Lliteratura Lescritor Chechu García alcontróse colos sos llectores más pequeños en Blimea nos Talleres de Samartin by asturnet 25 de payares, 2013 Esti vienres na Casona del Bravial de Blimea tuvo llugar un nuevu taller de llectura infantil entamáu pola Oficina de Normalización Llingüística del conceyu en collaboración cola asociación cultural Bocina Nalón y la Oficina dInformación Xuvenil. Si los dos vienres anteriores un grupu de neños dente 7 y 10 años saveraren al argumentu y el pallabreru del llibru Tapín de Picupáu, de Pablo Rodríguez Medina, esta selmana tocó-y el turnu a un grupu dedaes ente 4 y 6 años, que pudieron conocer en persona al escritor Chechu García, que-yos cuntól so llibru tituláu Marta y el peludín de Carrandi (Ámbitu). Amás de charrar col autor llevaron a cabu distintes actividaes rellacionaes con esti llibru, ente les que sincluyeron manualidaes y dibuxos, too ello dende un enfoque llúdicu y dentretenimientu. Chechu García dase a conocer como escritor en 1996 col llibru infantil Vieyu Trasgu, col qualgamól primer premiu de Llectures pa rapazos de lAcademia de la Llingua. Nesi mesmu añu algama tamién el premiu Teodoro Cuesta de poesía col llibru tituláu Les coraes de la roca. Tamién tien escrites distintes obres teatrales, rellatos curtios, antoloxíes, estudios sobre la historia del cómic y llibros infantiles. Ye ún de los fundadores de la tertulia lliteraria Tom Malory y el coordinador de la revista que surde della. Estos talleres son una de les principales novedaes que presenten les Xornaes de Lliteratura Infantil y Xuvenil desti añu, y que se suma a les esposiciones y les representaciones teatrales que se tán celebrando nel conceyu a lo llargo del tol mes. 25 de payares, 2013 0 FacebookTwitterPinterestEmail
Escéniques El Conceyu de L.lena va ufiertar a los neños de 4 a 9 años l’espectáculu ‘Un mundu na maleta’ by asturnet 25 de payares, 2013 Les conceyalíes d’Educación y Cultura y Bienestar Social del Conceyu de L.lena van ufiertar a los neños de 4 a 9 años l’espectáculu ‘Un mundu na maleta’, una iniciativa que s’enmarca nel programa ‘Educándomos’ y que va correr al cargu de Trés Colories Animación. En dichu espectáculu, que va tener llugar el próximu vienres 29 a les 18,00 hores na Casa de Cultura, los neños van conocer a Mobrujinica que lo que más-y gusta son los xuegos, y ye la que más xuegos sabe del mundu Trés Colories. Ensin dase cuenta ta convirtiéndose nuna coleccionista de xuegos y en cada viaxe que fai cola so maleta recueye tolos xuegos que s’atopa o lu enseñen. El programa ‘Educándomos’ ta coordináu pola Biblioteca Pública Ramón Menéndez Pidal y el Plan Municipal sobre Drogues de L.lena, y viense llevando a cabu l’últimu vienres de cada mes. Nél tienen un especial protagonismu les families. Unu de los sos oxetivos principales ye ufierta-yos recursos de sofitu pa la xera educativa y l’ociu saludable. Tratar de cavilgar sobre aspecto y valores positivos qu’inflúin nel fayadizu desenvolvimientu infantil. El programa ampliase con una nueva propuesta. Son los talleres d’actividaes que s’empecipió con ‘Educándomos na cocina’ que se va desenvolver en tres sesiones demientres el mes de payares y nes que los neños van tar acompañaos por una persona adulta. Los oxetivos son, ente otros, pasalo bien cocinando, ameyorar la dieta infantil, esperimentar colores, sabores y golores, la hixene y los comportamientos na cocina. Esti taller, con un total de 38 participantes, desenvuelvese nel Hotel d’Asociaciones a les 17,00 hores. 25 de payares, 2013 0 FacebookTwitterPinterestEmail
Cine Un curtiu asturianu preseleccionáu pa los Goya 2013 by asturnet 25 de payares, 2013 Los Goya 2013 ya tienen preseleccionaos y ente ellos alcuéntrase Adriana Navarro, una asturiana nacida en Vizcaya, qu’estudiare’l bachilleratu na Universidá Llaboral y vive en Llanera, que col so primer curtiumetraxe “Vía Tango” recupera les téuniques de Disney y quier sorprender al mercáu cinematográficu esapañol. Llicenciada en Belles Artes y master n’Animación Cinematográfica, Adriana punxo munchu llabor nos 3,17 minutos que dura la so película. Titúlase ‘Vía tango’ y recupera, «dibuxu a dibuxu» -y son 2.500 los que sumó- les vieyes técniques de la factoría Disney. Equí nun hai más aventura dixital que la que rique’l montaxe y la coloración de los personaxes. «El trabayu foi de lápiz y papel, como faíen los clásicos», diz la realizadora, qu’invirtió dos años de trabayu. El curtiu presentose nel pasáu, nel Festival Internacional de Cine de Xixón, dientru la sección Día d’Asturies. 25 de payares, 2013 0 FacebookTwitterPinterestEmail
Política N’Ast critica la perda 145.000 al nun ser lasturianu llingua oficial by asturnet 22 de payares, 2013 Nun comunicáu fechu públicu esti día, l’asociación NAST llamenta “la ocasión perdía de consiguir financiamientu estatal pa lAcademia de la Llingua Asturiana (ALLA)”. Nos caberos díes el Congresu los Diputaos acoyó la votación de delles enmiendes presentaes polos estremaos grupos parllamentarios a los Presupuestos Xenerales del Estáu pal añu 2014 y una delles, presentada por Enrique Álvarez Sostres, diputáu de Foro Asturias, pidía apurrir 145.000 a la institución asturiana, que nun tien fondos públicos estatales al nun ser lasturianu llingua oficial. La enmienda foi refugada colos votos de PP, UPyD y ERC, polo que lALLA va siguir ensin recibir nin un céntimu dun presupuestu al que contribuyimos tolos asturianos. En NAST llama-yos especialmente latención “el votu a la escontra dEsquerra Republicana de Catalunya, formación que supuestamente ye sensible al fechu diferencial asturianu (nel pasáu incluso foi socia de la organización política Andecha Astur na coalición Europa de los Pueblos), pero ye bona preba de que, a la hora la verdá, ca ún mira namás que polo suyo”. Yá nun-yos sorpriende tanto la postura de los diputaos asturianos, “especialmente de Gaspar Llamazares, que sabstuvo na votación, ello ye, nun votó a favor de la midida. Izquierda Xunida, igual que pasare apocayá col casu de les multes de Mieres, tornó a quitar la mázcara cola que santroxa de defensora de la llingua asturiana pa dexar bien nidio quuna cosa ye lo que dicen defeder y otra lo que realmente defenden”. En resume, pa NAST nun sólo lALLA vieno acabante de perder 145.000 , “ye Asturies la que los pierde, y esti fechu vuelve a poner bien a les clares la situación danormalidá democrática que tamos viviendo nAsturies, derivada de la falta doficialidá de la llingua asturiana, y la necesidá de la mesma la oficialidá quampare los drechos llingüísticos del pueblu asturianu y que, en casos como esti, favorezca la llegada de perres de los Prespuestos Xenerales del Estáu a Asturies, que nunca nun tan de más”. 22 de payares, 2013 0 FacebookTwitterPinterestEmail
Política IX robla la iniciativa pa crear una Comisión de la verdá sobre los crímenes del franquismu y reclama xusticia pa les víctimes. by asturnet 22 de payares, 2013 El Grupu Parlamentariu d’IX, ICV-EUiA, CHA, al traviés del so voceru, José Luis Centella, esixó ayeri verdá, xusticia y arreglu pa les víctimes de la dictadura franquista. Centella tachó de barbaridá histórica que el dictador siga soterráu nun gran monumentu ente que les víctimes siguen nes fueses. El diputáu d’IX per Sevilla realizó estes declaraciones a les puertes del Congresu demientres un alcuentru colos medios de comunicación nel que voceros de la Plataforma pola Comisión de la Verdá y representantes de los grupos parlamentarios promotores de la iniciativa ente ellos IX, ICV-EUiA, CHA- esplicaron y valoraron la proposición non de llei que se rexistró de siguío na Cámara Baxa na que s’encamienta al Gobiernu del PP a crear una Comisión de la Verdá qu’esclarie ya investigue los crímenes cometíos mientres el franquismu. Al pie de los miembros de la Plataforma constituyida por más de 100 asociaciones de la Memoria, familiares y víctimes de la dictadura-, Centella señaló que esti país precisa verdá, xusticia y arreglu, precisamente pa cerrar feríes. Dende’l Grupu de La Esquierda Plural -esplicó- sentímonos dafechu identificaos con esti pidimientu, de la que refugó a quien acusen inxustamente de querer abrir feríes porque ye tolo contrario. Según Centella, les feríes van cerrase nesti país cuando de verdá les víctimes tengan el mesmu tratamientu que los verdugos y sían reconocíes como les que llucharon pola democracia. N’opinión del voceru parlamentariu d’IX ye una vergüenza que tengamos que dir a Arxentina pa que se faiga Xusticia colos crímenes, asesinatos y tola represión del franquismu. Esta alusión facía referencia a la investigación abierta pola xueza arxentina María Servini sobre les tortures y la represión perpetrada por dellos antiguos miembros de les fuerces de seguridá demientres la dictadura franquista. La proposición non de llei rexistrada güei encamienta al Gobiernu a crear una Comisión de la Verdá que nel plazu de dos años desaterrara les cerca de 2.500 fueses comunes esistentes n’España. 22 de payares, 2013 0 FacebookTwitterPinterestEmail
Patrimoniu La Coordinadora Ecoloxista dAsturies alega contra la crianza d’esturiones en Parres by asturnet 22 de payares, 2013 La Coordinadora Ecoloxista dAsturies presentó alegaciones al Conceyu de Parres con motivu del tramite de la llicencia municipal pa la planta p’actividaes de acuicultura pa la crianza d’esturiones na localidá de Sotu de Dueñes nel ríu Piloña (afluente del ríu Sella), porque les especies d’esturión emplegaes en acuicultura son el siberianu (Acipenser baerii) y el del Adriáticu (Acipenser naccarii) y son especies con altu riesgu de ser invasores, que casualmente desapaecieron hai unos meses del catálogu d’especies invasores ensin que se sepa la razón. La Coordinadora repite al Conceyu lo mesmo que treslladó al Principáu: ·que son les numberoses duldes que nos supon el proyectu, duldes que tán ensin resolver nin pol Principáu, nin pola empresa nin pol conceyu a pesar del tiempu trascurrido dende la so presentación”. El ríu Piloña forma parte del LIC Ríu Sella de la Rede Natura 2000, ye un espaciu singular d’altu valor natural, d’ende que nun se pueda poner lo que sía a cualquier preciu. Entendemos qu’hai numberoses duldes sobre esti proyectu, ensin respuesta. La dulda más importante ye que les especies d’esturión emplegaes en acuicultura son el siberianu (Acipenser baerii) y del Adriáticu (Acipenser naccarii) y son especies con altu riesgu de ser invasores, como asina tuvieron catalogaes hasta esti branu, que sosprendentemente se quiten del nuevu catalogo d’especies invasores a pidimientu de daquién. A la Coordinadora abulta-y ablucante “que si les especies usaes son hibrides ensin posibilidá de reproducción como diz la empresa, como ye que parte de l’actividá de la sociedá va ser la producción de caviar (daqué que nun dexa de ser la güeva de les femes fértiles)”. 22 de payares, 2013 0 FacebookTwitterPinterestEmail
Tecnoloxía Glitch!: un xuegu que pasa’l so arte al Dominiu Públicu by asturnet 22 de payares, 2013 Glitch foi un xuegu multixugador masivu qu’empezó les sos pruebes privaes en 2009, abró al públicu en 2010, y foi peslláu en 2012. Xugaron con elliu más de 150.000 persones y foi llargamente aclamáu pol so estilu visual orixinal y bien creativu. Y agora, depués de desapaecer, tyola biblioteca d’activos d’arte del xuegu, fíxose disponible gratuitamente, pasando al dominiu públicu nun exemplu de lo que3 ye l’espíritu de collaboración na web. El Códigu fuente del xuegu incluyese p’ayudar a los desarrolladores a trabayar colos dibuxos y fondos. Too ello pue ser descargao y usase por cualesquier persona, pa cualquier propósitu. Tiny Speck, Inc., desarrollador del xuegu, arrenunció a la propiedá de los derechos d’autor sobre estos 10.000 dibuxos cola esperanza de qu’ayuden a otros nos sos esfuerzos creativos y constrúin sobre’l legáu de la simple diversión, la creatividá y l’apreciu pol absurdu de Glitch. Web del proyeutu 22 de payares, 2013 0 FacebookTwitterPinterestEmail
Convocatories Convocada una visita pol Xixón obreru esti sábadu by asturnet 22 de payares, 2013 Esti próximu sábadu, día 23 de noviembre, va tener llugar l’actividá El próximu sábadu, día 23 de noviembre, va tener llugar l’actividá Visita pol Xixón obreru y rebelde, entamada pol Observatoriu de la Memoria Democrática de la ciudá de Xixón/Xixón. Esta actividá va consistir nuna visita (a cuerpu) empuesta y conducida por Boni Ortiz, que va dar empiezu a les 12:00 del mediudía nel Espaciu Cultural La Manzorga (Cl Carmen, 20) y que va tener una duración envalorada d’hora y media. La ciudá fainla les persones que les habiten. Les places, los edificios, les esquines, les cais, tán llenes de les hestories y les anécdotes que conformen l’alma d’una ciudá. va faese un percorríu pel centru de Xixón, parando en dellos llugares, nos que dellos acontecimientos asocedíos nel sieglu XX determinaron bona parte de lo que somos güei. Estos espacios tamién los podremos visionar con semeyes de la dómina. Una serie d’entidaes y organizaciones punxeron de mancomún los sos principios a favor de la Memoria Democrático y Social, que pueden resumise nel lema Verdá, Xusticia y Arreglu, creando (yá’l pasáu añu 2012) l’Observatoriu de la Memoria Democrática de la ciudá de Xixón. La reivindicación de la memoria caló fondamente na sociedá asturiana, polo xeneral, y na xixonesasobremanera, tantu pol sufrimientu vivíu nos años de la dictadura franquista, como pol calter solidariu que tien el pueblu asturianu. Cola actual situación política abandonóse salvaguardar d’estos principios, que l’Observatoriu de la Memoria Democrática pretende recuperar. 22 de payares, 2013 0 FacebookTwitterPinterestEmail
Cine Guillermo G. Peydró gana’l premiu Universu vídeu del FICX by asturnet 22 de payares, 2013 Guillermo G. Peydró vieno acabante ganar el premiu Universu vídeu, concedíu pol Festival Internacional de Cine de Xixón y Llaboral, como parte de les actividaes que formen parte de FICXLAB, nueva sección que s’incorporó a la presente edición del Festival y que’l so oxetivu ye diseñar y producir una serie de proyecciones y actividaes que rellacionen el cine coles artes visuales. Ello ye que supon la introducción del vídeu-arte y del cine de corte esperimental nel marcu d’un certame de cine como’l de Xixón. Como parte del programa, Llaboral y la Sala Astragal de Xixón acueyen la esposición Universu vídeu_l’otru audiovisual español, comisariada por Alfredo Aracil, qu’inclúi obres de Samuel Alarcón, Albert Alcoz, Velasco Broca, Chus Domínguez, Guillermo G. Peydró, Kikol Grau, Verónica Ibarra, Alberte Pagán. Los ocho autores españoles, escoyíos a partir del arquivu online PLAT, competíen por una residencia de producción de dos semanes en Llaboral Centru d’Arte nos primeros meses de 2014. El xuráu escoyó a Guilllermo G Peyró, quien demientres los dos selmanes de residencia artística en Llaboral va producir una obra que se va estrenar nel FICX de 2014 y va pasar a formar parte del Arquivu del Festival Internacional de Cine de Xixón que se curia en Llaboral Centru d’Arte, con fines promocionales, didácticos y d’investigación, comprometiéndose siempres a citar al autor de la mesma. Los honorarios pola residencia van xubir a 600 brutos y el cineasta va disponer d’agospiamientu, espaciu, medios y asesoramientu técnicu pa trabayar en Llaboral. La so propuesta de curtiu en Xixón, al igual que los sos anteriores trabayos sobre ciudaes (París, Nueva York, Montreal) va consistir, en principiu, n’entrar en relación cola ciudá al traviés del so cámara, partiendo de la so mirada d’historiador del arte y cineasta. Según diz, nos dos selmanes que tengo, l’acercamientu va ser necesariamente más epidérmicu que nesos trabayos onde tuvi de dos a cuatro meses, pero creo que puedo faer daqué interesante. Guillermo G. Peydró ye cineasta ya historiador del arte, foi programador del Greenpoint Filme Festival (Brooklyn, Nueva York) en 2011. Anguaño termina’l Doctoráu del Muséu Nacional Centru d’Arte Reina Sofía con una tesis centrada nel filme-ensayo sobre arte, onde estudia les formes de diálogu críticu ente’l cine y les artes visuales dende entamos del sieglu XX, según les sos aplicaciones estétiques, académiques, polítiques. 22 de payares, 2013 0 FacebookTwitterPinterestEmail
Educación El Xurásicu cierra la Selmana de la Ciencia colos monólogos de The Big Van Theory by asturnet 22 de payares, 2013 El Muséu del Xurásicu d’Asturies cierra les actividaes de la Selmana de la Ciencia colos monólogos de The Big Bang Theory esti vienres, 22 de noviembre, a les 19 hores. Más d’un centenar de persones esfrutaren del humor d’estos científicos d’universidaes y organismos d’investigación que se dediquen como afición a amosar al públicu una manera de ver la ciencia ensin parar de rise, teniendo pol nome una parodia de la pernomada serie de televisión The Big Bang Theory. El grupu, formáu a raigañu del concursu de divulgación científica Famelab en marzu de 2013, cuenta con investigadores de distintos ámbitos (bioloxía, matemátiques, física, inxeniería, ente otres), que sopelexen les meyores más recién en ciencia de “una forma risondero y comprensible”. Eduardo Sáenz de Cabezón, Oriol Marimon, Daniel García, Miguel Abril ya Irene Olga Puerto Giménez son los cinco científicos de The Big Van Theory que van participar nesta actividá. Esta actividá completó les places, al igual que’l taller “Científicos per un día”, qu’a la mesma hora de los monólogos va dexar a los neños de 4 a 13 años realizar dellos esperimentos, como reconstruyir la erupción d’un volcán, introducir un güevu nuna botella, llanzar cohetes o facer una masa lloco. 22 de payares, 2013 0 FacebookTwitterPinterestEmail