Escéniques Teatru n’asturianu en Llaviana cola compañía “La Fumarea” by asturnet 9 de febreru, 2007 “Un negociú de cuidáu” ya la obra cola qu’arranca güei a las 20 hores el cartel teatral que durante’l mes de Febreru va desendolcar el grupu de teatru amateur de Llaviana “La Fumarea” nel Centru d’Innovación y Desarrollu del Altu Nalón (CIDAN). La compaía de Alvaro Canella va representar cuatro obres, toes n’asturianu: “Un negociu de cuidau”, “Juiciu de faltes”, “Petición de mano” y “Mentires”. Toles representaciones d’esti primer mes del Teatru de Llaviena, van entamar a les 8 de la tarde nel salón d’actos del CIDAN. El día 16 entrarán en escena les obres “Juiciu de faltes” y “Petición de mano”, de Antonio Braña y el 23 de febrero, “¡Mentires!, del propiu grupu. 9 de febreru, 2007 0 FacebookTwitterPinterestEmail
Escéniques A la venta los abonos del Festival de Danza d’Uviéu by asturnet 8 de febreru, 2007 Dende güei vienres 9 y hasta’l 17 de Feberu tarán disponibles a la venta los abonos pal Festival de Danza nes taquilles del Teatru Campoamor, que contará nesta edición cola presencia ente otros del Ballet de Victor Ullate, Cristina Hoyos o la Compañía Nacional de Danza. Los precios de los abonos van dende los 45,50 euros pa les butaques d’anfiteatru y xeneral a los 56 de principal y los 65 euros que cuesten les butaques de patiu. Esti año los asistentes al certamen podrán disfrutar de les actuaciones del Ballet de Victor Ullate cola obra Coppelia, el Ballet Flamenco de Andalucía con Cristina Hoyos, el Ballet de Lorraine, la Compañía Nacional de Danza y una Gala de los solistas y ëtoiles de la Ópera Nacional de Bordeaux. Hasta’l 17 les taquilles va vender los abonos y a partir del 19 de Febreru entamará la venta de llocalidaes sueltes. Amás de nes taquilles del Teatru Campoamor ta disponible un serviciu de venta nos cajeros Cajastur Tiketexpress de Cajastur y nel telefonu 902106601. 8 de febreru, 2007 0 FacebookTwitterPinterestEmail
Escéniques El colectivu Ropa Tendida presenta “El Desafío” nel Conseyu de Mocedá de Xixón by asturnet 30 de xineru, 2007 “El Desafío”, proyectu ganador del premiu Astragal 2006, presentase güei a les 19:30 hores nel espaciu del mesmu nome del Conseyu de la Mocedá de Xixón. Los premios Astragal formen parte del programa “culturaqui” de la Conseyería de Cultura en collaboración col Conseyu de la Mocedá y la Fundación Municipal de Cultura de Xixón, y tan empobinaos a reconocer el llabor de los xóvenes creadores asturianos y sofitar la experimentación artística. Sofía Fernández Castañón, Juan Tizón, Olga Fernández, David Feito, Ricardo Santana, Guillermo Tuñón , Víctor García y Diego Muñiz Santamarta son los integrantes del “Colectivu Ropa Tendida”. En “El Desafío” proponen una instalación artística que simula un cuadriláteru de boxeu onde varios poetes, como Luís Piquero o David González, mantienen una griesca metafórica recitando les sos obres al travies d’una proyección audiovisual. Nel actu de presentación van participar: Jordán Suárez Garea, Presidente del Conseyu de Mocedá de Xixón, el Conceyal de Xuventú, Iván Álvarez Raja; la Conceyala de Cultura, Mercedes Álvarez y la Directora Xeneral del IAJ, Carmen Barrera. 30 de xineru, 2007 0 FacebookTwitterPinterestEmail
Escéniques Os Monicreques de Kukas ufres dos montaxes de títeres en Xixón y en Mieres by asturnet 26 de xineru, 2007 Esti sábadu 26 ya’l domingu 27 de xineru, la Colexata San Xuan Bautista de Xixón ya’l Centru Cultural Cajastur de Mieres van acoyer un espectáculu de títeres al cargu de la veterana compañia gallega Os Monicreques de Kukas. El montaxe que los marionetistes escoyeron pa la ocasión ye “Sin título. 4 x 8 x 6” y va llegar a Xixón en dos sesiones, a les 17:00 y a les 19:00 hores y a Mieres a les 18:00 hores. Kukas, nomatu embaxo’l qu’actua l’artista Marcelino de Santiago (fundador d’Os Monicreques en 1979 xunto con Isabel Rey) trata con esti montaxe, treslladar el mundiu de la ceración artístiuca a la reciella al travies de la teúnica de les marionetes 26 de xineru, 2007 0 FacebookTwitterPinterestEmail
Escéniques Llangréu estrena l’amuesa de teatru costumista by asturnet 26 de xineru, 2007 L’amuesa de teatru costumista de Llangréu entama güei, a partir de les 20.15, nel teatru de La Felguera. La representación d'”El pariente d’America”, de la Compañía Asturiana de Comedies será la encargada d’abrir esti ciclu, que tolos vienres va ufrir una representación teatral. Les siguientes funciones serán “De piescos y escayos” de Rosa Trabanco, y Superpín del grupu de teatru de Carbaín. 26 de xineru, 2007 0 FacebookTwitterPinterestEmail
Escéniques El calendariu de la Conseyería de Cultura dedícase al teatru asturianu by asturnet 9 de xineru, 2007 El calendariu oficial de la Conseyería de Cultura de 2007 dedícase al teatru profesional asturianu. La edición de 2006 d’esti calendariu dedicóse a los museos. Les compañíes asturianes de teatru valen como ilustración a caún de los meses del añu. 9 de xineru, 2007 0 FacebookTwitterPinterestEmail
Escéniques “El suañu de la fabada…” de Nel Amaro na Llibrería asturiana de Trabe by asturnet 2 de xineru, 2007 El xueves 4 de xineru a partir de les 19,00 la Llibrería Asturiana de Trabe acoyerá l’acción de la Fundación perruno-situacionista “Laszlo Kovacs” denominada “El suañu de la fabada, como’l de la razón, tamién produz mostruos”. L’acción inxértase dientro de l’amuesa “Paraísu Natural” que l’artista Anxel Nava tien montada na llibrería de Trabe. 2 de xineru, 2007 0 FacebookTwitterPinterestEmail
Escéniques Teatru pa neños nel Atenéu de Turón by asturnet 22 d'avientu, 2006 La Biblioteca del Valle de Turón programó pa esti Nadal una tarde especial de Teatru pa neños nel Atenéu, cola obra “¡Qué viene el lobo!”. A partir de les 17,30 hores del 22 d’avientu, la compañía Kamante Teatro presenta un espectáculu pa los neños y neñes que cuenta la hestoria d’un llobín que nun quier siguir nel zoolóxicu Esta obra ye una revisión d’esti personaxe popular arraigáu nel maxín colectivu. Llobín suaña con abandonar el zoolóxicu nel que vive. Un día decidióse a escapar col envís de covertise nel llobru de los cuentos. 22 d'avientu, 2006 0 FacebookTwitterPinterestEmail
Escéniques El teatru Palaciu Valdés acueye esta nueche l’estrenu absolutu de “Vecinos” by asturnet 22 d'avientu, 2006 El teatru Palaciu Valdés va acoyer a partir de les 20,15 hores de güei l’estrenu absolutu de la obra “Vecinos” de la compañía Entresijo Teatro. La obra cuenta les tensiones ente dos vecinos a los qu’axunta un fechu tráxicu: la muyer foi víctima d’un atentáu y sospecha del so vecín 22 d'avientu, 2006 0 FacebookTwitterPinterestEmail
Escéniques Teatru contra’l Virús de la Inmunodeficiencia Humana (VIH) by asturnet 20 d'avientu, 2006 El Conseyu de la Mocedá d’España y el Conseyu de la Mocedá d’Asturies entamaron una campaña sobre la prevención de la tresmisión del VIH. Dientro d’esta campaña la Sala del Capistrano de Villaviciosa’l día 21 d’avientu, y a partir de les 20,00 hores, representaráse la obra “Goz@” de la compañía Con Tacto formada por Saadia Benhassoun y Rubén Fernández 20 d'avientu, 2006 0 FacebookTwitterPinterestEmail