Andecha Astur alvierte nel 8 de setiembre de que ye hora de mirar por Asturies

La Xunta Executiva d’Andecha Astur emitió un comunicáu pública na viespora del Día d’Asturies nel que llama a la movilización pa la manifestación que, baxo’l lema ‘Ye hora de mirar por Asturies’, tien conovocada pa mañana n’Uvieu, a partir de la una la tarde. El partíu nacionaliegu d’izquierdes critica los ‘falsos debates identitarios’ y pide-yos a los asturianos que nun se dexen ‘anestesiar cola propaganda y les promeses’ de los partíos institucionales.

El comunciáu emitíu por Andecha Astur llama a Asturies a definise como nación ‘por hestoria, llingua y tradiciones propies, pese-y a quien-y pese’ y, como tal, desixe’l reconomientu de los sos derechos. ‘Respetamos les decisiones de la mayoría, pero facemos na midida en qu’ello nun nos torgue exercer los nusos drechos como asturianos, porque l’exerciciu d’un derechu nun puede depender del resultáu d’una votación’.

Andecha niegase nel Día de la Nación Asturiana a creer qu’Asturies nun puede tener meyor futuru ‘que’l que-y ufren los partíos institucionales’ y critica la emigración de la mocedá, asina como’l paru, l’emplegu precariu, los abusos llaborales y los problemes de vivienda de la sociedá asturiana. Por esta razón, y baxo’l lema ‘Ye hora de mirar por Asturies’, Andecha Astur convoca a los asturianos a la movilización, sumándose a la manifestación que tienen convocada pa mañana, dende la estación de Renfe d’Uvieu, a partir de la una la tarde.