Portada Lliteratura Alberto Álvarez-Peña faise col Premiu Fierro-Botas

Alberto Álvarez-Peña faise col Premiu Fierro-Botas

by asturnet

Una obra sobre les creencies paganes y la so rellación cola cultura, que l’etnógrafu, escritor y dibuxante Alberto Álvarez Peña presentó baxo’l títulu «Mitoloxía de los santos n’Asturies. Raigaños paganos nel cristianismu», resultó gallardonada col cuartu premiu d’ensayu y trabayos d’investigación Fierro Botas, que convoca la conceyalía d’Educación y Cultura del Conceyu de Xixón.

Un xuráu, formáu por Jaime González-Fierro, profesor de secundaria y representante de la familia González-Fierro, Miguel Ramos Corrada, vicepresidente de l’Academia de la Llingua Asturiana,Montserrat Machicado Company, especialista en llingua asturiana y responsable de la Estaya de la Llingua del Ayuntamientu d’Avilés, Humberto Gonzali, escritor y xestor cultural y miembru del RIDEA, María Xosé Rodríguez, Responsable de la Oficina municipal de la LLingua del Ayuntamientu de Xixón y actuando como Secretaria, y presidíu por Xosé Nel Riesgo, Director de la Fundación Municipal de Cultura, Educación y Universidá Popular del Conceyu de Xixón, falló esti xueves el premiu, en conceyu fechu nun restorán xixonés, otorgándolu a la obra mentada que se presentó col nomatu Bardión.

El Premiu Fierro Botas ta dotáu con 4.000 euros n’efectivo y cola publicación del trabayu ganador. N’otes ocasiones resultaron ganadores Rafael Rodríguez Valdés o Javier Cubero de Vicente.

Tamién te podria gustar