Educación El Conceyu Universitariu pol Asturianu ve un nuevu pasu hestóricu na decisión de Maxisteriu by asturnet 31 de marzu, 2009 El Conceyu Universitariu pol Asturianu (CUPA), organización que cunta con representación nel Claustru de la Universidá dUviéu, espresó esta tarde al traviés dun comunicáu la so felicitación a la Xunta dEscuela de Maxisteriu de la Universidá dUviéu pola aprobación de la propuesta de crear una ‘Mención’ d’asturianu como solución atopada pa que la llingua tea nes enseñances reglaes. Con esta decisión, comenten dendel CUPA Lasturianu va tar per primer vegada como materia dafechu oficial en Maxisteriu, lo que pal colectivu ye un pasu hestóricu pal asturianu, quentra, como yá lo fizo en Filoloxía, per primer vegada dientro de les enseñances reglaes y oficiales universitaries. Por ello, feliciten a los miembros desta Xunta pola so responsabilidá y consensu a la hora del votu, añandiendo que ven nestes dos decisiones, en referencia a Maxisteriu y Filología un cambiu perimportante na forma dentender la Universidá dUviéu, que ta desta forma al serviciu de los asturianos y los sos intereses y non a la contra, como pasaba netapes anteriores. 31 de marzu, 2009 0 FacebookTwitterPinterestEmail
Educación Maxisteriu decide mañana la fórmula pa la capacitación de maestros by asturnet 30 de marzu, 2009 Mañana martes, 31 de marzu, a partir de les cuatro y media la tarde, va producise la votación de la Xunta d’Escuela de Maxisteriu, onde va decidisel futuru de la formación de maestros de llingua asturiana. Daprobase la propuesta, lasturianu cuntaría con una mención diguales característiques a la que tienen anguaño les especialidaes deducación física o música, que paez van pasar al sistema européu per esta mesma fórmula. La Xunta pola Defensa de la Llingua Asturiana convocó una concentración pa mañana, a les puertes de la Escuela, mientres quel Conceyu Universitariu pol Asturianu unvió una nota de prensa na que pide a tolos miembros de la Xunta dEscuela ue participen desta votación y lo faigan apoyando la decisión más afayadiza pa iguar los estudios de llingua asturiana en Maxisteriu, tanto pa los alumnos, como pal profesoráu desta materia La organización del CUPA albidra que la Mención dAsturianu xeneró yá un consensu importante na comunidá universitaria, incluyendo al Rector. En casu daprobase, sedría pal CUPA, un nuevu pasu hestóricu pal asturianu y pa la Universidá dUviéu, en referencia a laprobación del minor de filoloxía asturiana a finales del añu pasáu. 30 de marzu, 2009 0 FacebookTwitterPinterestEmail
Educación La Xunta convoca una concentración delantre Maxisteriu by asturnet 30 de marzu, 2009 Mañana martes día 31 a les 16:00 hores la Xunta va facer una concentración esti martes a partir de les 16 hores col oxetivu desixir un tratu igualitariu pal asturianu na Escuela de Maxisteriu. La concentración va coincidir cola votación que decidirál estatus que va tener la llingua asturiana na Escuela. 30 de marzu, 2009 0 FacebookTwitterPinterestEmail
Educación Un garapiellu de padres protesta en Xixón pola desapaición de lasignatura de Cultura Asturiana by asturnet 30 de marzu, 2009 Los cambios producíos pola decisión de la Conseyería dEducación en cuantes a lasignatura alternativa a Llingua Asturiana, que yá nun pue avanzar otres materies, provocó les protestes de dellos padres del colexu públicu Severo Ochoa, en Xixón. Los alumnos de lasignatura de Cultura Asturiana dediquen según estos padres dos hores selmanales a facer crucigrames en clas. Unes actividaes que la Conseyería encuadra como exercicios de desenrrollu intelectual. Los padres ven nesti cambiu un afán escandalosu dimplantar y obligar al estudiu de la llingua asturiana», yá quaseguren munchos padres acabaron apuntando a los sos fío en llingua asturiana pa que nun pierdan el tiempu. Otros padres del colexu entienden, por embargu, quel centru nun fai más que cumplir la llei, y que nel tiempu dasturianu nun se pue avanzar materia dotres asignatures. 30 de marzu, 2009 0 FacebookTwitterPinterestEmail
Educación Estudiantes antiBolonia caltienen un encierru nel Claustru en protesta pola “represión” de Barcelona by asturnet 26 de marzu, 2009 Un grupu d’estudiantes de l’Asamblea contra’l Plan Bolonia caltienen un encierru nel Edificiu d’Uviéu en solidaridá colos sos comañeros de Barcelona, “víctimes de la represión”. Los estudiantes encerráronse en solidaridá colos catalanes represaliaos pola policía nel claustru de la Universidá Autónoma de la ciudá condal. 26 de marzu, 2009 0 FacebookTwitterPinterestEmail
Educación La Xunta convoca una concentración una concentración delantre la Escuela de Maxisteriu esti martes 31 a les 16 hores by asturnet 26 de marzu, 2009 Esti prósimu martes 31 de marzu la Xunta dEscuela de Maxisteriu va aconceyar con un únicu puntu de debate, la presencia de la llingua asturiana nos nuevos planes destudios quhan aprobase pal procesu de converxencia del marcu européu de Bolonia y la Xunta pola Defensa de la Llingua convoca esi día a les 16 hores una concentración delantre esa Escuela pa amosar la posición favoratible de la sociedá asturiano alrodiu d’esta decisión. La dirección de la Escuela de Maxisteriu yá llevó a votación, el 29 de xineru, la so primer propuesta de planes destudiu quescluíen a los estudios de llingua asturiana y dexaben ensin posibilidá de formación a los futuros mayestros y mayestres dasturianu. Daquella, la so propuesta foi refugada por una mayoría amplísima 48 contra 23. Lo que nun foi abondo pa que la directora Gloria Tellez presentara la dimisión, nin tan siquiera que reconsiderara la so posición no tocante al asturianu. Mesmol Rector Vicente Gotor comol Conseyeru dEducación Iglesias Riopedre defendieron la necesidá dincluir los estudios de llingua asturiana nos nuevos planes. De lo contrario, la Escuela de Maxisteriu declararíase insumisa a la llexislación vixente: – La Llei 1/98 dUsu y Promoción del Asturianu recueye nel so capítulu denseñanzal derechu al estudiu del asturianu nel sistema educativu y quha ser la Universidá dUviéu la quha garantizar pa ello la formación de los docentes de Llingua Asturiana. – El Currículo pa la Educación Primaria nAsturies afita la presencia de lasignatura voluntaria de Llingua Asturiana quangüañu escueyen voluntariamente más de vente mil escolinos y escolines. Por too ello, la formación de los futuros profesionales de la enseñanza esixe: La creación duna Mención de Llingua Asturiana. Que permita la formación de los futuros mayestros y mayestres de Llingua Asturiana. La presencia dasignatures de Llingua Asturiana nos estudios comunes dEducación Infantil y Primaria. Que permita la formación mínima necesaria pa que cuanquier futuru mayestru o mayestra pueda desarrollar la so actividá docente na realidá sociollingüística dAsturies, garantizando la igualdá de derechos llingüísticos y educativos de los neños y neñes falantes dasturianu. La Xunta pola Defensa de la Llingua Asturiana quier animar a tola sociedá asturiana a movilizase na defensa del nuesu patrimoniu llingüísticu y de los derechos llingüísticos y educativos más básicos. Convocando asinamesmo una concentración el prósimu martes 31 de marzu a les 16:00 delantre la Escuela de Maxisteriu, nel Campus de Llamaquique de la Universidá dUviéu. 26 de marzu, 2009 0 FacebookTwitterPinterestEmail
Educación La Xunta de Personal Docente confirma la convocatoria de fuelga by asturnet 24 de marzu, 2009 La Xunta de Personal Docente non Universitariu confirmó esti llunes nun conceyu de la permanente la convocatoria de fuelga en tolos centros públicos d’enseñanza del Principáu pal próximu 1 d’abril. Los integrantes de la Xunta, Suatea, FETE-UXT, CC.OO, ANPE y CSIF, tienen previsto dar anuncia esti martes de nueves movilizaciones que se van desendolcar depués del 1 d’abril. su. 24 de marzu, 2009 0 FacebookTwitterPinterestEmail
Educación La Xunta Maxisteriu va votar la mención d’asturianu’l 31 by asturnet 24 de marzu, 2009 La Escuela Maxisteriu convocó pal martes 31 de marzu, a les 16.30 hores, la Xunta d’Escuela monográfica na que se va votar la Mención de Llingua Asturiana. La Comisión de Docencia aconceyóse esti llunes y decidió treslladar al master que vien la votación que taba prevista que pa esta mesma selmana. La proposición d’asturianu va votase, poro, al marxe de les otres cuatro menciones (Llingua Estranxera, Educación Musical y Artística, Educación Física y Educación Especial), propuestes pola direición. Los profesores de la xunta tienen de votar una mención de Llingua Asturiana compuesta d’un bloque d’asignatures de 30 creitos. 24 de marzu, 2009 0 FacebookTwitterPinterestEmail
Educación Fai! unvía cartes de sofitu a les y los estudiantes catalanes y pide al Rector que condergue l’actuación policial by asturnet 24 de marzu, 2009 La FAI, presente nel Claustru de la Universidá d’Uviéu, unvió un día depués de les cargues violentes de los Mossos d’Esquadra el pasáu 18 de marzu, delles cartes de sofitu a l’Asamblea d’Estudiantes trancaos na universidá y al Sindicat d’Estudiants dels Països Catalans (SEPC) n’asturianu y català nes que s’unviaba un fuerte abrazu solidariu. Nesti sen, dende Fai! tamién se fizo un llamáu al rector de la Universidá d’Uviéu, Vicente Gotor, a que condergue ensin paliativos la entrada policial nes universidaes, espacios que siempre tuvieron llibres de la sinrazón y la brutalidá de les armes frente a la dialéctica y la ciencia. Dende Fai! queremos llamar a tolos y toles estudiantes a participar nes Asamblées que, dende abaxo, tan construyendo un movimientu d’oposición al plan de Bolonia qu’entá tien muncho que dicir y que combatir. 24 de marzu, 2009 0 FacebookTwitterPinterestEmail
Educación Entama en Llanes un cursu universitariu sobre la h.abla by asturnet 23 de marzu, 2009 Güei llunes 23 de marzu a les 5 de la tarde entamó en Llanes un cursu d’asturianu oriental, tituláu “Variedaes Llingüísticas nel Oriente d’Asturias. La h.abla oriental”. El cursu ta organizáu pol Centru de Profesoráu y de Recursos del Oriente (CPR de Llanes) y pol Seminariu de Filoloxía Asturiana de la Universidá d’Uviéu. Les clases danse nel CPR de Llanes. El cursu tien un total de 3 creitos (30 hores). Impártese los díes 23, 25 y 30 de marzu, y los díes 1 y 20 d’abril. Les materies que s’imparten nel cursu son les que vienen darréu: –“La h.abla oriental, una variedá del asturianu. Características fonéticas y morfolóxico-sintácticas. Llendes col asturianu central y la franxa Purón-Deva. Las h.ablas cántabras. Aspectos sociollingüísticos”, por María Cueto Fernández, llicenciada en Filoloxía Románica, investigadora de les llendes llingüístiques n’Asturies. –“La llingua oral. Cuentos y tradiciones”, por Ramón Sordo Sotres, investigador de la cultura oral nel Oriente d’Asturies. –“Toponimia”, por Fernando Álvarez-Balbuena, profesor de Filoloxía Románica (Universidá d’Uviéu), responsable de los equipos d’encuestadores de la Xunta Asesora de Toponimia. –“La lliteratura n’asturianu oriental. D’Enrique González Rubín a Concha Quintana. Comentariu de testos”, por Xuan Busto Cortina, profesor titular de Filoloxía Románica y especialista en lliteratura asturiana. 23 de marzu, 2009 0 FacebookTwitterPinterestEmail