Educación La Cultural XIxonesa sofita a los estudiantes d’Inxeniería by asturnet 3 de febreru, 2014 La Sociedá Cultural Xixonesa facíase ecu esti llunes de la llucha entamada polos estudiantes d’Inxeniería de Xixón, zarraos na biblioteca del Edificiu Polivalente pa evitar el so pieslle definitivu. Los estudiantes de la nuesa Universidá d’Uviéu nun solamente sufren los ataques del Ministeriu d’Educación, n’opinión de la sociedá, “col amenorgamientu de beques y la xubida de tases, que fae que munchos fíos de trabayadores tean siendo obligaos a abandonar los estudios superiores, sinón que tamién se conxelen nunes aules ensin apenes calefacción. Amás, apocayá tuvieron qu’arrenunciar a bona parte de los servicios de reprografía”. Sigún la Sociedá Cultural Xixonesa “lo último per parte del Gobiernu de la Universidá ye desaniciar esta biblioteca ensin siquier consultar al alumnáu y ello tuvo la rempuesta contundente de los estudiantes, que lleven zarraos dende’l vienres torgando la salida de los fondos bibliográficos”. La Sociedá Cultural Xixonesa, como entidá comprometida con Xixón, quier comunicar el so refugu total al pieslle d’un serviciu que puede ser esfrutáu por cualisquier ciudadanu de la nuesa ciudá y sofitar a estos estudiantes que nos tán dando un exemplu de ciudadanía al defender de forma seria y comprometida un equipamientu cultural. 3 de febreru, 2014 0 FacebookTwitterPinterestEmail
Sociedá El Serviciu de Normalización Llingüística de L.lena inaugura la exposición 25 años de conciertu en cartelos by asturnet 3 de febreru, 2014 El Serviciu de Normalización Llingüística inaugura la exposición 25años de conciertu en cartelos, que presenta la Xunta pola Defensa de la Llingua Asturiana y fai un percorríu pelos cartelos de les venticico ediciones del Conciertu pola Oficialidá. Trátase dun repasu a los cuasi 70 grupos que pasaron per estes 25 ediciones desti conciertu, una esposición que quier valir d’homenaxe al llabor comprometíu de tolos músicos y xente participante nos conciertos y tamién de denuncia y reivindicación de los derechos llingüísticos de tolos y toles asturianes. La esposición 25 años de Conciertu pola Oficialidá va poder visitase na Sala dExposiciones Celso Granda, na Casa de Cultura del llunes 3 al vienres 28 de febrero, nhorariu de 19 a 21 hores. 3 de febreru, 2014 0 FacebookTwitterPinterestEmail
Patrimoniu Aparen les esplosiones submarines d’Astilleros Armón by asturnet 31 de xineru, 2014 La Coordinadora Ecoloxista d’Asturies fizo anuncia esti día de que l’Autoridá Portuaria de Xixón ctien paralizaes “les esplosiones submarines que venía realizando nos últimos meses Astilleros Armón, que taben produciendo la muerte de numberoses aves protexíes y graves daños nes vivienda de la zona”. Según la Coordinadora, la paralización faise hasta que los Astilleros nun presenten un plan de prevención de la fauna. Pa los ecoloxistes “nun dexa de sosprender, que tres dellos meses d’esplosiones, a menos d’un mes de la finalización d’acabar les obres, agora’l Puertu pída-yos daqué qu’hasta agora l’Astilleru nun tenía, porque nin el Puertu nin el Principáu pidió-yos, pa sorpresa de tol mundu, al ser esti plan preventivu obligatoriu nuna zona con especies selvaxes claramente amenaciaes pola actividá”. 31 de xineru, 2014 0 FacebookTwitterPinterestEmail
Tecnoloxía Google gana un 20% más en 2013 by asturnet 31 de xineru, 2014 El bon momentu de les empreses tecnolóxiques nos EE.XX tuvieron esti día na noticia de que Google llogró un beneficiu netu de 12.920 millones de dólares (9.500 millones d’euros) al zarru de 2013, un impulsu definitivu, ya que representa una meyora del 20,3% sobre l’exerciciu anterior. Google algamó una cifr4a de negociu de 59.825 millones de dólares (43.989 millones d’euros), lo que supón tamién un 19,2% percima del datu del añu pasáu. 31 de xineru, 2014 0 FacebookTwitterPinterestEmail
Comunicación La XDLA presenta un requerimientu énte la Conseyería de Presidencia pa que se cumpla la llegalidá vixente en materia toponímica by asturnet 31 de xineru, 2014 La XDLA presenta un requerimientu énte la Conseyería de Presidencia pa que se cumpla la llegalidá vixente en materia toponímica, al tiempo que denuncia como exemplu más dun centenar dincumplimientos nel BOPA y na web del Principáu. Esti vienres 31 de xineru la Xunta pola Defensa de la Llingua Asturiana (XDLA) presentó nel Rexistu Xeneral Central del Principáu dAsturies un requerimientu formal instando a la Conseyería de Presidencia al cumplimientu de la llegalidá en materia toponímica. Nel escritu de la XDLA, recuérdase que la Llei dUsu y Promoción del Asturianu, aprobadal 28 de marzu de 1998, recueye nel so artículu 15, Capítulu V, que «los topónimos de la Comunidá Autónoma del Principáu dAsturies han tener el nome oficial na so forma tradicional». Un decretu posterior, del 4 dabril del 2002, regula la Xunta Asesora de Toponimia del Principáu dAsturies, y otru del 18 de xunetu desi añu, establez el procedimientu de recuperación y fixación de la toponimia asturiana. Lartículu 5.2 desti decretu diz qua partir del momentu de la entrada en vigor del Decretu pol que se determinen los topónimos correspondientes, les denominaciones o topónimos que nél se recueyan tendrán la consideración de denominaciones oficiales. Cumpliendo estes normes aprobáronse yá entel 2007 y el 2012 50 decretos cola denominación oficial de los topónimos dotros tantos conceyos. La XDLA denuncia nel requerimientu quen cuasi tola documentación xenerao dende les conseyeríes del Principáu dAsturies nun sutilizal nome oficial na so forma tradicional, inclumpliéndose polo tanto la llexislación y vulnerándosel principiu de llegalidá consagráu nos artículos 9 y 103 de la Constitución Española de 1978, ún de los principios fundamentales dun Estáu de Derechu. Amás, nel casu de la toponimia, lactuación de lAlministración nun requier tomar más midíes que la del so propiu cumplimientu. Argumentos comol de la gradualidá de laplicación de la norma, les más de les veces cola sida de la escasez de recursos, podríen entendese, siempre con unos plazos razonables, pa la renovación de lletreros de carretera y mapes, pero nunca pal so usu normal nos escritos que lAlministración produz a diario. Hai que recordar quhai topónimos que son oficiales dende hai siete años y el Gobiernu asturianu, el mesmu que los oficializó, nun los usa. La XDLA esixe de lAlministración del Principáu dAsturies ladopción de les midies necesaries pa correxir esta situación porque nos alcontramos «ante un claru incumplimientu duna Llei dictada pola mesma Alministración, que la incumple de manera sistemática y reiterada». Pídese, polo tanto, quen tola documentación que se xenere se cumpla estrictamente la llegalidá toponímica. Nel requerimientu, la XDLA pon como muestra sesenta resoluciones o anuncios publicaos nel BOPA no que va dañu quincumplen la llegalidá toponímica y unos exemplos de secciones de la web del Principáu onde susen topónimos que tiene una forma yá oficializada dende va años y que siguen ensin respetase. En casu de que nun se dea respuesta al requerimientu, la XDLA valora la posibilidá dimpugnar de manera individualizada cualquier tipu de procedimientu alministrativu procedente de cualquiera de los organismos del Principáu dAsturies quincumplan les formes toponímiques oficiales aprobaes pol mesmu Principáu. 31 de xineru, 2014 0 FacebookTwitterPinterestEmail
Plástiques AFONAS inaugura so esposición en Llanes by asturnet 31 de xineru, 2014 La Casa Municipal de Cultura de Llanes acueye a partir de güei la sesta edición de la esposición fotográfica “Asturies, naturalmente”, ufiertada al Conceyu de Llanes pola Asociación de Fotógrafos de Naturaleza del Principáu d’Asturies (AFONAS). L’amuesa, que va permanecer abierta hasta’l próximu 15 de febreru, concentra’l trabayu de dieciocho fotógrafos al traviés d’un total de treinta y cinco imaxenes. La sesta edición de l’amuesa “Asturies Naturalmente”, va completase’l próximu vienres 7 de febreru a les 20.30 hores con una proyección audiovisual al cargu de los fotógrafos de AFONAS nel salón d’actos de la Casa Municipal de Cultura de Llanes. La proyección lleva por títulu “Fauna y paisaxes d’Asturies”. La entrada pal públicu va ser llibre dafechu. 31 de xineru, 2014 0 FacebookTwitterPinterestEmail
Plástiques Entreguen los Premios del Concursu Semeyes La Sidra en Xixón by asturnet 31 de xineru, 2014 Esti vienres 31 de xineru, na sidrería La Galana de Xixón, va facese la entrega de los premios del VIII Concursu Semeyes de la revista La Sidra en Xixón. La entrega premios, y la naguración de la esposición coles 20 meyores semeyes esbillaes d’ente toles participantes, tendrá llugar na sidrería La Galana de Xixón de magar les 19:30 hores. Nel actu fadráse entrega de los premios tantu de la categoría instagram comu de la dixital, y a los asistentes al actu regalaráse-yos un calandariu 2.014 coles semeyes ganaores de l’anterior edición. Comu se remembrará primer premiu del VII Concursu Semeyes LA SIDRA ganólu’ll fotógrafu xixonés Oscar Chamorro cola so obra entitulada “Llabores d’embotellar”. El VII Concursu Semeyes LA SIDRA cunta col sofitu del Llagar JR, y ta dotáu colos premios que vienen darréu: Imaxe ganaora dotada con 800 (700 en metálicu y 100 en llibros) 2 Accésit con una dotación de 50 en llibros y un llote de productos sidreros .Categoría Semeya Instagram, dotada con 300 , (250 en metálicu y 50 en llibros). Premiu especial Sidra JR dotáu con dos caxes de sidre a la meyor semeya en rellación con dichu llagar y/o los sos productos. 31 de xineru, 2014 0 FacebookTwitterPinterestEmail
Cine Premien en Málaga a Gil Parrondo by asturnet 31 de xineru, 2014 El director artísticu asturianu Gil Parrondo va recibir el premiu “Ricardo Franco” por tola so trayectoria nel ámbitu cinematográficu español, dientru les actividaes que desendolca’l Festival de Cine Español de Málaga en collaboración cola Academia de les Artes y les Ciencies Cinematográfiques d’España. Amás, “La prima Anxélica”, de Carlos Saura, va ser designada “Película d’oru” pol certame malagueñu, que se celebra del 21 al 29 de marzu. Gil Parrondo (nacíu en L.luarca en 1921) tien una amplia trayectoria en cine, con más de doscientes películes, teatru y televisión, desque empezó a trabayar en 1939 como ayudante de decoración. >p>En 1951 asumió la dirección artística de la película “Día tres día”, d’Antonio del Amu, y empecipió una etapa prolífica pa depués empezar a trabayar en diverses coproducciones estadounidenses que se rodaron n’España, llogrando dos “Óscar” y una nominación más al premiu cimeru de la cinematografía mundial. 31 de xineru, 2014 0 FacebookTwitterPinterestEmail
Educación IX entama una conferencia pa ufrir alternatives a la reforma del PP “escontra la Universidá Pública y la Ciencia” by asturnet 31 de xineru, 2014 La fundación d’IX (FEC) desenvuelve dende güei una conferencia internacional pa plantegar les alternatives dende la Esquierda a la reforma del PP contra la Universidá Pública y la Ciencia. Jaime Aja, director de la Fundación pola Europa de los Ciudadanos, alviertía esti día que’l Gobiernu de Rajoy quier acabar cola autonomía universitaria y valse yá d’una estratexa perfectamente orquestada pa contraer cada vez más el financiamientu públicu en beneficiu de la medría de tases y la necesidá de competir por recursos privaos. La Fundación pola Europa de los Ciudadanos (FEC), venceyada a Izquierda Xunida, en collaboración con otres fundaciones y grupos a nivel estatal ya internacional, desenvuelve güei y mañana la so Conferencia Internacional Universidá, Ciencia ya Investigación: Resistencia y Alternatives Europees. Ente los sos oxetivos fundamentales ta evaluar la situación de la universidá y la ciencia n’Europa y de plantegar les bases y les estratexes pa construyir alternatives dende la izquierda, según esplica’l director de la fundación, Jaime Aja. Nel alcuentru participen docentes, investigadores, científicos y activistes de Francia, Alemaña, Italia, Grecia, Bélxica, Finlandia, Austria, Portugal y España. Na so organización, amás de directamente la FEC, tuvo una participación bien activa Transform! Europe, una rede europea pal pensamientu alternativu y el diálogu políticu, formada por 23 organizaciones de 17 países, que trabayen nel campu de la educación política y l’analís científicu críticu. Los alderiques programaos cunten, amás, col sofitu del Partíu de la Izquierda Europea (PIE) y del Grupu de la Izquierda Unitaria Europea, nel que ta integráu IX. Jaime Aja esplica que les meses redondes de güei vienres van dedicar a les reformes conservadores entamaes na Universidá a nivel européu, con especial incidencia nel Estáu español. Los cambeos drásticos na Universidá Pública detalla- fueron unu de los principales oxetivos que’l Gobiernu de Mariano Rajoy marcóse na so primer llexislatura. El ministru José Ignacio Wert prepara una contrarreforma de la Llei Orgánica d’Universidaes que busca, ente otres cuestiones, la subordinación total de la docencia y la investigación a necesidaes definíes puramente pol cortoplacismu de los axentes del mercáu, según una forma d’organización qu’asonsañe’l modelu empresarial. Quieren acabar alvierte- cola autonomía universitaria y válense yá d’una estratexa perfectamente orquestada pa contraer cada vez más el financiamientu públicu en beneficiu de la medría de tases y la necesidá de competir por recursos privaos. Aja analiza que la contrarreforma universitaria en marcha vieno preparase a lo llargo de los últimos años por aciu una serie de midíes d’afuegu financieru y llaboral qu’afecten a estudiantes, investigadores, profesoráu y personal d’alministración y servicios, nel marcu de la execución de les midíes enmarcaes nel llamáu procesu de Bolonia. Pal director de la FEC, esta realidá nun se dirixe namái contra les universidaes públiques españoles. La ofensiva vien impulsada en bona midida pola mayoría conservadora nes instituciones de la Unión Europea y ta estendida en numberosos países de la nuesa redolada. Por ello -d’ende la pertinencia de les xornaes inauguraes güei na Residencia d’Estudiantes del CSIC (C/ Pinar, 21-23)- ye necesario analizar en fondura la situación actual y diseñar estratexes de respuesta. Pa ello resulta imprescindible conocer modelos y respuestes alternatives yá ensayaos n’otros sistemes universitarios, señala. Jaime Aja destaca que ye la primer vegada que se realiza nel nuesu país un actu alternativu d’estes característiques p’axuntar a espertos de tantos países europeos. A la conferencia alleguen académicos, investigadores, sindicalistes y activistes con una llarga esperiencia nel analís, ellaboración y movilización dientro del campu de la universidá y l’investigación. 31 de xineru, 2014 0 FacebookTwitterPinterestEmail
Sociedá Pedro Luis Fernández, de GAM, nuevu presidente de la FADE by asturnet 31 de xineru, 2014 Pedro Luis Fernández Pérez, presidente de Xeneral d’Arriendu de Maquinaria (GAM), ye’l nuevu presidente de la Federación Asturiana d’Empresarios (FADE) tres d’una xornada electoral con muncha participación (93,28%) y un resultáu peraxustáu: 41 votos de diferencia sobre l’otru candidatu, Bernardo Villazán, que representaba nesti casu a la patronal del metal asturianu (Femetal). El resultáu foi tan axustáu que’l nuevu presidente de la patronal del Principáu, reconoció que “lleva implícitu un mandatu d’entendimientu ente les distintes sensibilidaes qu’aprucieron demientres los comicios” y tendrá de servir pa superar el conflictu internu que primeramente condució a la dimisión del anterior presidente. 31 de xineru, 2014 0 FacebookTwitterPinterestEmail