Educación Conferencia de Riaño nes IV Xornaes de Castilletes y Carbón by asturnet 20 de payares, 2013 Esti xueves 21 de payares a les 20:00 hores, na Casa de los Alberti, en Ciañu de Llangréu, sigue en marcha lactividá cultural pal mes de payares y dientro la programación de Los xueves de castilletes y carbón que vien desenvolviéndose esti mes, mañana xueves día 21 visita Ciañu’ lprofesor de la Universidá d’Uviéu Xosé Antón González Riaño que va lleer la ponencia “Enseñanza nasturianu, La UABRA una experiencia pedagóxica”. Esta charra enmárcase dientro les xornaes culturales De Castilletes y carbón que per cuartu añu consecutivu, organicen la Fundación Nuberu y lAyuntamientu de Llangréu. Trátase duna actividá de dinamización cultural questes dos entidaes ponen en marcha como consecuencia del conveniu de collaboración firmáu ente elles y xiren alredor de les interrellaciones ente cine, mina, música, lliteratura, economía, política Los xueves de castilletes y carbón van siguir con un recital lliterariu nel que van participar destacaos escritores en llingua asturiana. Lactividá de De castilletes y carbón rematal 4 davientu, día de Santa Bárbara, con un conciertu del grupu Nuberu na Casa la Cultura de La Pola Llaviana. 20 de payares, 2013 0 FacebookTwitterPinterestEmail
Educación Uviéu ya Illinois roblen un acuerdu universitariu por 5 años by asturnet 20 de payares, 2013 La Universidá d’Uviéu y la Universidá de Illinois vienen acabante de roblar esti miércoles pela mañana un conveniu de collaboración col que van trabayar de forma conxunta n’actividaes y programes de docencia, investigación ya intercambiu de profesores y estudiantes. Na rueda de prensa darréu de roblar el conveniu, el rector de la Universidá, Vicente Gotor, desplicó’l conteníu del alcuerdu xuntu col director del ‘Rexonal Economic Applications Laboratory’ (REAL), Geoffrey Hewings, y cola presencia de los profesores d’economía aplicada Fernando Rubiera y Esteban Fernández. Gotor dixo que’l conveniu empobínase a los máster y la realización de tesis conxuntamente ente dambes universidaes. El rector esplicó que la Universidá d’Illinois alcuéntrase ente les 50 primeres del índiz de Shanghai y ente les 15 primeres del mundu n’estudios d’economía. Geoffrey Hewings, destacó la importancia de la collaboración ente universidaes nel campu de les Ciencies Sociales. y quiso afitar que na Universidá d’Illinoisdase-y muncha importancia al intercambiu internacional, como amuesa’l fechu de que nos últimos trés años, ocho estudiantes de posgrado de la Universidá d’Uviéu, estudiaran n’Illinois. L’alcuerdu robláu esti día establez que cada institución puede ufiertar a la otra, durante los cinco años de vixencia, actividaes educatives, culturales y d’investigación, amás del intercambiu de profesores y alumnos de posgrado pa investigación, conferencies y alderiques. 20 de payares, 2013 0 FacebookTwitterPinterestEmail
Educación Erasmus roben bebíes nun bar d’Uviéu pa montar una fiesta by asturnet 20 de payares, 2013 Un grupu d’Erasmus forzó la puerta d’un pub del cascu antigüu pa marchar con 62 botelles de licor, un ordenador y un reló de paré, según informó la Policía Nacional, camentando que lo que queríen yera montar una fiesta nel so pisu d’eEstudiantes. Nesti casu, insólitu n’Uviéu hasta’l momentu, según el relatu policial, avisóse en Comisaría de que se produxera un robu con fuerza nun Pub del cascu antiguu. Yeren les 4 de la madrugada, y l’encargáu del local alcontró la puerta forzada, inorando si desapaeciera daqué. Avisáu’l propietariu comprobó que faltaben 62 botelles de licor que dexara enriba de la barra al zarrar, un ordenador y un reló de paré. Un testigu dixo que vio a dos mozos y dos moces con delles bolses y un carru de la compra salir per una puerta llateral del Pub coles botellesy qu’al llama-yos l’atención, ficiéron-y un corte de manga y otros xestos de despreciu, y profirieron delles palabres n’idioma distintu al español, pa depués adientrase nun edificiu cercanu. 20 de payares, 2013 0 FacebookTwitterPinterestEmail
Sociedá El Muséu Etnográfico del Oriente entama un Mercáu Solidariu by asturnet 20 de payares, 2013 El Muséu Etnográfico del Oriente d´Asturias entama un Mercáu Solidariu a favor del Muséu, al traviés de l’Asociación Cultural Llacín cola fin d’algamar el sofitu social pa siguir desendolcando’l so granible programa d’actividaes nel añu entrante. Los interesaos en collaborar van poer facer entrega de llibros, ropa, muebles, xuegos, que tendrán de tar en perfeutes condiciones primeru del día 4 d´avientu. Y depués van poer collaborar mercando los días 7 y 8 d´avientu dende las 11.00 hasta fin d´existencias nel Centru Cultural Llacín de Porrúa. 20 de payares, 2013 0 FacebookTwitterPinterestEmail
Sociedá Iniciativa y Abierto Hasta el Amanecer collaboren nun concursu lliterariu by asturnet 20 de payares, 2013 Iniciativa pol Asturianu inicia la so collaboración cola asociación Abierto Hasta el Amanecer cola so participación na organización del concursu lliterariu ¿Qué cuentes…? entamáu por esta entidá y nel qu’Iniciativa pol Asturianu collabora introduciendo l’asturianu na imaxe de la convocatoria, bases, etc. Dende la organización felicitamos a l’asociación xixonesa por animase col usu del asturianu nun ámbitu tan importante como’l de la mocedá, onde ye clave tresmitir l’asturianu a les xeneraciones vinientes. El concursu, que fai tola so difusión usando l’asturianu y el castellán, tien dos categoríes pa caúna de les llingües. Los rellatos, de tema llibre y estensión hasta trés páxines, han unviase a concursos@abiertohastaelamanecer.com enantes del 14 de marzu de 2014. Pueden presentase autores d’ente 13 y 35 años, cuntando con premios como un llector de llibros lletrónicos, llotes de llibros, llotes de la revista Formientu, y nel casu de los rellatos n’asturianu, la publicación de los testos na revista lliteratura moza yá citada. 20 de payares, 2013 0 FacebookTwitterPinterestEmail
Sociedá La temporada d’esquí pue adelantase al 30 de payares by asturnet 20 de payares, 2013 El director xeneral de Deportes del Principáu d’Asturies, José Ramón Tuero, dixo esti martes nuna entrevista en Radio Asturias que l’entamu de la temporada d’esquí nes estaciones ivernices asturianes de Fontes d’Iviernu y de Valgrande-Payares pa la temporada 2013-2014 podría adelantrase al 30 de payares “si hai nieve”, como paez que pue asoceder cola previsión metereolóxica d’estos díes.Nun principiu l’entamu de la temporada ta previstu pal 6 d’avientu. Al ser preguntáu poles previsiones del Executivu rexonal si siguen les baxes temperatures y sigue nevando, Tuero dixo que tán trabayando “a tou tren” ante esa posibilidá, p’abrir una selmana antes. 20 de payares, 2013 0 FacebookTwitterPinterestEmail
Sociedá Asturies tendrá vuelos a Canaries estes navidaes by asturnet 20 de payares, 2013 L’aerollinia Air Nostrum va operar estes navidaes dos conexones ente Asturies y Canaries., concretamente a Tenerife y Gran Canaria na única ufierta que se caltién de les munches qu’hebo nel pasáu: van ser 26 vuelos que van ufiertar 2.340 places. La operación va ser de vienres a llunes con un vuelu’l miércoles 1 de xineru. L’enllaz con Tenerife va ser diariu, sacante martes y sábados y los díes 25 y 28 d’avientu y 2 de xineru. El programa de l’Aerollinea diseñáu pa toa España nestes navidaes comprende del vienres 20 d’avientu al llunes 7 de xineru, ya inclúi trece rutes, seis d’elles nueves respectu al añu pasáu. Los aeropuertos que van tener conexón nesti periodu con distintes isles canaries van ser Alicante, Asturies, Granada, Melilla, Santiago de Compostela. 20 de payares, 2013 0 FacebookTwitterPinterestEmail
Mundu Atopen sacerdotises cristianes nuna capiya del sieglu IV by asturnet 20 de payares, 2013 El Vaticanu presentó unos frescos apocayá restauraos nes catacumbes de Priscila, conocíes por allugar la imaxe más antigua de la Virxe col Neñu. Los frescos del sieglu IV, podríen según dalgunos amosar sacerdotises na Ilesia cristiana, colo qu’abren otra vuelta una polémica que nun tenía prebes materiales históricamente falando, qu’agora paecen xurdir d’esta capiya griega. El cardenal Gianfranco Ravasi, ministru de Cultura del Vaticanu, presidió la inauguración del ‘Cubículo de Lázaro’, una pequena cámara funeraria con imaxes del sieglu IV d’escenes bíbliques, de los apóstoles Pedro y Pablo, y unu de los primeros romanos soterraos ellí en nichos a lo llargo de la paré, como yera común na antigüedá. Lo más interesante ye que la catacumba cunta con dos escenes nes que, según defensores de la ordenación sacerdotal de muyeres, apaecen sacerdotises. Una, na capiya griega en tonos ocres, qu’amuesa a un grupu de muyeres que celebren una llacuada, que se supon que ye la eucaristía. Otru frescu, nuna cámara funeraria ricamente decorada, representa a una muyer vistida con una túnica, similar a una sotana, coles manos na posición usada polos sacerdotes pal cultu públicu. 20 de payares, 2013 0 FacebookTwitterPinterestEmail
Tecnoloxía Ástura y Softastur organicen una charra nel Atenéu Obreru de Xixón sobre software llibre by asturnet 19 de payares, 2013 Esti martes 19 de payares a les 19 hores Ástura y Softastur organicen una charra nel Atenéu Obreru de Xixón (Cai Covadonga) sobre Software llibre y llingua asturiana. Nella, va facese presentación la última versión d’Ubuntu. Ubuntu ye un Sistema Operativu pa PC’s que ta disponible al 100% en llingua asturiana, potente, seguru, llibre de virus y de fácil usu, y que inclúi la suite Ofimática Libreoffice (procesador de testos, fueya de cálculu, presentación de diapositives). Softastur falará de la importancia del usu d’estes ferramientes pa la llingua asturiana, y fadrá un repasu de los programes disponibles nella: xestor de corréu, navegadores web, correutor ortográficu y delles aplicaciones más. 19 de payares, 2013 0 FacebookTwitterPinterestEmail
Comunicación El Principáu ufre una web pa que los ciudadanos participen na Llei de Tresparencia pero sólo si falen castellán by asturnet 19 de payares, 2013 El Gobiernu del Principáu d’Asaturies vieno acabante poner en marcha la páxina web ‘www.asturiasparticipa.es’ pa que los ciudadanos participen na ellaboración de les lleis de Bon Gobiernu y Tresparencia coles sos aportaciones a dichos anteproyectos, que’l gobiernu promete tener en consideranza, pero siempre que lo faigan en castellán porque nun hai una sóla lletra escrita n’asturianu na web, incumpliendo dafechu una vegada más la Llei. Nuna nota de prensa asoleyada esti día, el gobiernu asturianu diz que los ciudadanos van tener, dende esti martes y demientres un mes, la oportunidá” de facer tou tipu de suxerencies a estes dos iniciatives lexislatives, col compromisu de que’l Gobiernu va estudiar caúna de les propuestes qu’arriquezan los dos testos antes de la so remisión al Parlamentu. Sigún la nota de prensa del gobiernu, “los asturianos y les asturianes van poder per primer vegada participar personal y directamente na ellaboración de lleis del Principáu d’Asturies”, al traviés d’un portal web que quier ser “una ventana abierta a tolos asturianos, nel que s’ufierta la información rellacionada cola meyora de la comunicación y la tresparencia en tolos ámbitos de l’acción de les instituciones públiques asturianes”. 19 de payares, 2013 0 FacebookTwitterPinterestEmail