Tecnoloxía El Partíu Popular quier implantar la censura n’Internet n’Europa by asturnet 14 de xunu, 2010 Les alarmes tan espardiéndose pol Partamentu Eropéu depués de que se sepa que namái falten 45 firmes pa poer adoptar la Declaración 29/2010 nel Parlamentu de la Unión Europea. El testu, que foi presentáu pol Partido Popular, pretende crear un sistema d’alerta rápida pa combatir la pornografía infantil y l’acosu, pero pa facelo quier obligase a los buscadores (Google, Yahoo!, etc.) a retener, de seis meses a dos años, la información que cinque a las búsquedes que faigan los usuarios. Al paecer, son munchos los eurodiputados que secundaron la iniciativa cola so firma ensin decatase del testu y agora dellos dan l’alarma al averiguar los métodos colos que se pretende algamar l’obxetivu. Muchos camienten que foron engañaos con una redacción ambigua. 14 de xunu, 2010 0 FacebookTwitterPinterestEmail
Tecnoloxía Oracle asoleya la nueva versión 3.2.1 de la suite ofimática llibre OpenOffice n’asturianu by asturnet 4 de xunu, 2010 Oracle asoleyó güei la nueva versión 3.2.1 de la suite ofimática llibre OpenOffice n’asturianu, que puede baxase dende http://ast.openoffice.org. Esta nueva versión tien les siguientes meyores: – Revisaes y meyoraes toles traducciones del asturianu. – Arranque más rápidu. – Mayor sofitu de ficheros. – Meyor importación de tables de Microsoft Excel 2007. – Meyores n’OpenOffice Calc. Remembrar qu’OpenOffice ta pa baxar de baldre, ye llibre y tienprocesador de testos, fueya de cálculu, xestor de presentaciones,xestor de bases de datos y programa de dibuxu, too ello n’asturianu pol trabayu altruista de l’asociación Softastur.org. Web d’openoffice n’asturianu 4 de xunu, 2010 0 FacebookTwitterPinterestEmail
Tecnoloxía Asturnet organiza un cursu de diseñador web y multimedia nUviéu by asturnet 2 de xunu, 2010 Asturnet va impartir esti cursu destináu a paraos y gratuitu a partir del 10 de xunu, finalizandol 23 de setiembre, n’horariu de 14,30 a 19,30 hores. Pa más información los interesaos pueden pasar pel llar dAsturnet, nel 15 de la cai Martínez Vigil, dUviéu, o llamar al teléfonu 985 265 910. 2 de xunu, 2010 0 FacebookTwitterPinterestEmail
Tecnoloxía La Fundación Mozilla entama a usar l’asturianu davezu by asturnet 19 de mayu, 2010 La Fundación Mozilla vieno acabante d’asoleyar estos díes de mayu la so primer páxina en llingua Asturiana. Failo nesti casu, como nun podría ser d’otra miente col so “Manifiestu”. Mozilla y los alministradores del proyeutu, aceuten a la llingua asturiana como una más, no que se supón que ye’l pasu previu al restu de proyeutos que s’ensamen dientro de los productos Mozilla: (Firefox, Thunderbird, SeaMonkey, y una bayura d’aplicaciones). Los compromisos de la Fundación Mozilla col códigu abiertu, y col respetu a los estándares abiertos son bien conocíos, lo mesmo que’l respetu a les llingües. Nos próximos díes, la fundación siguirá dando más y más pasos pa ufrir el mayor conteníu y productos posibles en llingua asturiana. Manifiestu de Mozilla en llingua asturiana 19 de mayu, 2010 0 FacebookTwitterPinterestEmail
Tecnoloxía Ubuntu ufrese por fin dafechu n’asturianu by asturnet 10 de mayu, 2010 La versión 10.04 d’Ubuntu vieno acabante asoleyase y failo per primera vegada dafechamente en llingua asturiana. Nesta nueva versión de la nomada distribución de Linux ya vienen inxeríes meyores importantes como la versión completa d’Open Office. Les novedaes más descataes d’esta nueva versión son les que vienen darréu: * Ye una LTS (sofitu llargu). * Nuevu tema gráficu. * Arranque mui rápidu. * Ubuntu One Music Store: Onde poder mercar música. * Enfocáu nes redes sociales: Memenu, Gwibber. * Nuevos programes preinstalaos: SimpleScan (pa escanear), Pitivi (edición de videu), Gbrainy (xuegu de intelixencia). * 100% N’asturianu (incluyía OpenOffice). Ubuntu ufre agora un nuevu tema gráficu ya iconos, que sustituyen al amarronáu Human, colos colores principales naranxa y berenxena, algamando un de los temes más guapos fasta agora. Y tamién hai un nuevu menú destáu del usuariu que tien como oxetivu integrar nel escritoriu Ubuntu les redes sociales quusemos (Twitter, Facebook, Identi.ca, etc.). Y lo que ye más importante no que cinca a la llingua asturiana: meyoraes les tornes y completaos más dalgunos programes, incluyendo OpenOffice preinstalada nasturianu. Más información en Ta pa Ponga 10 de mayu, 2010 0 FacebookTwitterPinterestEmail
Tecnoloxía Ubuntu cunta yá con una versión dafechu nasturianu by asturnet 3 de mayu, 2010 El colectivu Sofastur dio anuncia de la primer versión dUbuntu, sistema operativu de calter llibre, dafechu nasturianu. El paqueta dinstalación d’esta nueva versión, Ubuntu 10.04, inclúi tolos programes del sistema tamién nasturianu (incluyíu un procesador de testos, OpenOffice). El colectivu tuvo instalándolu esti vienres pasáu en Ribeseya, dientro duna xornada dinstalación que se celebró dientro de los actos de la Selmana de les Lletres desti conceyu. Páxina au descargar Ubuntu 3 de mayu, 2010 0 FacebookTwitterPinterestEmail
Tecnoloxía Los futuros profesores de llingua avérense a Ubuntu by asturnet 29 d'abril, 2010 Esti miércoles 28 d’abril, el coleutivu Softastur ufrió una charra sobre Ubuntu na Facultá de les Ciencies de la Educación de la Universidá d’Uviéu a los futuros mayestros de llingua asturiana. Nella, los componentes de Softastur, desplicaron los conceutos básicos d’esta mena de Software, la ética qu’arrodia a los trabayos de la Comunidá llibre, y la importancia del so usu na Educación. “Un finxu básicu na educación, ye l’accesu a la información” y l’espíritu de “compartir” que’l software llibre promueve, afitaron los profesores especiales d’esi día nel enseñu a los estudiantes del Títulu Propiu d’Espertu en Llingua Asturiana de la Universidá d’Uviéu. A los asistentes desplicóse-yos el funcionamientu d’Ubuntu a nivel d’usuariu, y tamién empobináu a la enseñanza primaria. Softastur fizo una amuesa de la versión Educativa d’Ubuntu con exemplos práuticos pa escolinos, al empar qu’anunció’l llanzamientu esi mesmu (día 29) de la nueva versión versión d’Ubuntu, que l’asociación considera totalmente traducida en llingua asturiana. Tamién avanzó Softastur, que la suite ofimática OpenOffice va venir incluyía por defeutu y en llingua asturiana nesta versión d’Ubuntu. Nel actu, los asistentes pudieron comprobar el funcionamientu y conocer l’estáu del correutor ortográficu nel que trabaya Softastur dende fai un añu, y que “tará disponible en 3 o 4 meses”. Esta ye una ferramienta normalizadora más, qu’asitia a la llingua asturiana na estaya de les nueves teunoloxíes, “igual que’l restu de les llingües”. Pa tolos interesaos, Softastur fizo anuncia qu’esti fin de selmana (vienres 30 y sábadu 1) va cellebrase una install party en Ribeseya a la que pueden asistir toos aquellos que quieran instalar esti sistema operativu. Más información en: http://blogs.altuxa.com/softastur/taller-dinstalacion-en-ribeseya.htmlInformación sobre la Install Party en Ribeseya 29 d'abril, 2010 0 FacebookTwitterPinterestEmail
Tecnoloxía Disponible yá la venta de llibros de l’Academia de la Llingua reimpresos según demanda by asturnet 15 d'abril, 2010 L’Academia de la Llingua Asturiana y Bubok.com ufren yá’l serviciu pol que ye posible, al traviés de la páxina web de la empresa, la impresión baxo demanda dobres escosaes y otres publicaciones despecial interés pal estudiu filolóxicu. LAcademia súmase asina a otres instituciones como la Biblioteca Nacional (BN), ufiertando esti serviciu a la comunidá científica y a la xente interesao, en xeneral. Ente les obres que pueden atopase yá disponibles na web tán: “Documentos orixinales del dominiu llingüísticu ástur”, “Coleición Diplomática del Monesteriu de San Salvador de Corniana (1024-1499)” o “Nomes de conceyos, parroquies, pueblos y llugares del Principáu dAsturies”. Páxina de l’ALLA en Bubok 15 d'abril, 2010 0 FacebookTwitterPinterestEmail
Tecnoloxía Vicente Gotor echa a andar la primer web nasturianu de la Universidá dUviéu by asturnet 14 d'abril, 2010 Vicente Gotor presentó esta mañana nel Edificiu Hestóricu de la Universidá dUviéu, el nuevu portal web de la institución, que per primer vegada va poder consultase en llingua asturiana, amás den castellán y ninglés. Según anuncien dendel Rectoráu los conteníos tán en procesu de traducción, pero la web va estrenase nes próximes hores, yá que taba anunciao facelo pa la medianueche d’esti martes 13 d’abril. Na primer fase del sistema va estrenase la interfaz gráfica que va dar accesu a ocho perfiles pa facilitar los sistemes de busca y les ayudes a la navegación de los usuarios (estudiantes, estudiantes nuevos, alumnáu estranxeru, antiguos estudiantes, personal investigador docente, personal alministrativu, empreses y prensa). La web vieya va siguir activa nel dominiu uniovi.net, col envís devitar perdes dinformación y facilitar la tresmisión. El El Conceyu Universitariu pol Asturianu (CUPA), organización que trabaya pol asturianu na Universidá, quixo felicitar pola puesta en marcha de la nueva web de la Universidá d’Uviéu con una versión en llingua asturiana. Pal CUPA esta acción supón el cumplimientu d’unu de los puntos más importantes de los alcuerdos ente l’equipu rectoral y el CUPA, que sofitó la candidatura de Gotor nel so día. Sicasí, esta organización, que reconoz al cambiu xeneráu pol Rector alredor del asturianu na Universidá, camienta que tien qu’acelerase’l procesu de normalización con nueves midíes que sirvan pa normalizar l’asturianu na Institución. Accesu directu a la web n’asturianu 14 d'abril, 2010 0 FacebookTwitterPinterestEmail
Tecnoloxía Cuaña convoca un concursu d’idees pal llogotipu de nueves tecnoloxíes by asturnet 12 d'abril, 2010 El Conceyu de Cuaña convoca un concursu d’idees pal llogotipu de la Conceyalía de nueves tecnoloxíes. El premiu ye de 200 euros. Los trabayos tendrán d’unviase o presentase enantes del 1 de mayu de 2010, bien nel CDTL d’Ortigueira (El Rabeirón e/n-Ortigueira) o nel Centru Informáticu de Cuaña. Bases completes 12 d'abril, 2010 0 FacebookTwitterPinterestEmail