Mundu Los ingleses van lliderar la economía europea en 2030 by asturnet 26 d'avientu, 2013 La economía británica va convertiste nel intre de los dos próximes décades na mayor del Vieyu Continente, desbancando asina a Alemaña como principal motor económicu d’Europa, arriendes de la so menor esposición a los problemes de la eurozona, el puxu demográficu del Reinu Xuníu pola llegada d’inmigrantes y los sos baxos impuestos en comparanza cola redolada europea, según reflexa la última edición de la Lliga económica mundial’, ellaboráu pel Centru d’Investigaciones Económiques y Empresariales (CEBR). Lo que prevé l’estudiu ye que’l Reinu Xuníu sía tres los EEXX la segunda economía occidental de mayor ésitu destacando “los enclinos demográficos positivos pola continua inmigración, la menor esposición a los problemes de la eurozona y les sos relativamente baxos impuestos en comparanza colos estándares europeos”. D’esta miente, la economía británica, que va concluyir 2013 en sesta posición mundial y tercera europea, va pasar a ocupar el séptimu llugar en 2028, darréu por detrás d’Alemaña, pa “alredor de 2030 superar a Alemaña como la mayor economía occidental”. 26 d'avientu, 2013 0 FacebookTwitterPinterestEmail
Sociedá La izquierda Asturiana contra la Llei Gallardón del albuertu by asturnet 23 d'avientu, 2013 Andecha Astur, como ficieren darréu toles fuerces d’izquierdes n’Asturies esta fin de selmana, llamaba a la rempuesta social y desixía al Principado que nun aplique la nueva llei Gallardón y garantice lalbuertu llibre y gratuitu na sanidá pública. Dende la refuga dafechu al anteproyeutu de llei del albuertu presentada pol gobiernun español nel Conseyu de Ministros, Andecha Astur pide a la sociedá asturiana una rempuesta contundente, y al Principado la non aplicación desta llei, darréu que nun se trata de laplicación duna llinia política determinada, sinon de la negación de los drechos de la muyer, y almitila y aplicala supondría ser cómplices dun atentáu escontra los drechos humanos. Nesi mesmu sen, pide-y al Principado que garantice lalbuertu llibre y gratuitu na sanidá pública. Pel so lláu, l’área de la muyer de IU Asturies fizo públicu tamién so refugu a la reforma de la llei del albuertu, al considerar que supon un retrocesu ensin precedentes en derechos y llibertaes de les muyeres. La secretaria de Comunicación de la formación, Mayka Barrios, manifestó so convencimiento de que’l cambéu lexislativu nun se basa en criterios oxetivos de necesidá sinón ideolóxicos: Castiga la llibre elección de les muyeres pa decidir en qué momentu queremos ser madres. Con esti cambéu, afirmó Barrios, España xuntase al club de países europeos más retrógrados na materia. Ye una contrarreforma que nos asitia a nivel de países como Polonia. Ente que tábamos empezando a ser un país piqueru n’igualdá, vimos que na última publicación del Foru Económicu de la Igualdá baxemos alredor de 14 puntos. La esplicación d’esi descensu ye consecuencia directa, añedió Mayka Barrios, de toles midíes de retayos puestes en marcha pol PP, y nes que les muyeres tán siendo unu de los colectivos más castigaos. Ello ye que la reforma definese como’l colofón d’un procesu de involución que yá empezó en 2007 con un amenorgamientu, dende esi añu, del 50% en polítiques d’igualdá. Mayka Barrios rellacionó’l cambéu de la llei del albuertu cola otra cara de les reformes conservadores del PP: Atopamos con un Gobiernu que si les polítiques económiques dexar a la Troyka, les de bienestar social ya igualdá a la conferencia episcopal, colo que podríamos dicir que más que ministros paecen enllaces. Barrios refugó les declaraciones de Gallardón al respective de que cola llei trata de defender a les muyeres: Les muyeres de lo único que tamos siendo víctimes, por desgracia, ye de les polítiques que ta tomando’l Gobiernu, que van dende la reforma llaboral, que nos ataca especialmente en temes de baxes maternales; eliminación d’ayudes a la dependencia, cuando les muyeres somos les principales cuidadores, con un percorríu misóxinu que termina agora cola eliminación del derechu de la llibre elección a la d’enfrentanos con una decisión tan importante como ser madres. Como dixo Crystal Eastman, hai muncha tiranía amarutada de protección. Ente los sindicatos tamién se ficieron sentir glayíos ala escontra d’esta llei. La Estaya de Muyeres del sindicatu d’enseñanza SUATEA denunciaba esti día “qu’esta reforma supondrá un empioramientu de les condiciones sanitaries, ya que consideren qu’esti remocique nun va facer qu’amenorgue’l númberu d’albuertos. Al contrariu, estos sedrán clandestinos. Denuncien amás la falta de talante democráticu del gobiernu español, amosáu na escuridá cola que lleven esti remocique. Afiten pa finar que l’albuertu ye un drechu y decisión de les muyeres, que debe reconocese como tal.” Daqué asemeyao facía Muyeres en Llucha de la CSI solidarizándose coles deteníes en Madrid na manifestación contra la reforma l’albuertu. 23 d'avientu, 2013 0 FacebookTwitterPinterestEmail
Sociedá “Escenines pa la Reciella” trai actividaes nesti Avientu pales families que se comuniquen en llingua asturiana by asturnet 23 d'avientu, 2013 Una ópera, un conciertu de música pop y dos cuntacuentacuentos conformen la ufierta que los dos próximos fines de selmana va tener llugar nel Salón d’Actos del Colexu públicu Xovellanos y nel Teatru Xovellanos de Xixón, alitada pola asociación Reciella (families pol asturianu) que lleva dende va más d’un añu trabayando enforma por averar la convivencia na nuesa llingua nel ámbitu familiar afitando la llingua como nexu interxeneracional. L’asociación “Reciella: families pol asturianu” vieno acabante facer pública l’actividá qu’entama nesti mes d’avientu en Xixón Escenines un ciclu d’actividaes n’asturianu pa neños: una ópera, un conciertu de música pop y dos cuntacuentacuentos conformen la ufierta que los dos próximos fines de selmana va tener llugar en Xixón. L’asociación Reciella (families pol asturianu), entama nel mes d’avientu una serie d’actividaes n’asturianu na que en dos fines de selmana van averar a los neños y neñes de Xixón actividaes de distintos tipos, que tomen distintes escenes nes que se combina música, teatru, cuentacuentos y coles que van poder esfrutar d’actividaes, les más delles de baldre, que van tener llugar nel Salón d’Actos del Colexu públicu Xovellanos y nel Teatru Xovellanos. El ciclu foi presentáu por Reciella col nome de Escenines pa la Reciella y nel mesmu representaráse la ópera infantil Los amorinos de Bastián y Bastiana de Nun Tris teatru’l vienres 20 d’avientu nel Colexu Públicu Xovellanos a les 18.00 de la tarde con entrada gratuita. Al otru día, el sábadu 21, la Compañía d’Olga Cuervu va representar tamién a les 18.00 hores nel mesmu llugar, De Rosines, una obra na que los cantares y la música tienen un papel principal. La siguiente fin de selmana va ser Carlos Alba quien va averar al traviés de títeres y siempres usando l’asturianu, la mitoloxía asturiana a lo más pequeño, col so espectáculu Mitoloxíes que se va facer el vienres 27 a les 18.00 tamién nel Colexu Públicu Xovellanos. A lo último, el ciclu cierra’l sábadu 28 cola presentación del discu Pop Piquiñín, un discu del grupu Petit Pop, íntegramente cantáu en llingua asturiana. Nel conciertu, que se va celebrar nel Teatru Xovellanos, va haber actuaciones d’invitaos y collaboradores del grupu. Esta ye la única actividá que nun va ser gratuita, con una entrada de 3 euros pa neños y 6 p’adultos. 23 d'avientu, 2013 0 FacebookTwitterPinterestEmail
Política La Conseyera de Cultura pide a Wert retirar l’IVA cultural del 21% by asturnet 20 d'avientu, 2013 La conseyera d’Educación, Cultura y Deporte, Ana González, desixó esti día al ministru de Cultura, José Ignacio Wert, la retirada de la xuba del 21% del denomináu IVA cultural. La conseyera asturiana realizó esti pidimientu, xuntu con lkos conseyeros d’otres trés comunidaes autónomes, demientres la Conferencia Sectorial de Cultura. La responsable de Cultura y Deporte aportunó nos mesmos datos facilitaos pol Ministeriu de Cultura que reflexen un descensu del consumu cultural n’España. “La cultura ye cada vez menos accesible nel nuesu país”, denunció. 20 d'avientu, 2013 0 FacebookTwitterPinterestEmail
Comunicación Territoriu Sidreru visita Nava y la cai Gascona d’Uviéu by asturnet 20 d'avientu, 2013 El capítulu cuartu de Territoriu Sidreru visita esta selmana Nava y la cai Gascona d’Uviéu. TPA emite’l programa esti domingu a les 15 hores, y a les 16 hores n’A8. El programa de la “Territoriu Sidreru”, presentáu por Inaciu Galán, llévanos nesta ocasión hasta Nava, onde conocemos el Llagar Viuda de Angelón, que coles sos instalaciones tradicionales y la moderna fábrica de Pomar, faen sidra pAsturies y pa otros llugares del mundu, y un chigre, La Figar, que tien por dueñu a un verdaderu espertu na preba de sidra, Gumersindo Martínez, y una cocina coles cebolles rellenes como protagonista. Na cai Gascona, el bulevar de la sidra dUviéu, el programa avérsase a la celebración dun amagüestu con sidra del duernu y castañes. Una parada en Noreña con Toño Martínez da a conocer los antiguos llagares desti conceyu, el más pequeñu dAsturies, que llegó a cuntar con más duna decena. En ¿Sabíes qué? conocemos los efeutos positivos de la sidra na salú, que tán reconocíos dende va sieglos por médicos del mundu enteru. El programa remata con Fernán Gonzali Llechosa y el so repás a La pallabra sidrera. Los programes anteriores pueden vese en TPA a la carta: Programes anteriores de Territoriu Sidreru en TPA a la carta 20 d'avientu, 2013 0 FacebookTwitterPinterestEmail
Educación La Universidá escueye güei los Premios Extraordinarios de Doctoráu by asturnet 20 d'avientu, 2013 El Conseyu de Gobiernu de la Universidá d’Uviéu axunta esti vienres a les 10 de la mañana pa, ente otros asuntos, escoyer los Premios Extraordinarios de Doctoráu 2011-2012 y aprob ar el calendariu escolar de 2014. El Conseyu tamién tien d’estudiar el reglamentu del Trabayu de Fin de Gráu de la Escuela Superior de Mines y decidir sobre delles sostituciones nes Comisiones delegaes del Conseyu de Gobiernu. 20 d'avientu, 2013 0 FacebookTwitterPinterestEmail
Sociedá Entrega de los Premios Andrés Solar esti sábadu 21 davientu nel Antiguu Institutu by asturnet 20 d'avientu, 2013 La entrega de los XXIX Premios Andrés Solar va facese mañana sábadu 21 davientu, a les 19:30 hores, nel Salón dActos del Antiguu Institutu de Xixón. La actuación musical va ser de Mapi Quintana y Elías García. L’actu va tener la presencia de: -Isabel Carril, Directora Editorial Grupu Editorial Bruño. -Miguel González, Distribuciones Terrier Asturies. -Pilar Suárez, Xerente del Centru Comercial Caudalia. 20 d'avientu, 2013 0 FacebookTwitterPinterestEmail
Política Organizaciones nacionalistes d’Asturies sofiten el derechu a decidir de Cayalunya nun comunicáu conxuntu by asturnet 19 d'avientu, 2013 Compromisu por Asturies, Conceyu Abiertu, Izquierda Anticapitalista Asturies, Izquierda Asturiana y Andecha Astur vienen acabante roblar un comunicáu conxuntu nel que sofiten el derechu a decidir de Catalunya y piden facer bona aquella estrofa de la canción del gran Lluis Llach que dicía: “Si jo l’estiro fort per aquí / i tu l’estires fort per allà / segur que tomba, tomba, tomba / i ens podrem alliberar”. EL comunicáu quier dexar afitao dende l’entamu que ·el pueblu catalán da un pasu mas na so xusta reclamación sobrel derechu democráticu a decidir el futuru de so. Y, darréu, la España reaccionario que nun entiende de derechos nin de democracia, sal en barrena pa dexar nidio que nun va permitir daqué tan elemental como la cellebración duna consulta democrática. Los quargumenten que la “soberanía reside nel Pueblu español”, son los mesmos que se doblen delantre los mandatos del gran capital financiero y de la Troika, los mesmos que mos roben, mos faen probes, mos reprimen, los que mos arrampuñen derechos sociales y civiles conquistaos con munchos años de llucha, sufrimientu y sangre”. Pero, pa les organizaciones firmantes, “esti exerciciu de soberanía aniciáu pol pueblu de Catalunya nun pue sirvir a la derecha que representa Artur Mas pafondar nes polítiques de recortes y dexpropiaciones sobre los bienes comunes. La soberanía ye un derechu que los pueblos tienen quexercer sobre TOLES decisiones polítiques, sobrel propiu cuerpu, sobre les polítiques sociales y económiques, sobre la sostenibilidá ecolóxico del modelu productivu y de consumu, etc. Esto ye, el derechu a decidir de los pueblos tien que se realizar dende una radicalización de la democracia y, poro, tien que se llevar a cabu como oposición a les imposiciones del gran capital sobre los derechos y conquistes sociales”. Defender el derechu dautodeterminación de Catalunya ye, tamién, pa los firmantes “defender un Camín pAsturies distintu al de la sumisión al gobiernu estatal, la falta de competencies, la corrupción, laculturización y la falta de derechos democráticos. Ye, en definitiva, defender la soberanía y, con ello, el derechu a lautodeterminación dAsturies y la vía que pue apurrir un futuru al pueblu asturiano acullá de lo que güei atopamos: paru, precariedá, emigración y represión”. La nota fina faciendo alcordanza de que “el Réxime surdíu de la transición y la so Constitución del 78 reciben un importante güelpe. Tócamos agora, a l@s de baxo, esixir tamién que les naciones y comunidaes del restu del Estáu Español queden llibres de probeza y de paru, de recortes y desafiucios, llibres de banqueros lladrones y de políticos corruptos, llibres de fame y represión. Faigamos bona aquella estrofa de la canción del gran Lluis Llach que dicía: “Si jo l’estiro fort per aquí / i tu l’estires fort per allà / segur que tomba, tomba, tomba / i ens podrem alliberar”. 19 d'avientu, 2013 0 FacebookTwitterPinterestEmail
Patrimoniu La Coordinadora Ecoloxista dAsturies denuncia la tala dafechu de castañales con 40 años nel Parque Natural de Redes by asturnet 19 d'avientu, 2013 La Coordinadora Ecoloxista dAsturies, presentó allegamientos con motivu del Plan Técnicu de Xestión del castañéu publico d’Isorno, nel conceyu de Sobrescobiu, dientro del Parque Natural de Redes, porque “otra vegada atopamos que tres un plan técnicu que se viende como meyora forestal, l’únicu fundamentu qu’apaez ye baltar miles de castañales por tar afectaos parcialmente de chancro. En concretu, preténdese la curtia completa darréu de toles castañales de más de 40 años (un total de 34 hectárees y 33.000 árboles)”. Hai que recordar qu’esti Parque Natural vienen baltándose miles de castañales a matarrasa nos últimos meses, nun supuestu plan de saneamientu (Plan Técnicu de Xestión de los Castañeos del vecín conceyu de Casu), que pel momento solo lleva baltar completa de los montes de castañales, col consiguiente impactu pal paisaxe y la flora y fauna d’estos montes. Sospriende amás que, frente a les dures midíes contra la castañal, plantíos de carbayu americanu nun solo caltiénense y reciben tratamientos menos drásticos sinón qu’inclusive s’indique como itinerariu silvícola a siguir el plantíu d’individuos de 1-2 cazumbres con una densidá de 1.600 pies/hectárea, cuando ye una especie non autóctona dientro d’un parque natural. A pesar de que tan llargamente reconocíos los aclareos y les fradadures selectives como un bon métodu de control contra’l chancro de la castañal, y esisten investigaciones sobre tratamientos biolóxicos, equí arrenuncióse a toes estes midíes y solo plantégase baltar masiva ya indiscriminadamente como se fixo en Casu. Nes parceles nes que se plantega la curtia completa darréu, que suman 34 hectárees y 33.000 árboles, la prevalencia de chancro según los datos apurríos nel documentu ta ente’l 11 y el 34% de pies afectaos. Esti tipu d’actuaciones silvícoles, qu’esanicien tolos árboles d’edá madura, perxudiquen gravemente a la biodiversidá y nunca la favorecen, a diferencia de afirmar nel proyectu. En concretu l’área d’actuación ye una zona d’especial interés pa la fauna protexida, nes que se constató la presencia d’osu, urogallo, picu medianu, pito negru y otres especies catalogaes y gravemente amenaciaes dependientes de montes desenvueltos, polo que la balta total de les castañales madures puede tener un grave impactu na so supervivencia. Ye claro l’oxetivu puramente d’esplotación forestal del proyectu, non enfocáu na preservación ecolóxica, a pesar de que les actuaciones proxectaes alcontrar nun espaciu catalogáu como LIC, ZEPA, Reserva de la Biosfera y área de distribución d’osu, a lo que s’hai d’añedir qu’esisten na zona dellos cantadorios de urogallo. Estes circunstancies nun se tuvieron en cuenta a la d’evaluar el periodu temporal de la realización de les obres nin la dómina del añu en que van tener llugar, y les previstes nun respeten el ciclu vital de les especies nin tienen en cuenta les molesties que la so duración van poder causar a les mesmes. Les feches previstes pueden fadiar en Urogallo na dómina de celu, ente que l’alternativa afecta de fechu al Osu en cuanto precisa reponer la grasa necesario pa la envernía. De llevase baltar, los ecoloxistes creen pernecesario que los ingresos llograos pola vienta de la madera dedíquese puramente a la repoblación de la zona y a pagar los trabayos forestales que se tengan qu’executar, nun trespasar estos dineros al consistoriu que nun garantiza los trabayos futuros de repoblación. 19 d'avientu, 2013 0 FacebookTwitterPinterestEmail
Gastronomía Presentase’l “Calandariu de la güerta d’Asturias” en Cangas by asturnet 19 d'avientu, 2013 El Serviciu de Normalización L.lingüística de Cangas presentóu estos días el sou calandariu de la güerta d’Asturias, material que forma parte d’una campaña más amplia destinada al sector ganadeiru ya agrícola de la zona ya que se feixo ente medias col Serviciu de Normalización L.lingüística de L.lena ya’l de Llaviana. El calandariu vei chegar por corréu postal a cadaguna de las casas de la zona rural canguesa, acompañáu d’una carta firmada pol Alcalde ya la Conceyala de Cultura del Conceyu felicitando las fiestas ya recalcando’l sou apoyu a los sectores arriba mencionaos. Los vecinos de la zona urbana podrán pasar a recoyelu a partir del día 23 pola Casa la Cultura Palaciu d’Oumaña. Amás, a partir de xineiru repartiráse’l material en centros docentes. Con esta campaña los SNLs pretenden homenaxear ya afianzar el sou compromisu cono entornu rural, memoria encesa de la tradición ya garante d’un futuru sostenible. 19 d'avientu, 2013 0 FacebookTwitterPinterestEmail