Música El canto del loco alcuéntrense güei col públicu xixonés by asturnet 2 de xunetu, 2009 Güei, xueves 2 de xunetu, a partir de les diez de la nueche, Xixón va celebrar ún de los primeros conciertos del branu, el del grupu pop madrilanu El canto del loco, llideráu pol cantante y actor Dani Martín. Nel mesmu van presentar el so últimu discu “Personas”. 2 de xunetu, 2009 0 FacebookTwitterPinterestEmail
Cine Villaviciosa ye de cine nel Teatru Riera by asturnet 1 de xunetu, 2009 Desde güei, unu de xunetu y hasta’l 21, va poder vese nel teatru Riera de Villaviciosa la esposición de fotografíes de carteleres de cine recreaes pola comunidá educativa del IES de Villaviciosa. Un llamativu proyectu gráficu y educativu de los profesores Bernardo Busto y Paco Ayala, qu’axunta a la calidá técnica de lo fecho la capacidá de mover y incorporar al proyectu a estudiantes, docentes y personal. La esposición representa una oportunidá curiosa pa conocer esta guapa iniciativa, asina como les posibilidaes didáctiques de los medios audiovisuales na docencia y nel trabayu con mozos y adolescentes. 1 de xunetu, 2009 0 FacebookTwitterPinterestEmail
Música Entama’l II Alcuentru cola Música Tradicional de Xixón by asturnet 1 de xunetu, 2009 El conceyal de Cultura Tradicional, Jesús Montes Estrada, presentó esti dia’l II Alcuentru cola Música Tradicional, que va celebrase nel Muséu del Pueblu d’Asturies, del 3 al 5 de xunetu. Montes Estrada destacó l’ésitu de la segunda romería de Xixón, con motivu de la festividá de San Pedro, ya invitó a disfrutar d’un espaciu “fracamente nuevu” con esti alcuentru dedicáu nesta edición a les bandines. L’alcuentru axunta bandines d’Asturies, con representación esta vegada d’Aragón y Lleón, cola fina de crear un espaciu pa que los músicos puean intercambiar esperiencia. La primer edición d’esti alcuentru tuvo dedicada a les pandereteres. 1 de xunetu, 2009 0 FacebookTwitterPinterestEmail
Conceyos El Serviciu de Normalización Llingüística de la Comarca la Sidra estrena blogue by asturnet 30 de xunu, 2009 Ta acabante d’abrise “El Solanu”, el nuevu blog del Serviciu de Normalización Llingüística de la Comarca de la Sidra, que según comental so responsable, Pablo X. Suárez, va dedicase a informar sobre les diferentes actividaes y proyectos del serviciu, amás d’esparder noticies d’actualidá rellacionaes cola Mancomunidá y cola llingua asturiana en xeneral. El nome del mediu El Solanu, amás de ser un llugar del conceyu de Nava, na parroquia d’El Remediu, ye una pallabra asturiana que, como sustantivu, vien definida nel Diccionariu Xeneral de la Llingua Asturiana como “Vientu caliente, del sur”, “Vientu del este” y “Sitiu onde da’l sol”. Como axetivu ye “soleyero”, “que da al este o al sur”, “orientao al meudía”. Nesti solanu, comenten dendel serviciu ñaz col sol tebiu d’esti branu de 2009. El Serviciu de Normalización Llingüística de la Mancomunidá Comarca la Sidra ye un serviciu d’asesoramientu públicu y de baldre destináu a facilitar l’usu del asturianu ente les persones, empreses, organizaciones, asociaciones, entidaes y alministraciones de la Comarca la Sidra. Ye una ferramienta a disposición de tola ciudadanía de la comarca y constitúi un preséu indispensable nel procesu de recuperación, dignificación y dinamización de la llingua asturiana. http://elsolanu.nireblog.com/ 30 de xunu, 2009 0 FacebookTwitterPinterestEmail
Música Una mar de voces resuena esta nueche en La Llaboral by asturnet 30 de xunu, 2009 El Festival La mar de voces, quaxunta a formaciones corales, llega esta nueche, a les 20:30 hores, a La Llabora de Xixón. Güei van participar la Banda de Música de Xixón, la Coral Polifónica d’Asturies “Cruz de la Victoria” d’Uviéu y la Coral Villa de Xovellanos de Xixón. 30 de xunu, 2009 0 FacebookTwitterPinterestEmail
Música Muerre a lo 50 años Michael Jackson, “el rei del pop” by asturnet 26 de xunu, 2009 El músicu americanu Michael Jackson, conocíu comol rei del pop, morrió esta nueche en Los Ánxeles (EE.XX.) a los cincuenta años y por mor dun paru cardiacu. Una muerte que sorprendió a los sos siguidores, yá quanunciare apocayá la so vuelta a los escenarios. La figura del cantante convirtiérese yá en vida nun mitu, lo mesmo pola so música, que cambió según munchos la hestoria del pop, que pola so polémica vida, con problemes familiares, económicos y cola xusticia. Jackson visitó Asturies nuna ocasión, celebró un conciertu nel yá desapaecíu estadiu Carlos Tartiere dUviéu, el 21 de setiembre de 1992. 26 de xunu, 2009 0 FacebookTwitterPinterestEmail
Música La Tarrancha torna a los escenarios nEl Picu la Xerra by asturnet 26 de xunu, 2009 Güei, vienres 26 de xunu, a partir de les once y media la nueche, el grupu dska-reggae La Tarrancha torna a los escenarios nel llocal El Picu la Xerra asitiáu en Meruxeo, pueblu de Samartín del Rei Aurelio. Nesti conciertu van tocar temes nuevos y recuperar dalgún del so repertoriu habitual. Ente les novedaes, dalgunos de los cantares que van apaecer nel so primer discu de llarga duración, que va tar nel mercáu a lo llargo del iviernu. 26 de xunu, 2009 0 FacebookTwitterPinterestEmail
Música El Rock & Guajes protagoniza esti sábadu Nós na TPA by asturnet 26 de xunu, 2009 Los escolinos de Turón y Candás que participen nos talleres de rock que se vienen desendolcando neses dos localidaes dende hai unos años son los protagonistes de la emisión d’esti sábadu del espaciu “Nós” qu’emite la TPA en llingua asturiana, pasaes les 12 hores del mediudía. La Conceyalía de Cultura del Conceyu Mieres entamó hai poco más d’un mes el I Festival de Rock & Guaje, que cuntó cola actuación de los grupos Pingüinos Asesinos, Fracaso Escolar, Doctor Centollu y Los Bichosaurios; formaos por rapazos menores dedá en talleres de rock y que canten delles canciones nasturianu. Lactividá tuvo llugar nel Parque del Atenéu de Turón. Nós, espaciu dirixíu y presentáu pol periodista y profesor universitariu Próspero Morán, emítese tamién pol satélite Hispasat pal restu d’España, Europa y América y por Internet para tol mundiu al traviés de la web de la RTPA. 26 de xunu, 2009 0 FacebookTwitterPinterestEmail
Música “Spanta la Xente” presental so primer discu nel Tierra Astur de Cualloto by asturnet 25 de xunu, 2009 La música de L.lena ta destrenu. La formación Spanta la Xente va presentar güei, xueves 25 de xunu, a partir de les nueve y media la nueche el so primer trabayu discográficu Fíos desta tierra. El conciertu va celebrase na Sidrería Tierra Astur de Cualloto. Spanta la Xente ta conformáu por xente mozo que saxuntó en 2006 y que faen música entel pop, el folk y el rock. Chus Pedro (ex-Nuberu) yel productor executivu col so sellu discográficu La Mula Torda y ún de los collaboradores del discu. 25 de xunu, 2009 0 FacebookTwitterPinterestEmail
Conceyos Cangas del Narcea respetal mediu ambiente nasturianu by asturnet 24 de xunu, 2009 Con esi lema Nós respetamos el mediu ambiente n’asturianu el Conceyu de Cangas del Narcea, al traviés del so Serviciu de Normalización Llingüística, va llevar alantre una campaña n’asturianu de sensibilización col medioambiente, a partir de güei, 24 de xunu. La mesma consiste nuna tirada de bolses de papel reciclao col logu ¿Tu qué faes pa cuidar el mundu? Reduz, recicla, reutiliza. Los comercios interesaos puen pasar a poles bolses pel Serviciu de Normalización, asitiáu na Axencia de Desenrrollu del Conceyu, na cai Uría, 18, baxu. De la mesma manera, tamién pueden solicitase nel teléfonu 985 819 560. Esta campaña ta llevándose alantre a comuña colos conceyos de Mieres, Avilés y L.lena, toos dientro de la Rede de Normalización Llingüística nos Conceyos. 24 de xunu, 2009 0 FacebookTwitterPinterestEmail