Música La reciella llangreana participa nun conciertu-taller de baille tradicional by asturnet 23 de mayu, 2013 Dientrol programa actividaes pa neños que diseñal Conceyu de Llangréu, más de doscientos neños y neñes de diferentes centros escolares del conceyu esfrutaron dun conciertu-taller de baille tradicional asturianu. Esti conciertu tuvo llugar nel Nuevu Teatru La Felgueral pasáu martes 21 pela mañana y, acompañaos por música tradicional, escolinos y escolines llangreanes pudieron deprender de forma activa y participativa movimientos y conceptos básicos de la danza asturiana. Siempres entendiendol baille como una forma de comunicación, espresión ya interacción social, espliquen dende la organización, fízose un percorríu y analís de diferentes bailles que se dan nAsturies, les sos característiques y rasgos principales. De forma prestosa y amena, escolinos y escolines del conceyu deprendieron y practicaron los primeros pasos y dellos bailles o dances, una forma interesante daverase a una parte importante y fundamental de la nuestra cultura. 23 de mayu, 2013 0 FacebookTwitterPinterestEmail
Sociedá L’Atenéu Llibertariu d’Uviéu organiza una mesa redonda sobre la llingua asturiana by asturnet 23 de mayu, 2013 Esti vienres 24 de mayu l’Atenéu Llibertariu d’Uviéu organiza una mesa redonda embaxo’l títulu “¿Qué pasa cola llingua?”. Sedrá a les siete y media la tarde nel so llocal nel 37 de la cai Ricardo Montes d’Uviéu, nel barriu de Ciudá Naranco. Participarán nel actu represenantes d’Iniciativa pol Asturianu, Reciella y Trafego. Inaciu Galán sedrá’l representante d’Iniciativa pol Asturianu, Iris Díaz dirá por Reciella families pol asturianu, Miguel Rodríguez pola organización eonaviega Trafego y Adolfo Camilo Díaz, como escritor y xestor cultural. ● 23 de mayu, 2013 0 FacebookTwitterPinterestEmail
Sociedá Morrió Martín Sevilla indoeuropeísta y estudiosu de la toponimia asturiana by asturnet 23 de mayu, 2013 El pasáu 16 de mayu morría en Xixón a los 64 años y tres una llarga enfermedá, Martín Sevilla Rodríguez, profesor de llingüística indoeuropea na Universidá dUviéu. Sevilla yera Doctor en Filosofía y Lletres na Sección de Filoloxía Clásica y dedicó gran parte de los sos estudios a la toponimia asturiana. Doctoróse en 1980 cola tesis Toponimia indoeuropea prelatina de Asturias, cola qualgamó un sobresaliente cum laude por unanimidá. Dende entós vieno participando nel estudiu de la toponimia asturiana publicando llibros y participando nactividaes de lAcademia de la Llingua Asturiana. Ente les sos aportaciones a la toponimia asturiana destaquen el llibru Toponimia de origen indoeuropeo prelatino en Asturias, asoleyáu en 1984 o la so participación nel llibru Conceyos y parroquies d´Asturies base de trabayu inicial de la Xunta de Toponimia. Publicó les sos investigaciones usando lasturianu en munches ocasiones, como les asoleyaes en Lletres Asturianes, boletín de lALLA, “La toponimia asturiana d’orixen prerromanu”, “Sol hidrónimu Navia” o Los topónimos asturianos Tamoca/Caloca, amás de na Revista de Filoloxía Asturiana. Col artículu Asturiano bangu, abangu y los topónimos Bango, LAbangu, La Banga participó en 2010 del Homenaxe al Profesor Xosé Lluis García Arias, siendo habitual tamién de les Xornaes Internacionales dEstudiu, onde en payares de 2012 tuvo per última vegada lleendo la comunicación Toponimia de monesterios medievales escaecíos. 23 de mayu, 2013 0 FacebookTwitterPinterestEmail
Sociedá Charra en Xixón sobre la “Industria de la crisis y nuevos repertorios de contestación social” by asturnet 23 de mayu, 2013 El xueves 30 de mayu a les 20 hores va celebrase una nueva actividá de la Sociedá Cultural Xixonesa nel llocal del Club de Prensa de La Nueva España de Xixón (plaza del Monte Piedá, 2). Trátase d’una conferencia dEmilio León, militante de la Corriente Sindical d’Izquierda, sobre “Industria de la crisis y nuevos repertorios de contestación social”. A lo llargo de la esposición va facese un repás sobre los aspextos fundamentales de los discursos qu’analicen la crisis -dende la esplicación neolliberal hasta la crítica ecoloxista- cola fin d’asitiar les respuestes que se tán dando, especialmente dende’l campu de la protesta y los movimientos sociales. 23 de mayu, 2013 0 FacebookTwitterPinterestEmail
Convocatories La XDLA organiza una esposición colos cartelos de 25 años de Conciertu pola Oficialidá by asturnet 22 de mayu, 2013 La selmana anterior a la del Conciertu pola Oficialidá, que va celebrase l’8 de xunu en Xixón, la Xunta pola Defensa de la Llingua Asturiana va entamar n’Uviéu, na Plaza’l Pescao, una esposición onde van axuntar los cartelos y otros materiales de les 25 ediciones del Conciertu. La inauguración va ser el martes 4 de xunu, a les ocho de la tarde, y tán convidaes toles persones músiques de los cuasi 70 grupos que participaron nestos 25 años del Conciertu. 22 de mayu, 2013 0 FacebookTwitterPinterestEmail
Política Entreguen l’Informe sobre l’usu del asturianu en RTPA 2013 a los grupos de la Xunta Xeneral by asturnet 21 de mayu, 2013 La selmana pasada militantes de la Xunta pola Defensa de la Llingua Asturiana entregaron na Xunta Xeneral una copia del Informe sobre l’usu del asturianu en RTPA 2013 a los 5 grupos políticos ellí representaos. L’Informe sobre lusu del asturianu en RTPA 2013 ye un documentu quanalizal cumplimientu en tolos soportes del Ente Públicu de Comunicación televisión, radio y web cola llexislación vixente en cuantes a la llingua asturiana y al gallego-asturianu, tanto en toponimia como na so función primordial de normalización llingüística. Informe completu 21 de mayu, 2013 0 FacebookTwitterPinterestEmail
Comunicación Radio Sele pide auxiliu y podría echar el pieslle’l 25 de xunu si nun atropa socios by asturnet 21 de mayu, 2013 La emisora, única dafechu n’asturianu, pide auxiliu económicu a los oyentes. La emisora, a la que’l gobiernu de Vicente Álvarez Areces-y quito la llicencia comercial algamada nel tiempu de Marqués, malvive como radio llibre y requier d’unos 3.000 euros pa poder siguir alantre cola so actividá. Pa ello faen una campaña d’afiliación al traviés de redes sociales. 21 de mayu, 2013 0 FacebookTwitterPinterestEmail
Lliteratura “El ríu y la memoria, antoloxía poética de la escritora valdesana Nené Losada Rico (1921-2009)” pue descargase de baldre by asturnet 21 de mayu, 2013 “El ríu y la memoria, antoloxía poética de la escritora valdesana Nené Losada Rico (1921-2009)”, preparáu por Taresa Lorences, con un estudiu de la obra de Losada y una antoloxía de la so poesía, como regalu pal Día del Llibru n’asturianu 2013 yá ta disponible en PDF na sección «Descarga de publicaciones» de la páxina web de Política Llingüística. Nené Losada Rico (1921-2009) dexó tres de sí una considerable producción poética en castellanu y n’asturianu, recoyida en seis poemarios y diverses antoloxíes. A lo llargo de la so trayectoria, Nené Losada esperimentó una evolución nel tratamiento de la obra, dende una primer etapa más anclada na tradición popular, hasta otra posterior qu’entama dica los años ochenta, caracterizada nel planu formal por abandonu de la rima y l’adopción del versu llibre, y nel aspectu temáticu por un intimismu líricu que se resuelve con gran intensidá en poemes de factura breve y condensada. Descarga’l llibru de baldre 21 de mayu, 2013 0 FacebookTwitterPinterestEmail
Música El Conciertu pola Oficialidá va celebrar el cuartu de sieglu esti 8 de xunu en Xixón by asturnet 21 de mayu, 2013 El 25 aniversariu del Conciertu pola Oficialidá va celebrase esti sábadu, 8 de xunu, a les 19:30 hores, nel Parque Inglés de Xixón. Nel mesmu van participar esti añu N’arba, Felpeyu, La Tarrancha, La Bandina, Dixebra y Dani Stylo. La entrada tien un preciu d’8 euros anticipao y 10 na puerta. Les entraes véndese anticipadamente en: Uviéu: L’Esperteyu Chigre Folk, Cervecería Malá Strana Xixón: Café Trisquel Chigre, Sidrería Canteli Avilés: El Cafetón, Bar Queen Maeve Candás: La Gueta La Pola (L.lena): La Palmera La Pola Siero: Abre César Mieres: L’Abellugu Grau: Pub Piero’s L’Infiestu: La Traviesa L’Entregu: La Semiente 21 de mayu, 2013 0 FacebookTwitterPinterestEmail
Lliteratura Cultura convoca les ayudes a la edición de llibros n’asturianu by asturnet 20 de mayu, 2013 La Conseyería d’Educación, Cultura y Deporte va convocar nel presente añu 2013 tres llínies de sovención pa impulsar l’usu del asturianu y del gallego-asturianu, eliminando les partíes pa usu del asturianu pa empreses y p’asociaciones. Les sovenciones pa la edición de llibros acaben d’abrir convocatoria pa empreses editoriales y tienen como finalidá “ampliar el círculu de llectores y l’ámbitu d’espardimientu de la lliteratura asturiana”. La partida d’esti añu ye de 100.000 euros. L’añu pasáu entregáronse 84.480 euros nesta llinia. Esti añu convocaránse ayudes tamién pa la edición musical a empreses dedicaes a la producción de la música n’asturianu y en gallego-asturianu, que se realice en diversos soportes físicos o dixitales; y pa la promoción del asturianu o’l gallego-asturianu nos medios de comunicación. Van poder solicitar estes subvenciones les empreses titulares de medios de comunicación d’ámbitu asturianu, yá seyan empreses periodístiques, radiofóniques, televisives o d’internet, que produzan espacios onde s’utilice l’asturianu o’l gallego-asturianu. Convocatoria completa nel BOPA 20 de mayu, 2013 0 FacebookTwitterPinterestEmail