Educación Ana Cano recuerda que’l resultáu de la votación “pue cambiar nuna nueva Xunta de Facultá, dependiendo de quien asista” by asturnet 3 de xunetu, 2008 Dempués del nomamientu de José Antonio Martínez, como nuevu Decanu provisional de la Facultá de Filoloxía pol Rector Vicente Gotor, la ex decana, dimitida la selmana pasada, Ana Cano, recordó ayeri que basándose nel ReglamentuElectoral de Centros, Departamentos ya Institutos, el nuevu Decanu ha convocar elecciones. Cano amosó les sos reserves sobre el calter consensuáu del escoyíu y recordó que a min polo menos nun se me consultó nada sobre esti tema, asina que nun pueo facer valoraciones sobre esta persona. Cano recordó que según lartículu 26 párrafu primeru, del Reglamentu Electoral de Centros les elecciones han convocase dientro de los 20 díes siguientes al de conclusión de mandatu, cuando ésti sestinga por dimisión o concurran les demás causes de cese previstes. Nun ye quurxa o nun urxa la convocatoria electoral, ye que ta estipulado, remató la Presidenta de lAcademia de la Llingua Asturiana, qualbidra que va tener que ser a partir de setiembre, por nun poder ser en tiempu delecciones nin de vacaciones. Ana Cano recordó que va tar nes manes del nuevu decanu aceptar o non lo aprobao na última Xunta y reconducir al situación. Pa Ana Cano el fechu daprobase la enmienda sobre lasturianu nun quier dicir que nunca más se pueda volver a plantegar la cuestión, nabsolutu. Cano añadió Yo espero questo se pueda volver a reconducir, sinceramente, y dixo esperalo porque unes vegaes gánense les votaciones y otres piérdense. Y el tema del asturianu ye la primer vegada que pierde la votación. Otru díal resultáu pue ser otru porque depende de les persones quasistan a la votación. 3 de xunetu, 2008 0 FacebookTwitterPinterestEmail
Educación La Universidá marxina al asturianu dende la matriculación según denuncien Xuristes pol Asturianu by asturnet 3 de xunetu, 2008 Nel contestu de les declaraciones amables del rector d’estos díes asegurando “nun escatimar esfuerzos” pa garantizar que la Llingua y Lliteratura Asturiana tengan un espaciu “académicu y científicu” na institución, Xuristes pol asturianu acaba desenmascaritar la realidá: que l’asturianu marxínase na institución dende la matriculación mesma, acoyéndose a la llei de l’Alministración del Estáu cuando la Universidá dUviéu nun pertenez a lAlministración Xeneral del Estáu, sinon a la del Principáu dAsturies. Nun escritu fechu públicu esti día y unviáu güei, per rexistru, al reutor de la Universidá d’Uviéu , Xuristes pol Asturianu llamenta que na documentación pa inscripción y matrícula nes estremaes carreres universitaries, el Vicerrectoráu dEstudiantes y Emplegu tenga espardíes unes instrucciones quentamen cola fras: La documentación deberá presentarse en castellano de conformidad con el Art. 36 de la Ley 30/1992, de 26 de noviembre, de Régimen Jurídico de las Administraciones Públicas y del Procedimiento Administrativo Común que establece que la lengua de los procedimientos tramitados por la Administración General del Estado será el castellano (sic). Al efeutu en Xuristes pol Asturianu camienten qu’hai que-y refiertar señor Rector que: “ a) Por muncho que se solliñen, ennegrezan y cursiven, les pallabres que falten a la verdá seguirán faciéndolo. b) La Universidá dUviéu nun pertenez a lAlministración Xeneral del Estáu, sinon a la del Principáu dAsturies. c) El mentáu artículu, 36 de la Llei 30/1992, amás del so numberal primeru (que diz lo que trescribe el Vicerrectoráu), tien un segundu qu amiesta: En los procedimientos tramitados por las Administraciones de las Comunidades Autónomas y de las Entidades Locales, el uso de la lengua se ajustará a lo previsto en la legislación autonómica correspondiente. d) La tala llexisllación autonómica a la que remite la Llei 30/1992 ye, nAsturies, lartículu 4.2 del Estatutu dAutonomía (Una llei del Principáu regularál sofitu, usu y promoción del bable), complementáu pela Llei 1/1998, de 23 de marzu, dusu y promoción del bable/asturianu, na que safita, artículu 4, que: 1. Tolos ciudadanos tienen el drechu a emplegar el bable/asturianu y a expresarse nelli, de pallabra y per escritu. 2. Tendráse por válido a tolos efeutos lusu del bable/asturianu nes comunicaciones orales o escrites col Principáu dAsturies. e) Aplicando estes normes, una sentencia del Tribunal Superior de Xusticia dAsturies, xustamente nun pleitu nel que la Universidá dUviéu foi parte (númberu dapelación 83/06, con orixe nel Xulgáu de lo Contencioso-Alministrativo númberu 1 dUviéu, el conocíu como vergoñosu casu Faustino Zapico) refierta-y a la Universidá dUviéu que la aplicación del artículo 4.2 (de la Llei 1/1998) a las relaciones administrativas entre administrados y Administración universitaria debe limitarse a los aspectos burocráticos o administrativos de aquella relación. f) Difícilmente se pue atopar un trámite más burocráticu o alministrativu que un procesu dinscripción y matriculación. g) Pal quenta-y queden duldes, lartículu 6.2, del Decretu del Principáu dAsturies 233/2003, pol que saprueben los Estatutos de la Universidá dUviéu, esclaria: La llingua asturiana sedrá oxetu destudiu, deprendizax ya investigación Asina mesmo, el so uso tendrál tratamientu questableza lEstatutu dAutonomía y la llexisllación complementaria, garantizándose la non discriminación de quien la emplegue. Poro, señor Rector, encamiento-y que nacatamientu de les sentencies de los Tribunales, cumplimientu de la llei y respetu col drechu fundamental a emplegar la llingua materna, proclamáu nel artículu 2 de la Declaración Universal de los Drechos Humanos, y, como voluntá de la Ñación española, nel mesmu entamu de la Constitución, corte pela freba coles llamentables práutiques a la escontra del Vicerrectoráu dEstudiantes y Emplegu, faciendo poner darréu a disposición de tolos estudiantes les instrucciones ya impresos de matrícula en llingua asturiana, arriendes den castellán, corrixendo disciplinariamente, al empar, al responsable de les declaraciones dafechamente falses, atropaes nel entamu del mentáu impresu de Plazos (Inscripción y Matrícula). 3 de xunetu, 2008 0 FacebookTwitterPinterestEmail
Educación El Conceyu Universitariu pol Asturianu inquietu poles declaraciones del Decanu de Xeografía y Hestoria en defensa de De Castro by asturnet 2 de xunetu, 2008 El Conceyu Universitariu pol Asturianu (CUPA) mandó güei un comunicáu nel que manifiesten la so inquietú éntel reciente comunicáu del Decanu de la Facultá de Xeografía y Hestoria, nel que se solidariza col profesor Félix Fernández de Castro por mor de lapaición de dalgunes pintaes nel Campus del Milan onde se señala a esti profesor como antiasturianu a causa de la propuesta, quel CUPA considera acientífica, demagóxica y políticamente xacobina y que de Castro presentó na última Xunta de la Facultá de Filoloxía. Esti comunicáu del Decanatu inquieta al CUPA pues a finales del mes de mayu na Facultá de Xeografía y Hestoria apaecieron cartelos onde amás de facer burlla de la llingua asturiana se difamaba dun mou xabaz a dos estudiantes desa Facultá que se presentaren como candidatos a representantes estudiantiles nel Claustru, y según el CUPA, entós el Decanatu non solo nun fizo nengún tipu de comunicáu públicu sinón quamás los cartelos se caltuvieron per dellos díes. El CUPA pide un poco de coherencia a un Decanatu que se solidariza con un profesor dotra Facultá pero quinora a los estudiantes de la so propia Facultá. 2 de xunetu, 2008 0 FacebookTwitterPinterestEmail
Educación José Antonio Martínez yel nuevu Decanu de la Facultá de Filoloxía by asturnet 2 de xunetu, 2008 El Rector de la Universidá d’Uviéu, Vicente Gotor, confirmó yál so nomamientu como nuevu decanu provisional, dempués de la dimisión dAna Cano la selmana pasada. Martínez ha reconducir la situación creada tres la dimisión de Cano, comentó Gotor. El profesor pertenez al Departamentu de Filoloxía Española. 2 de xunetu, 2008 0 FacebookTwitterPinterestEmail
Educación Entama’l Parque Encantáu en La Villa by asturnet 1 de xunetu, 2008 Esti martes entama “El Parque Encantado”, un programa d’animación infantil nel parque de la capital del conceyu maliayés que va desendolcase tolos martes y miércoles de cunetu y agostu de 11.30 a 13.30 hores. Cáun d’estos dos díes de la selmana van ufrise xuegos y actividaes pal entretenimientu y aprendizaxe de los más neños, nun programa gratuitu empobináu y financiáu pol Ayuntamientu. 1 de xunetu, 2008 0 FacebookTwitterPinterestEmail
Educación Darréu sofita lencierru na Universidá, pide la dimisión de Migoya y responsabiliza al PSOE del problema en Filoloxía by asturnet 1 de xunetu, 2008 La mocedá independentista dizquierdes Darréu, emitió güei un comunicáu nel que quixo denunciar de nueu otra agresión pa cola llingua d´Asturies; y nesta ocasión na Universidá, el muerganismu que tien de ser la istitución de los asturianos, u los mozos y moces seyan los protagonistes de la so educación ya desendolque presonal y académicu. Pa los miembros desta organización la enmienda de Félix Fernández de Castro ye inxustificable. Pa Darréu esta ye una agresión quasoleyal cálter represivu, retrógradu y anticientíficu d´esta élite cultural (por nomalo de dalguna manera) enquistada nel más xabaz españolimu; que vegada tres vegada reaicionen a cualesquier intentu d´ampliar los drechos de los asturianos y asturianes. Énte la dimisión de la decana Ana María Cano, y l´encierru de dellos estudiantes nel Rectoráu de la Universidá d´Uviéu, Darréu, la mocedá revolucionario d´Asturies, posicionase amosando tola solidariedá posible cola decana dimisionaria Ana María Cano, dándo-y tol so sofitu a los mozos y moces enzarraos, too´l sofitu presonal cumu militantes, pero tamién comu muerganización a esti actu de resistencia, dexando ver qu´esto ye un pasu a la aición no que cinca a la llucha polos drechos llingüisticos d´Asturies y de la ciudadanía asturiana na Universidá. Amás, Darréu ta a la escontra del EEES y lo que supón el Procesu de Bolonia, porque supón, comu yá espusimos, una mercantilización de la educación, y de la Universidá. Too esti procesu ye, pa Darréu, un pasu p´atrás, arrequexando a la cultura y a la sociedá asturiano na marxinación. Dende Darréu van puxar, comenten, porque esto nun quede nuna reprimenda haza estos seutores españoliegos de la Universidá, sinón que seya una llucha más amplia. Pa los mozos independentistes ha denunciase la política de represión y acosu a la llingua asturiana de la FSA, del Gobiernu Asturianu; de la qu´estos fechos formen parte tamién. Torgando una y otra vegada l´intentu de la sociedá asturiano de camudar l´estáu predemocráticu qu´hai n´Asturies. Tamién quixeron denunciar la, pa ellos, hipocresía de IU, que nun lluchó pola oficialidá cuandu taba nel Gobiernu, y que sólu mos utiliza a los asturianos y asturianes pa siguir tando dientro del texíu social que ta alrodiu de la llucha pola oficialidá, pa sacar rendimientu políticu d´una llucha mui digna, polos drechos civiles. Quier tamién Darréu, responsabilizar a la clase política española n´Asturies de la situación llaceriosa del asturianu, no que drechos supón, na Universidá y sociedá en xeneral. Con too y con ello, Darréu vindica una Universidá nidiamente asturiana y popular, na que los ciudadanos seyamos el cientru de la mesma. Recuerda tamién Darréu la so petición al rector de la Universidá, Vicente Gotor, que tan bones pallabres dixo sobro ameyorar la situación de l´asturianu mentantu les elleiciones, pieslle esti capítulu escuru de la Universidá d´Uviéu. Vicente Gotor debe tomar una decisión que favorezca a la sociedá asturiano. Darréu quixo tamién pidir la la dimisión de Ana Rosa Migoya, la conseyera d’Alministraciones Públiques, por facer oidos sordos y nun pronunciase nestos momentos difíciles. Así comu responsabilidaes a la administración española del PSOE n´Asturies pola situación de los drechos de los asturianos, tantu na Universidá, comu a pie de cai; yá que nun faen más que torgar una otra vegada los enfotos del pueblu asturianu por algamar la oficialidá, pa que´l pueblu asturianu pueda caleyar haza´l pais que mos quitaron fai tiempu. 1 de xunetu, 2008 0 FacebookTwitterPinterestEmail
Educación La Xunta abandona l’encierru nel Rectoráu coincidiendo cola concentración convocada esti martes by asturnet 1 de xunetu, 2008 La Xunta pola Defensa de la Llingua Asturiana, y la so estaya de mocedá Xunta Moza, decidieron a la una de la tarde d’esti martes primeru de xunetu abandonar l’encierru que calteníen dende la selmana pasada coincidiendo cola concentración de sofitu edificiu hestóricu del Rectoráu de la Universidá dUviéu. La concentración entamaba a les 12:45 hores, delantre del propiu edificiu del Rectoráu, y quince minutos depués aplaudía la fin del encierru, que se peslló cola llectura d’un comunicáu. La movilización yera un actu de protesta pa desixir la equiparación del asturianu al restu de llingües nos estudios de la facultá de filoloxía, refugando la retrogada decisión del martes pasáu qu’eliminaba la llingua asturiana de la estructura destudios de la mencionada facultá. Cola concentración los estudiantes encerraos y la Xunta queríen mandar el mensaxe claru de qu’esti encierru y la concentración “”nun son más que lentamu duna riestra de movilizaciones, amosando asina, tanto los estudiantes como la Xunta pola Defensa de la Llingua Asturiana, la so intención de caltener la presión sobrel Rector Vicente Gotor pa que plantegue una solución a esti problema”. El Rector averóse tres del encierru a falar con dellos de los protagonistes del mesmu y afitó otra vuelta que va facer los posibles por retomar la situación, pero dende la feble perspeutiva cola que vien falando estos díes d’un compromisu que paez más bien papel moyao. 1 de xunetu, 2008 0 FacebookTwitterPinterestEmail
Educación Semeyes de la concentración nel Edificiu Históricu by asturnet 1 de xunetu, 2008 Asturnews ufre una collecha de semeyes de la Concentración que caltuvieron esti día un cientu d’asturianos nel Edificiu Históricu 1 de xunetu, 2008 0 FacebookTwitterPinterestEmail
Educación Lencierru destudiantes pola filoloxía asturiana na Universidá dUviéu dura yá trés nueches by asturnet 30 de xunu, 2008 Los estudiantes de la Universidá dUviéu enzarraos nel edificiu hestóricu por mor de la esclusión de la llingua asturiana de los futuros planes destudiu, lleven yá trés nueches esperando una solución. Según comentaron esta fin de selmana a los medios de comunicación, dendel Rectoráu tán poniéndose toles facilidaes pal bientar de los enzarraos na Universidá. Mentantu, la Xunta por la Defensa de la Llingua Asturiana decidió convocar una concentración en sofitu a los estudiantes enzarraos el martes a les 12.45 hores. 30 de xunu, 2008 0 FacebookTwitterPinterestEmail
Educación La Xunta convoca una concentración pa esti martes 1 de xunetu delante’l Rectoráu by asturnet 30 de xunu, 2008 La Xunta pola Defensa de la Llingua Asturiana, y la so estaya de mocedá Xunta Moza, decidió esti domingu convocar una concentración de sofitu a los estudiantes encerraos nel edificiu hestóricu del Rectoráu de la Universidá dUviéu. La concentración va ser esti martes día 1 de xunetu a les 12:45 hores, delantre del propiu edificiu del Rectoráu, y ta entamada en coordinación colos estudiantes encerraos nesi sitiu. La movilización ye un actu de protesta pa desixir la equiparación del asturianu al restu de llingües nos estudios de la facultá de filoloxía, refugando la retrogada decisión del martes pasáu qu’eliminaba la llingua asturiana de la estructura destudios de la mencionada facultá. Cola concentración los estudiantes encerraos y la Xunta quieren “mandar un mensaxe claru, lencierru nun va acabar hasta que lequipu rectoral nun amuese una postura clara en defensa de la Filoloxía asturiana, y garantice que l’asturianu va tener unos estudios al nivel de les demás llingües”. Esti encierru y la concentración “”nun son más que lentamu duna riestra de movilizaciones, amosando asina, tanto los estudiantes como la Xunta pola Defensa de la Llingua Asturiana, la so intención de caltener la presión sobrel Rector Vicente Gotor pa que plantegue una solución a esti problema”. Nesti sen, los encerraos tán en contactu permanente col equipu rectoral llideráu por Vicente Gotor. Frutu d’esti contactu ye qu’encerraos y rector van tener esti llunes día 30 pela mañana una reunión pa buscar una salida a esta situación. Otra manera, los estudiantes encerraos quieren agradecer la montonera de mensaxes de sofitu que tán recibiendo, tanto personales como dorganizaciones de tou tipu, y que los anima a siguir con esta protesta el tiempu que faiga falta. Piden a la xente quacudan a la concentración del martes quentra como muestra duna sociedá asturiana que nun entiende nin acepta qu’un piñu de profesores decida facer desapaecer lasturianu de la Universidá d’Asturies. Pola so parte la Xunta anima a los asturianos y asturianes a pasar pel edificiu hestóricu del Rectoráu de la Universidá nUviéu pa dar aliendu y ánimu a los encerraos. 30 de xunu, 2008 0 FacebookTwitterPinterestEmail