Actos de Denuncia contra la violencia de xéneru en Carreño

Dientro de les actividaes qu’entama’l Conceyu de Carreño a traviés de la so Conceyalía d’Igualdá y con motivu del Día Internacional de la Violencia de Xéneru va presentase un curtiumetraxe pal llunes 25 de payares, nel Teatru Prendes de Candás. Trátase de la presentación del curtiu del director Pablo Quiroga Prendes “Ea la mio neña, ea”, cola participación de Marisa Vallejo como actriz del monólogu. Un curtiumetraxe de denuncia contra la violencia de xéneru y nel que máximes como”… perder la razón y la dignidá ye duro pero perder la dignidá ensin perder la razón ye peor tovía…” fáenmos reflexonar, a traviés del dolor d’una madre, sobre la sinrazón de los amores que maten

Depués de la proyección va facese una mesa redonda “Un acercamientu a la violencia de xéneru” na que vamos contar cola presencia d’Eva Lázaro, abogada del Centru Asesor de la Muyer de Xixón y con Joanna Magdalena Benavente, Coordinadora de la Rede de Cases d’Acoyida d’Asturies.