Educación Gotor aprueba un reglamentu que permite usar lasturianu pa dirixise a la Universidá dUviéu by asturnet 29 de mayu, 2009 El Conseyu de Gobiernu de la Universidá dUviéu, presidíu pol Rector Vicente Gotor, aprobó ayeri por 36 votos a favor, nengún en contra y cinco abstenciones, el Reglamentu sobre presentación y receición descritos en bable/asturianu nel Rexistru de la Universidá dUviéu, un testu quavanza na reconocencia de los drechos de los asturfalantes na Universidá dUviéu. El documentu, quufre Asturnews na so versión completa, permite lusu del asturianu pa presentar documentos nel Rexistru de la Universidá, na práctica totalidá de los casos, siendo necesaria una torna al castellán pa los procedimientos de más urxencia, yá que los testos nasturianu han pasar, mientres lasturianu nun seya oficial, pela Unidá de Traducción recientemente creada pola Conseyería de Cultura. Los testos unviaos nasturianu, y pa garantizar la igualdá dusu colos presentaos en castellán, van pasase a traducción, cuntando los plazos dendel momentu nel quel testu torna a la Universidá yá traducíu al asturianu. El Rector comentó, tres el conceyu onde saprobó esti Reglamentu, questa decisión ye un apoyu a la cultura asturiana, lo máximo a lo que podemos llegar ensin oficialidá. Con esta decisión, albidral Rector ficimos más qu’en tolos últimos años. La decisión, espera, va evitar tensiones cola xente a la quhasta agora se-y refugaben testos por tar escritos nasturianu. El Reglamentu va entrar en vigor, dempués de firmar el conveniu pa la torna de los documentos cola Conseyería de Cultura, en celebrándose les elecciones europees del 7 de xunu. REGLAMENTU SOBRE PRESENTACIÃN Y RECEICIÃN DÂESCRITOS EN BABLE/ASTURIANU NEL REXISTRU DE LA UNIVERSIDÃ DÂUVIÃU. 29 de mayu, 2009 0 FacebookTwitterPinterestEmail
Educación L’asturianu participa n’Estonia na mayor conferencia sobre llingües minoritaries by asturnet 29 de mayu, 2009 La llingua asturiana participa n’Estonia na mayor conferencia sobre llingües minoritaries del mundu, la ICML, qu’entamó’l xueves y va desendolcase hasta’l sábadu 30. El representante asturainu foi Alejandro Fernández-Cernuda Díaz que presentó na primer sesión, el xueves 28 de mayu, una comunicación entitulada “Neology as an Ally for Language Planning: a Case-study on Asturian”. Web de la Conferencia 29 de mayu, 2009 0 FacebookTwitterPinterestEmail
Comunicación Esbilla.net nun permite rexistros por un fallu nel servidor by asturnet 28 de mayu, 2009 Esbilla.net, un sitiu con noticies asturianes que se manda d’un control editorial non xerárquicu y ta basáu en Pligg (meneame.net), lleva un mes torgando facer nuevos rexistros a usuarios interesaos por mor d’un fallu nel servidor que de xuru s’iguará darréu. Sigún denunciare un usuariu anónimu a Asturnews, y pudo comprobar esta redacción, esi fallu torga’l rexistru de nuevos usuarios sin que se puea comunicar a los alministradores la situación porque la páxina Alezna – www.siero.com qu’apaez como responsable del desenvolvimientu del serviciu nun s’alcuentra operativa nin ifre dengún e-mail de contautu. 28 de mayu, 2009 0 FacebookTwitterPinterestEmail
Comunicación La marca “Telefónica” desapaez del mercáu by asturnet 27 de mayu, 2009 La marca “Telefónica” va desapaecer del mercáu y namái va quedar “Movistar” pa España y “O2” nel resut d’Europa. Telefónica alxudicó esti día’l relanzamientou mundial del so nuevu modelu de marca a les compañíes Interbrand-DDB y Y&R-Lambie Nairn, na que va ser la mayor renovación d’imaxe comercial de la so historia y de la d’España, según informaron fontes del sector publicitariu. La multinacional va dexar Movistar y O2 como úniques marques comerciales de los sos productos y servicios. Y el nome históricu de la compañía va sirvir sólo como símbolu y soporte institucional. 27 de mayu, 2009 0 FacebookTwitterPinterestEmail
Educación L’Academia de la Llingua Asturiana abre güei plazu de matrícula pa los Cursos de Branu 2009 by asturnet 25 de mayu, 2009 LALLA abre güei les sos puertes a los interesaos nasistir a los Cursos de Branu, quorganiza cada añu la institución, en dellos casos, en collaboración cola Universidá dUviéu. Los principales cursos convocaos esti añu son: Cursu Elemental de Llingua Asturiana, Cursu Avanzáu de Llingua Asturiana y Capacitación pa la Traducción al Asturianu. Amás, van impartise nesta ocasión, los cursos: La presencia de la Llingua Asturiana n’Internet. Nueves posibilidaes, Otros xuegos y tradiciones populares na enseñanza, Ecoloxía y Mediu Ambiente n’Asturies, Ferramientas prá normalización llingüística del gallego-asturiano y Cursu d’especialización en Filoloxía Asturiana (I), amás de la primer fase del Cursu de Gallego-Asturianu. Los cursos van ser en Santantolín, capital del Conceyu dIbias, en réxime d’internáu y del 3 al 14 dagostu. El Llar de lAcademia, onde güei sentamal procesu de matriculación, ta asitiada na cai Marqués de Santa Cruz, 6 2u, d’Uviéu. El plazu va tar abiertu hastal 5 de xunu. Pa más información ha llamase al teléfonu 985211837 o escribir al corréu alla@asturnet.es 25 de mayu, 2009 0 FacebookTwitterPinterestEmail
Comunicación Los asturianos siguen penrriba la media estatal na llectura de prensa y lliteratura by asturnet 23 de mayu, 2009 Cásique’l 60% de los ciudadanos del país asturianu mayores de 14 años reconoz que llee con mayor o menor frecuencia, tando penrriba de la media estatal (56,9%), según el Barómetro de hábitos de lectura y compra de libros 2007 de la Federación de Gremios dEditores dEspaña. Asturies tamién caltién la so posición privilexada ente los llectores de periódicos en segundu llugar tres de Navarra con seis de cada diez entrevistaos manifestando lleer diariamente la prensa. NAsturies, cuatro de cada diez de los que se declares llectores son llectores davezu, lleendo llibros a diariu o cada selmana. El 17,6% ye llector ocasional y entá hai un 41,6% dasturianos que nun lleen enxamás. Los llectores xorrecieron nel país dendel 53 % nel 2005 al 58,4% nel 2007, nel caberu censu de llectura per autonomíes de la FGEE. Asturies alcuéntrase nel pelotón de cabeza de la llectura n’españa, superáu namái que por Madrid, Cataluña y les Islles Canaries, no que cinca a los llibros, y por Navarra no que cinca a la prensa. Los datos sobre llectores de prensa diaria en 2008 ufrióles esta selmana l’Institutu Nacional d’Estadística (INE), amosando que más de la mitad de los españoles nun consume información al traviés de la prensa diaria, escontra’l 42,1% que sí lo fai. El porcentaxe de llectores de prensa diaria xorreció en 2008 en toles comunidaes autónomes menos en cuatro: Aragón, onde amenorgó un 1,7%; Canaries (-1,5%), Castilla-La Mancha (-1,2%) y Les Baleares (-0,3%), mentantu que se caltuvo n’Asturies. 23 de mayu, 2009 0 FacebookTwitterPinterestEmail
Comunicación La Generalitat alienda’l móvil en catalán by asturnet 23 de mayu, 2009 La Generalitat de Catalunya ta desenvolviendo embaxu’l nome de “Elteumobil.cat” una campaña pa alendar la telefonía móvil en llingua catalana. Pa llograrlo, na web de la campaña úfrese información de los terminales quhai en catalán nel mercáu y per cuales operadores pues alquirilos. Tamién permite conocer qué servicios y aplicaciones de la Generalitat de Catalunya y de la Corporació Catalana de Ràdio i Televisió Interactiva puen usase col móvil. Y pa divertise, Elteumobil.cat ufre tres xuegos de móviles de castellers en collaboración con http://www.eljoccasteller.cat/. La campaña Elteumobil.cat surde de l’alcuerdu robláu l’añu 2007 entel Departament de Governació i Administracions Públiques, los fabricantes Nokia, Motorola, Alcatel y Sony Ericsson y les operadores Movistar, Vodafone, Orange y Yoigo. Con esti alcuerdu, per un llau, los fabricantes comprométiéronse a incorporar progresivamentel catalán nos menús de los terminales enantes del 31 davientu de 2008 y, per otru llau, les operadores comprometiéronse a demandar a los fabricantes la presencia del catalán como requisitu pa homologar los terminales pa comercializalos. Agoral Parllamentu galés va imitar esti entamu pa esparder la normalización del galés, llingua oficial de Gales xunta linglés, falada per un 25 % la población.Elteumobil.cat 23 de mayu, 2009 0 FacebookTwitterPinterestEmail
Comunicación El dibuxante Alberto Vázquez, protagonista esti sábadu na TPA by asturnet 22 de mayu, 2009 Una entrevista col cartelista y dibuxante de cómic Alberto Vázquez, autor de la tira cómica d’Asturnews, va protagonizar la emisión d’esti sábadu de “Nós” na TPA a les 12,15 la mañana. El programa fadrá un percorríu pela trayectoria d’esti debuxante y cineasta que dende va dellos años espubliza una tira cómica nesti diariu cultural dixital. Nós, espaciu dirixíu y presentáu pol periodista asturianu Próspero Morán, emítese tamién pol satélite Hispasat pal restu d’España, Europa y América y por Internet para tol mundiu al traviés de la web de la RTPA. 22 de mayu, 2009 0 FacebookTwitterPinterestEmail
Educación A Caridá celebral VII Día das Lletras by asturnet 22 de mayu, 2009 LAuditoriu das Quintas dA Caridá, va celebrar güei, vienres 22 de mayu, el sétimu Día das Lletras en Gallego-Asturiano con un actu nel que van participar los rapazos de los institutos dEntrambasauguas. Lactu va cuntar con una llectura de poemes en gallego-asturianu per parte de los neños de les escueles y con un conciertu del grupu folk Mezá, de Bual. Lactu, que lleva trés años celebrándose ensin ayuda del Gobiernu dAsturies, organícenlu los profesores deonaviegu de les escueles ya institutos de la fastera. 22 de mayu, 2009 0 FacebookTwitterPinterestEmail
Educación Fai! critica que l’usu alministrativu del asturianu na Universidá nun cumpla pa colos estatutos de la intitución by asturnet 21 de mayu, 2009 Énte les anuncies na prensa asturiana de güei del Secretariu Xeneral de la Universidá d’Uviéu no que cinca al usu alministrativu y académicu de la llingua asturiana Fai!, organización presente nel Claustru de la Universidá asturiana quier declarar lo que vien darréu: 1- Que nesta universidá, que se diz asturiana, y que tien unos estatutos universitarios que nel so artículu 6 garanticen claramente que naide nun puede ser discrimináu/ada pol emplegu de la llingua asturiana, vien prohibiéndose y censurándose reiteradamente l’usu normal del idioma del país, lo mesmo nel campu académicu -tesis, trabayos…- que nel alministrativu. 2- Que col nuevu escenariu que se plantega dende la Secretaría Xeneral de la Universidá d’Uviéu sigue calteniéndose esplícitamente la marxinación a la llingua asturiana, cola prohibición d’usu del idioma nel ambetu alministrativu, onde nun se va a tener derechu a ser contestáu na llingua propia, nin nel académicu, onde nun se va a normalizar la situación de les tesis y trabayos n’asturianu, por exemplu, a pesar de les promeses del Rector que fai “Cases de les Llingües” onde caben toes menos la de nueso. 3- Instamos al Rector, apelando al so compromisu públicu col usu normal de la llingua asturiana na universidá que dirixe, a que dexe de poner parches que bien poco igüen y aborde, ensin esclusiones, un plan de normalización del usu del idioma propiu d’Asturies en tolos ámbitos académicos y alministrativos, formando de mou afayadizu al personal alministrativu, regularizando de manera exemplarizante l’usu académicu en trabayos, tesis y tribunales, na so imaxe corporativa y retulación interna y esterna, plantegando nuevos escenarios onde l’asturianu seya llingua vehicular en tou tipu de carreres y desterrando de la nuestra institución cualquier pantasma represiva pa colos derechos llingüísticos de les y los asturianes y asturianos. 4- Fai! cree qu’una institución tan importante p’Asturies como lo ye la Universidá d’Uviéu tien que se poner al frente de la defensa de la llingua d’esti país. Si nun ye asina…quiciabis podría autodenomase universidá, pero enxamás podría dicise asturiana. 21 de mayu, 2009 0 FacebookTwitterPinterestEmail