Sociedá El PP de Xixón organiza una xornada sobre lliteratura y cultura asturianes by asturnet 15 de xunu, 2012 El llunes que vien, 18 de xunu, la estaya de la muyer del PP de Xixón entama una Xornada de Lliteratura y Cultura Asturianes nel Centru Cultura Vieyu Institutu. Lentamu será a les once la mañana cola presentación de la xornada, por Pilar Fernández Pardo (presidenta del PP de Xixón) y Elena González (resposnsable de la Estaya de la Muyer). Darréu podrá sentise la conferencia Introducción a la etnografía asturiana pol investigador Alberto Álvarez Peña y proyectarásel documentos Rincones secretos: Mitología de Asturias, dunos 22 minutos. A les 12:45 entamará lúltimu de los actos, una charra de lAcademia de la Llingua Asturiana titulada Trés décades d’estudiu, promoción y defensa del patrimoniu llingüísticu, que cuntará cola intervención d’Ana María Cano González, presidenta de la institución, y lacadémicu Xosé Antón González Riaño. Pela tarde proyectarásel documental A bruxa de Brañavara de 40 minutos de duración. Darréu celebraráse una mesa redonda titulada Introducción al doblaxe cinematográficu en llingua asturiana, pol xestor cultural Humberto Gonzali y cuntando cola participación del actor Antón Caamaño y del realizador Illán Gonzali. Darréu proyectaráse Esbilla de cinema n’asturianu, uno venit minutos con una selección d’escenes correspondientes a cuatro xéneros cinematográficos distintos: infantil, cine negru, western y fantásticu. La xornada va rematar cola conferencia Lliteratura asturiana en femenino. Muyeres escritores n’asturianu y en gallego-asturianu, pola poetisa y narradora Aurora García Rivas. 15 de xunu, 2012 0 FacebookTwitterPinterestEmail
Mundu Muerre la escritora ya investigadora Aurora Sánchez Fernández by asturnet 14 de xunu, 2012 Aurora Sánchez Fernández, escritora ya investigadora finó ayeri nUviéu a los 47 años por mor duna enfermedá. Lautora, que foi correctora de La Nueva España dende 1996 llicenciárese en Filoloxía Ingles pola Universidá de Lléon y tien asoleyaos dellos llibros, dalgunos dellos nasturianu, firmaos xunto al so home, el tamién escritor Xosé Lluis Campal. Los sos restos van incinerase güei a les cinco nel tanatoriu uvieín dEl Salvador, onde ta la capiella ardiente. La so actividá lliteraria desenrrollóse lo mesmo en castellán, con títulos como «El lenguaje de las flores», «Decorar flores y plantas», los cuentos «Marcadas» (2006) y «Análisis» (2008), y trés volúmenes dedicaos a los neños y basaos en «El Quixote», «El Lazarillo de Tormes» y «El Conde Lucanor». De la creación a cuatro manes col so maríu sal tamién la obra de teatru (Con)tratos. Comedia llaboral en dos actos y en prosa. En 2008 gana xunto al so home, el Premiu de Llectures pa Rapazos de lAcademia de la Llingua Asturiana, con «Una fardelina de cuentiquinos en versu», que dos años más tarde diba asoleyar la institución na so colección Escolín. Amás, participó tamién na revista Lletres Asturianes, cuando en 2008, y de nuevo xunto a Campal, asoleyól trabayu “Imáxenes de muyer na poesía asturiana d’entamos del sieglu XX”. Otres dos interesantes investigaciones feches nasturianu queden frutu del so trabayu: «Agustín de la Villa y los sos trabayos poéticos nel diariu xixonés El Pueblu Astur», de 2009, y «Sidra, versu y publicidá», de 2011. 14 de xunu, 2012 0 FacebookTwitterPinterestEmail
Lliteratura LALLA tien nes llibreríes el cuartu númberu de Lletres Lliterariu by asturnet 14 de xunu, 2012 La revista Lletres Lliterariu, que ñació como númberu especial de Lletres Asturianes y lleva cuatro años como publicación dixebrada, asoleyól pasáu mes de mayu un númberu nuevu. Nesti cuartu númberu lAcademia sigue col enfotu de contribuir a festexar la virtualidá estética del nuesu idioma, que dende hai sieglos vien dándonos obres de calidá induldable. Nesti volume puen atopase obres de poesía, narrativa, teatru y tornes. Esti númberu cuatro inclúi poemes de Xuan Porta, Lauren García, Marta Mori, Xurde Fernández, Cristina Menéndez Martín, David Fernández, Roberto González-Quevedo, Xicu Monteserín, Manuel Asur, Ricardo Saavedra Fernández-Combarro, Marisa López Diz, Irma González-Quevedo Pedrayes, Inaciu Galán y González, Xe M. Sánchez, Mª José Fraga Suárez, Helena Trexu Fombella, Abel Aparicio González, Berto García, Ángeles González Fuentes, Carmen Uría Araujo, Pachu Menéndez, Ánxel Álvarez Llano, Mª Esther García López y Santi Fano, quilustra amás esti volume. Na estaya de prosa espublízase El silenciu, de Berto Cobreros, Cuentos pequeñinos de Vicente García Oliva, La bona intención y Una onza de chicolate, de Xosé Bolado, Chicolate, de Xurde Fernández, Fuzzy logic, de Xe M. Sánchez, Cuidáu cola tragancia, de Xulio Arbesú, Col meyor vistíu, de Cristina Menéndez Martín, Pyrus communis, dInaciu Galán y González, A moza dAgapito, dAurora García Rivas, El falante, La lletra y La llingua tarazada, dÁnxel Nava, Milagros, de Marisa López Diz, Acuicultura dHelena Trexu, Les llarasques de felechu, de Xosé Ramón Lozano Cuervo, Diariu, de Carlos Rubiera Tuya y La ferrería, de Lluis Muñiz Antuña. No que cinca a les tornes, Héctor Xil torna un testu en prosa de Jonathan Swift y Xaviel Vilareyo a José Luis Garci. Esti autor asoleya tamién un testu de teatru que pieslla esti númberu, baxol títulu La igua. 14 de xunu, 2012 0 FacebookTwitterPinterestEmail
Música Marisa Valle Roso sigue cola so xira en LEntregu by asturnet 14 de xunu, 2012 Esti xueves, 14 de xunu, Marisa Valle Roso, va actuar a les 20.30 hores nel Teatru L’Entregu. La entrada ye de cinco euros. Nel conciertu van participar, amás de la cantadora Valle Roso, Pablo Carrera a la gaita, Xaime Arias al pianu y Rodrigo Sturm , cola guitarra. Les entraes van costar cinco euros en tolos casos. 14 de xunu, 2012 0 FacebookTwitterPinterestEmail
Música Fala non Caduca canta Al altu la lleva en Cualloto by asturnet 14 de xunu, 2012 Esti xueves 14, va celebrasel conciertu de presentación del EP ‘Al altu la lleva’ de Fala non Caduca con una espicha-conciertu en Tierra Astur Águila (Cualloto). Sedrá nesti establecimientu de magar les nueve y media la nueche y por 165 euros, espicha incluyida. Los asistentes van poder mercar l’EP ‘Al altu la lleva’ por 5 euros. 14 de xunu, 2012 0 FacebookTwitterPinterestEmail
Sociedá Janick Le Men remata lestudiu del léxicu lleonés by asturnet 14 de xunu, 2012 Janick Le Men ye una de les filólogues que conoz el léxicu lleonés con más fondura. Lleva cuasi venti años axuntando tolos vocablos de la nuesa llingua en Lleón, y tien espublizada una colección de volúmenes con miles de pallabres. El sestu ye lúltimu y acaba de velu impresu. Dende ababayos y hasta zuzaina sepártenla más de venti años y miles de pallabres del nuesu idioma al otru llau del cordal. Le Men estudió Filoloxía Francesa en París y Reims y nel añu 1973 vieno a Asturies. NUviéu dio clases na Alliance Française y conoció al pintor lleonés Alejandro Vargas, col que casó. Yá en Lleón estudió Filoloxía Hispánica y con José Ramón Morala, miembru dhonor de lAcademia de la Llingua Asturiana. La Fundación Monteleón espubliza los sos llibros de léxicu en Fuentes y estudios de historia leonesa. Entrevista a Le Men n’Asturnews (2010) 14 de xunu, 2012 0 FacebookTwitterPinterestEmail
Conceyos Una iniciativa vecinal recupera 375 topónimos en Celoriu by asturnet 13 de xunu, 2012 Gracies al llabor de los vecinos, animaos pola propuesta del grupu de monte de lAsociación de Vecinos de Celoriu «La H.oguera», la parroquia de Celoriu, en Llanes, recuperó yá 375 topónimos menores. Nomes de llugar conseñaos al traviés de la documentación medieval y la tradición oral viva que sacompañen dun trabayu fotográficu de más de 790 semeyes y un vídeu del trabayu del campu. Ente los collaboradores tuvo lhestoriador y etnógrafu Ramón Sordo Sostres. Ente los topónimos recoyíos, los de los regatos de la parroquia: La Bola, Pontigu, Chicu, Martinh.uentes y L’Aguañaz. Pueden vese tolos topónimos na páxina web hogueraceloriu.com 13 de xunu, 2012 0 FacebookTwitterPinterestEmail
Conceyos Conceyu Abiertu reclama protección pal patrimoniu cultural en Noreña by asturnet 13 de xunu, 2012 El grupu políticu Conceyu Abiertu pidel cumplimientu del acuerdu plenariu de 1999 pa la reconstrucción de la ponte ferroviara dEl Rebalde, que data del añu 1850 y sobre la que la Conseyería de Cultura acaba declarase incompetente pa pronunciase sobrel so abandonu por tar desmontáu enantes de la entrada de la Llei de Patrimoniu (1/2001) polo que nun contaría con protección patrimonial efectiva. Conceyu Abiertu por Noreña pide, quel gobiernu llocal actue dempués de pronunciase Patrimoniu y ratificar que la ponte nun tien dengún tipu de protección, y recuerden que yá nun hai escuses pa que lAyuntamientu actúe sobre los materiales de cara a preservalos y estudiar la so reconstrucción como salcordara en Plenu de 26-11-1999. CA recuerda coomo Dendel gobiernu del conceyu dicíase que nun se podía actuar sobre ellos ensin saber si taben protexíos y, si yera asina, baxo mandatu de la Conseyería, y pide quagora que ta aclariao, el Conceyu de Noreña tomes les midíes oportunes. Conceyu Abiertu afirma que larchivu del espediente pola inhibición de la Conseyería nun quita dengún valor patrimonial a la ponte y lúnicu fechu pol que lAyuntamientu nun ye sancionáu ye porque se desmontó un añu enantes de la entrada en vigor de la llei. Pa la formación tampoco nun quinta responsabilidá política a los distintos gobernantes que, dende 1999, nun cumplieron lacuerdu plenariu de reconstruyila, abandonándola y posiblemente faciendo que los noreñeses perdiéramos un importante elementu patrimonial. La pelota ta nel teyáu del gobiernu municipal, pue intentar salvar y protexer el patrimoniu o siguir col vergoñosu abandonu y lincumplimientu los acuerdos, rematen dende CA. 13 de xunu, 2012 0 FacebookTwitterPinterestEmail
Emigración El Centru Asturianu de Barcelona celebra la octava edición de la so Nueche Folk by asturnet 13 de xunu, 2012 Esti sábadu viniente, 16 de xunu, celébrase la octava edición de la Nueche Folk entamada pol Centru Asturianu de Barcelona. Esti añul cartelu tien la novedá dincluyir a un grupu internacional, Meliouank, veníos de la Bretaña francesa. A ellos xunirásel grupu asturianu La Bandina La Curuxa, que compartiran cartelo coles bandes de gaites y baille llocales, Andecha pol Raigañu (Centru Asturianu de Barcelona), Avoengo (Centru Gallegu de Barcelona) y la City of Barcelona Pipe Band and Fergus Muirhead (Banda de Gaites Escocesa). Les actuaciones entamarán a les 20.00 hores, nes instalaciones del Centru Asturianu de Barcelona nel barriu barcelonés de Sarrià. La entrada ye de baldre. 13 de xunu, 2012 0 FacebookTwitterPinterestEmail
Lliteratura L’Arribada organizará una mesa redonda na Selmana Negra by asturnet 13 de xunu, 2012 LArribada entama na Semana Negra desti añu un actu dedicáu a la novela negra nasturianu, en forma de tertulia onde participarán los escritores Roberto González-Quevedo, Vicente García Oliva y Xuan Xosé Sánchez Vicente, y que va moderar lescritor Humberto Gonzali. Estos trés autores escribieron obres de referencia dientro del xéneru del hard-boiled y na nuestra llingua. SonSangre na braña (2012), de González Quevedo, con una trama dimplicaciones internacionales xunto a sospeches inquietantes nuna sociedá marcada pola crisis; LAire de les castañes (1989, reeditada en 2008), de García Oliva, que recueye la investigación del asesinatu de Piñerina, un trasuntu lliterariu del conocíu personaxe xixonés Rambal; y La muerte amiya de nueche (1983, reeditada en 2011), de Sánchez Vicente, una historia onde sexaminal papel de les instituciones polítiques mientres, de deducción en deducción, los personaxes Oscar Abel Piñera y El Meruca van caminando hacial descubrimientu del asesín. 13 de xunu, 2012 0 FacebookTwitterPinterestEmail