Afayen en Luxor la cámara funeraria y el sarcófagu d’un alcalde de Tebas

Una misión exipciu-estadounidense afayó na ciudá de Luxor, nel sur d’Exiptu, la cámara funeraria y el sarcófagu de Karabasken, alcalde de Tebas (actual Luxor) mientres la XXV dinastía faraónica (747-664 a.C).

El Ministeriu exipciu d’Antigüedaes informó esti xueves nun comunicáu de que la misión, dirixida pola arqueóloga Elena Pischikova, realizó esti descubrimientu mientres les xeres d’escavación y llimpieza na tumba de Karabasken númberu TT391, nel sur de la área de Asasif, en orellar oeste de Luxor. El director del sector de les antigüedaes del Antiguu Exiptu -que depende del ministeriu-, Mahmud Afifi, indicó que’l sarcófagu ye un exemplar únicu” de la dómina kushita, o XXV dinastía, d’orixe nubiu.

La reliquia ta tallada en granitu coloráu y nun tien grabaos nin pintures, precisa la nota, qu’añede que mide 2,41 metros d’altu y 1,63 d’anchu. Pischikova esplicó que la cámara funeraria foi topada mientres la escavación llevada a cabu na sala de cultu de la tumba.

Añedió nel comunicáu que los trabayos de llimpieza van siguir nel sarcófagu, según na tumba y el restu de la zona, coles mires de llograr más informaciones sobre la necrópolis.