa L’Habana, de la que ye autor l’escritor candasín Xurde Fernández Fernández. 6 de xunu, 2012 0 FacebookTwitterPinterestEmail
Lliteratura AsturtOOns asoleya Nel, el coríu que nun sabía nalar by asturnet 6 de xunu, 2012 Yá tá la venta’l nuevu llibru d’Inaciu Galán, Nel, el coríu que nun sabía nalar. Ye’l primer llibru d’esti autor empobináu a la reciella. Una historia onde conocemos al coríu Nel, un personaxe mui especial que tendrá que superar dalgunos mieos pa poder vivir con normalidá na so llaguna nel parque, col restu de collacios. El llibru tien 24 páxines, ente les qu’hai dos d’exercicios. Ta ilustráu en color con dibuxos d’Enrique Carballeira. Pue atopase nes llibreríes asturianes o pidiéndolu direutamente a la editorial nel corréu: asturtoons@gmail.com La editorial asoleyó un audiovisual promocional que puede vese en YouTube. 6 de xunu, 2012 0 FacebookTwitterPinterestEmail
Lliteratura Xuan Xosé Sánchez Vicente presenta un nuevu llibru destudios lliterarios by asturnet 6 de xunu, 2012 La Fundación Nueva Asturies acaba d’editar Monsacru, un llibru qu’encloya una colección d’estudios sobre lliteratura asturiana y española. La edición va presentase esti xueves, 7 de xunu, nel Club de Prensa de La Nueva España en Xixón, a les 8 la tarde, cola presencia del autor. 6 de xunu, 2012 0 FacebookTwitterPinterestEmail