100 años de l’Alemania o Les llocomotores Henschel n’España

En 2018 cumplense los 100 años d’una de les locomotores alemanes que curia’l muséu del Ferrocarril d’Asturies, l’Alemana,  Fabricada por Henschel en 1918 y qu’acabó los sos díes útiles na factoría de Veriña de Ensidesa, y por mor d’ello la sala d’actividaes acueye esti xueves 20 de setiembre a les 19 hores una alcordanza d’esti aniversariu.

La empresa alemana Henschel foi fundada en Kassel en 1810 y empezó la fabricación de locomotores de vapor en 1848 y en 1918, últimu añu de la Primer Guerra Mundial, el fabricante Henschel construyó una serie de llocomotores-ténder de dos exes acoplaes con anchu de vía de 600 mm., destinaes a una llínea ferrial de Mesopotamia esplotada pol Exércitu Turcu, denominada Tigris Kreigsbahn. Esti ferrocarril pretendía llegar a Bagdag n’Iraq per Turquía.

El Serviciu Militar de Ferrocarriles del exércitu español mercó d’ocasión un númberu importante de locomotores xuntu con otru material auxiliar destináu na so mayoría a les campañes militares en Marruecos.

Remataes estes operaciones, nos años 40 fuéronse vendiendo delles de el locomotores d’esti llote y Duro Felguera foi una de les empreses qu’adquirió delles unidaes. Cuando se creó Ensidesa una d’elles, la denominada “L’alemana” foi destinada a circular peles víes de la factoría de Veriña.

La cita ye nel Muséu del Ferrocarril d’Asturies, na so sala d’actividaes, esti xueves 20 de setiembre a les 19 hores, con entrada gratuita hasta completar aforu.