Mundu La SGAE retira la demanda que punxere a Radio Kras by asturnet 20 de marzu, 2013 Antón Reixa, de la SGAE, púnxose en contactu col músicu asturianu Xabel Vegas, tres la carta abierta qu’ésti publicó nel so blogue de Público, p’anuncia-y que diera instrucciones de suspender la demanda y empecipiar un diálogu con Radio Kras “pa conocer el porcentaxe real del repertoriu SGAE qu’utilizamos y valorar que decisión tomen como autores”. Amás, Reixa reconoz “el llabor fechu pola nuesa radio a favor de la música independiente y va comunicar a la AGEDI-AIE el cambéu d’actitú de la SGAE, en ficies de qu’estes entidaes reconsideren la so postura”, espliquen dende Radio Kras, que comenten que “pela nuesa parte, esperamos la comunicación oficial de la retirada de la demanda per parte de la SGAE y que les entidaes AGEDI-AIE tomen la mesma decisión”.Amás agradecen “toles amueses de solidaridá recibíes estos díes y el llabor d’espardimientu”, faciendo un especial reconocimientu a Xabel Vegas “pola so aportación a la busca d’una solución satisfactoria a esta situación inxusta”. Les sociedaes de xestión de drechos d’autor ataquen a Radio Kras 20 de marzu, 2013 0 FacebookTwitterPinterestEmail
Escéniques El Xovellanos va acoyer l’estrenu de l’adaptación de Tíu Vanya al asturianu por Telón de Fondo by asturnet 19 de marzu, 2013 El grupu de teatru Telón de Fondo tien preparaada una nueva obra pa estrenar el 5 de mayu d’esti añu nel Teatru Xovellanos de Xixón. Ye una obra basada nel Tíu Vanya d’Antón P. Chéjov, que Lluis Antón González, autor del testu n’asturianu, tresllada a l’Asturies de principios del sieglu XX, col títulu d’El tíu Antonín. Nel repartu van tar José Luis Fenández, el propiu Lluis Antón González, Carmen Suarez Trapiello, Ángel Héctor Sánchez y Marilú Casas. La dirección ta al cargu de Sara García Rodriguez, mientres que la producción ye cosa de Xulio Vigil. Yá pue vese un trailer de la obra. Dende va selmanes pueden mercase les entraes nel propiu teatru o na páxina web del mesmu por namás seis euros. Telón de Fondo lleva trabayando nel campu de les artes escéniques dende l’añu 1973, faciendo por normalizar l’asturianu nesti campu. La obra Branu de 1930. La tranquila vida rural d’una casona asturiana, la de los Arboleya, na que viven el tíu Antonín, cola so madre y la so sobrina Sonia, vese alterada pola llegada d’un matrimoniu, formáu por un profesor retiráu y la so muyer, muncho más moza qu’él. La monótona y aburrida vida, dedicada namás qu’al trabayu nel campu, sufre un cambiu radical cuando Helena, la muyer del profesor trestoca l’equilibriu de les rellaciones de la casa, desatando un conflictu nel que les pasiones y les envidies faen asomar la traxedia. Merca entraes pa ver El tíu Antolín 19 de marzu, 2013 0 FacebookTwitterPinterestEmail
Educación Francisco Fernández-Guisasola presenta una tesis na qu’estudia la medicina popular al traviés del asturianu by asturnet 19 de marzu, 2013 Francisco Fernández-Guisasola ye médicu y homeópata, pero tola vida tuvo mui interesáu pol campu de les humanidaes. Ye por ello que ta tituláu en gaita, fala unes cuantes llingües amás de la de so, l’asturianu, y tien participao en congresos y estudiando la medicina popular asturiana y como la llingua asturiana define esti campu. Ye collaborador habitual de Lletres Asturianes, la revista de l’Academia de la Llingua Asturiana. Esti vienres 22 de marzu a les 12 la mañana, l’Aula Magna de la Facultá d’Odontoloxía, asitiada n’El Cristo, na cai Catedráticu José Serrano e/n, Uviéu -detrás de la Facultá de Medicina, va acoyer la defensa de la so tesis La Medicina Popular a través de la Lengua Asturiana. Amás, esti trabayu lleva arreyaos un Diccionariu Mélicu Alfabéticu Asturianu-Castellanu, un Diccionariu Mélicu Temáticu Asturianu-Castellanu y un Diccionariu Mélicu Paremiolóxicu Asturianu. 19 de marzu, 2013 0 FacebookTwitterPinterestEmail
Política Delegación del Gobiernu comprométese en delles cuestiones con Iniciativa pol Asturianu by asturnet 18 de marzu, 2013 Represenantes d’Iniciativa pol Asturianu aconceyaron el vienres pasáu col xefe de Gabinete de la Delegación de Gobiernu nAsturies, Alberto Mortera quien atendió per dos hores a los representantes de la organización. Los dos cabezaleros de la Xunta Direutiva acudieron en representación del coleutivu a una xunta que se xestó con rapidez, yá que se solicitarel martes. La imposibilidá d’aconceyar con Gabino de Lorenzo por motivos daxenda llevó a lasociación a tratar con Mortera dalgunos de los problemes quatopa anguaño lasturianu y que precisen d’una solución d’urxencia. Asina, Mortera comprometióse con esti coleutivu nasuntos de toponimia, educación y presupuestos estatales. Sicasí, dende Iniciativa pol Asturianu anuncien que van facer “un siguimientu a tolos asuntos que tratamos pa ver si se cumple lo dicho, yá que, nestos casos, munchos van quedando escaecíos al nun los considerar urxentes”. Asina, en materia de toponimia, mostróse favoratible a dir incorporando la toponimia oficial nos cartelos de les carreteres, inclusive aquella que tovía nun se oficializó, casu de la dUviéu, y faló de facilitar un conceyu dIniciativa pol Asturianu col Xefe de Demarcación de Carreteres. Digual forma, conseñó que va falar col grupu municipal del PP nUviéu pa rematar el procesu doficialización de la toponimia del conceyu, con cinco años de retrasu. No que respeuta a la educación, Inaciu Galán y Vítor Suárez repasaron col xefe de Gabinete tolo acontecío cola asignatura de Llingua Asturiana y Gallego-asturianu colos borradores de la Llei Orgánica pa la Meyora de la Calidá Educativa (LOMCE) y treslladáron-y el so esmolecimientu pol fechu de que nun sacabe de tramitar la especialidá dasturianu. Alberto Mortera calificó esta situación de inesplicable y afitó’l so compromisu de facilitanos un contautu col subdelegáu nAsturies del Ministeriu dEducación. Señalando tamién la so intención de comunicase col grupu parllamentariu popular pa tratar el tema. A lo último, Alberto Mortera, mostróse favoratible a que los presupuestos del Estáu incluyan una partida pa lAcademia de la Llingua Asturiana y tamién al usu del idioma na Delegación de Gobiernu, tanto na rotulación interna como en campañes del calter estatal que nes comunidaes con llingua propia suelen dir nel idioma llariegu. El xefe de gabinete rescampló que nel Delegáu de Gobiernu “los defensores del idioma tenemos una persona receptiva dafechu a estes demandes”. 18 de marzu, 2013 0 FacebookTwitterPinterestEmail
Comunicación Les sociedaes de xestión de drechos d’autor ataquen a Radio Kras by asturnet 18 de marzu, 2013 Según denuncia la dirección de Radio Kara recibieron “demandes xudiciales per parte de la Sociedá Xeneral d’Autores d’España (SGAE) y l’Asociación d’Artistes, Intérpretes y Executantes (AIE) y Asociación de Xestión de Derechos Intelectuales (AGEDI). La SGAE recláma-yos 2.328,08 y la AGEDI-AIE, pela so parte, 13.625,28 , al aplica-yos la categoría 2 ó, nel so casu, 3.982 si aplicaren la categoría 4, “na que ye obligatorio demostrar que nun tienen ánimu d’arriquecimientu, nun emitimos publicidá y nun recibimos mas de 25.000 en subvenciones”, espliquen. L’Asociación que sofita la esistencia de Radio Kras, “nútrese económicamente de les cuotes de los socios y socies, fundamentalmente la xente que fai programes de radio y delles persones que, nel so día, participaron nesti proyectu de comunicación alternativa y siguen collaborando como socies”, recuerden. A la emisora “resulta-y abondo complicao poder caltener esti proyectu económicamente, como pa facer frente a estos pagos y si la xusticia-yos da la razón a estes entidaes de xestión supondría la desapaición del nuesu mediu, tres más de 27 años d’esistencia, yá que nun podríamos encarar los gastos”. Recuerden a les autoridaes que son “una entidá ensin ánimu d’arriquecimientu y que nun se llogra nengún ingresu por esplotación comercial, nun tenemos publicidá, damos a conocer músiques que nun suelen tener cabida en el emisores comerciales, promocionamos grupos o cantantes noveles”, y piden a les entidaes demandante “con presupuestos de millones d’euros nun valoren nada d’esto nel so enfotu recaldatoriu”. El próximu 11 d’abril celebrará’l xuiciu verbal de la reclamación de la SGAE. Dende Radio Kras piden la retirada de les demandes presentaes. 18 de marzu, 2013 0 FacebookTwitterPinterestEmail
Comunicación Ambás entamó la séptima temporada del so programa de tradiciones na TPA by asturnet 18 de marzu, 2013 Esti domingu, con nuevu horariu, Xosé Ambás estrenó temporada, la séptima de Camín -enantes Camín de cantares-. Con un cuartu d’hora más de programa esta selmana Ambás visitó a Carme y Teresina, en Porrúa (Llanes), con elles faló de les formes de vida tradicional nesa zona del oriente, de la que recupera dalgunos cantares. Amás, un grupu de moces interpreta unos ramos y una danza. Dende la productora del programa espliquen qu’arraquen una temporada “cargada de novedaes significatives”, nun horariu qu’agora ye teloneru del programa de música tradicional y folclore “Sones”. 18 de marzu, 2013 0 FacebookTwitterPinterestEmail
Música Xune Elipe toca nel discu daniversariu dHabeas Corpus by asturnet 18 de marzu, 2013 Xune Elipe, cantante de Dixebra, ye una de les munches voces que collaboren nel discu nuevu de la conocida banda de hardcore/metal Habeas Corpus. Con esti trabayu, tituláu 20 Años de rabia. 20 Años de sueños, publicáu apocayá, la formación madrilana quier conmemorar xustamentel so venti aniversariu. Nel mesmu inclúinse un total de quince de les canciones más significatives de la so carrera, vueltes a grabar y actualizaes en cuantes a soníu y arreglos. Nelles apaecen bien de nomes conocíos de la escena rockera estatal que canten xunto a los componentes dHabeas Corpus; son nada menos que 31 los intérpretes quempresten la so voz nesta celebración, ente ellos: César Strawberry (Def Con Dos), Fermín Muguruza, (Iñaki (Betagarri), Alex (Eina), Carlos Escobedo (Sober), Juan (Soziedad Alkohólika), Brigi (Koma), Juankar (Boikot), Placi (Segismundo Toxicómano), Kutxi (Marea), Feo (El Último Ke Zierre) o Fernando Madina (Reincidentes). El tema onde collabora Xune yel tituláu «La rabia y los sueños», precisamentel que-y da nome al discu y ún de los más identificativos de la banda madrilana. Orixinalmente apaecía nel álbum Otra vuelta de tuerca, del añu 2002, y na so versión nueva endurezsel soníu, dando mayor presencia a les guitarres, amás de dase la circunstancia de que la llingua asturiana ta presente al traviés del componente de Dixebra, que fizo una lletra nueva nesti idioma. Habeas Corpus ye una de les bandes más respetaes del Estáu pol so compromisu y coherencia ideolóxica, nestos venti años tienen publicao catorce trabayos discográficos onde prevalecen estilos comol hardcore, punk, metalcore y rapcore. 18 de marzu, 2013 0 FacebookTwitterPinterestEmail
Sociedá El Llumbreiru 32 yá ta colgáu y a disposición de los llectores na rede by asturnet 18 de marzu, 2013 Como tolos trimestres dende va ocho años, la publicación trimestral de l’asociación zamorana Furmientu yá ta na rede. El nuevu númberu, el 32, inclúi los siguientes reportaxes: “Más allá de lenguas y dialectos”, resume de la conferencia impartida nes XI Xornadas de Cultura Tradicional pol profesor y llingüista Juan Carlos González Ferrero, “Lliteratura n’asturllionés de Zamora: Abeyicas nel carbayal y La ñiña Isabel” dos poesíes de Juan Andrés Oria y Miguel Ángel del Cueto respectivamente, “Actualidá cultural: Cursu básicu online de llionés – Nuevas publicaciones – Un vocabulario de Porto gana la VII edición del Concurso de Vocabularios”, amás de la sopa de lletres. Dende l’asociación recuerden que, onque las versiones dixital y en papel son de baldre, “aqueillos que deseyen collaborar colos gastos que supón la impresión d’El Llumbreiru pueden soscribise y recibir los exemplares nel sou domiciliu”. El Llumbreiru 32 de baldre 18 de marzu, 2013 0 FacebookTwitterPinterestEmail
Comunicación TPA estrena un programa de xuegos y deportes tradicionales presentáu por Milio’l del Nido by asturnet 15 de marzu, 2013 Esti sábadu, 16 de marzu, a les 3 de la tarde, estrénase na TPA’l primer programa de La Bolera, un espaciu dedicáu a los deportes y xuegos d’Asturies. Nel mesmu va falase de cuatriada y de corta de troncos, Amás, van preguntar a la montañera Rosa Fernández a qué xugaba de cría; Ramón Blanco, de Los Berrones, fai lo que pue respondiendo al nuesu Cascayu. Y Luisa Prendes guía a Milio’l del Nido, presentador del programa, pel interesante mundu de la corta. La producción cuerre a cargu de Saltadera, d’Antón García, cuntando nel equipu con Carlos Suari, espertu en xuegos y deportes asturianos tradicionales. Sigui a La Bolera en Facebook 15 de marzu, 2013 0 FacebookTwitterPinterestEmail
Lliteratura Llaviana convoca’l concursu de rellatos “Ello yera una vez…” by asturnet 15 de marzu, 2013 El Conceyu de Llaviana y la Oficina dInformación a la Mocedá, en collaboración col Institutu Asturianu de la Mocedá, convoquen la novena edición del concursu Ello yera una vez…, con dos categoríes pa mozos de 14 a 35 años. Al concursu pueden presentase un máximu de trés obres, n’asturianu o castellán. El plazu de presentación de los rellatos finarál vienres 22 de marzu de 2013, quedando fuera del concursu cualesquier obra recibida en pasando esta fecha. Bases completes del concursu 15 de marzu, 2013 0 FacebookTwitterPinterestEmail