Cooperación El colectivu asociativu de Nava celebra’l so I Alcuentru by asturnet 9 de payares, 2006 Les asociaciones y clubs de Nava organicen un primer alcuentru folixeru pa esti sábadu 11 de payares nel Campu La Grandiella. Los oxtivos d’esti alcuentru son favorecer la cooperación interasociativa y dar conocer a la población el trabayu que’l colectivu vien desenvolviendo. Celebraráse una parrillada popular y se van desenvolvese bien d’actividaes organizaes poles asociaciones y clubs del conceyu de Nava. Asociación de Vecinos de Priandi 9 de payares, 2006 0 FacebookTwitterPinterestEmail
Cooperación La Coordinadora d’ONGs convoca’l Tribunal Popular pa xulgar la delda externo by asturnet 6 de payares, 2006 Los díes 8, 9, 10 y 11 de payeres, nel Centru de Cultura Antigüu Institutu Xovellanos de Xixón, la Coordinadora d’ONGD (Organizaciones Non Gobernamentales y de Desendolcu) nel marcu de la Campaña pola Abolición de la Delda Externa de los países emprobecíos, ¿Quién debe a Quien?, cellebrará un Trinubal Internacional de la Opinión pa xulgar la política sobre la Delada Externo del Gobiernu Español, de los Organismos Financieros Internacionales y l’Actuación de les empreseses trasnacionacional. Ye un xuiciu de la ciudadanía a los principales promotores del modelu de la globalización económica d’anguaño, quienes mediante’l mecanismu de la Delda Externo “sostienen la probeza y la desigualdá económica y social nel mundu”. El tribunal desarrollaráse alredor de tres idegues principales, la relación ente la Delda Externo y el Xéneru, la Delda Externo y les Migraciones y la Delda Ecolóxico. Los xuicios fadránse cola aportación de los alegatos, mesmo de defensa que d’acusación, sobre la Delda Externo esistiendo un xuráu popular que fadrá preguntes a los y les declarantes. Coordinadora d’ONGD d’Asturies 6 de payares, 2006 0 FacebookTwitterPinterestEmail
Cooperación Conferencia sobre la Masonería nel Atenéu Obreru de xixón by asturnet 2 de payares, 2006 Victor Guerra va impartir, güei xueves 2 de payeres a les 20,00 hores nel local del Atenéu Obreru de Xixón, una conferencia titulada “Masonería: escuela de formación ciudadana” nel Atenéu Obreru de Xixón. La charra encuádrase dientro del 125 aniversariu de la creación de la entidá ateneística xixonesa. El próximu xueves, día 9 de payares, María José Lacalzada dará otra conferencia, tamién sobre la influencia de la masonería na sociedá civil, titulada “La lechuza de Minerva planea por las puertas de la Masonería”. Lacalzada ye tamién autora del llibru “Mujeres en masonería” que se presentará’l vienres 10 na Llibrería Central de Xixón. 2 de payares, 2006 0 FacebookTwitterPinterestEmail
Cooperación Cooperación tendrá 12 millones d’euros en 2007. Palacios presentó los resultaos del proyectu Cooperantes 2006 by asturnet 31 d'ochobre, 2006 El gobiernu asturianu empobinará más de 12 millones d’euros a cooperación, lo que supón una medra de 1,6 millones respectu al añu pasáu. Los datos asoleyólos Rafael Palacios, director de l’Axencia Asturiana de Cooperación al Desarrollu na presentación del proyectu “Cooperantes asturianos 2006” Rafael Palacios grantizó que la medra presupuestaria va permitir actuar de mena más activa en cooperación. L’añu 2007 va ser “un añu importante p’Asturies nesta xera”. Hasta agora, polo qu’afirmó, “púnsose en marcha l’entramáu afayadizu creando l’Axencia de Cooperación y un marcu legal” y l’oxetivu sedrá agora “dotar a l’Axencia de recursos humanos” pa facer les xeres que “realmente necesita Asturies”. El proyectu Cooperantes Asturianos 2006, la so segunda fase consiste na “realización de delles actividaes de sensibilización de la población asturiana”. El programa financióse pola Axencia Asturiana de Cooperación al Desarrollu con 26,500 euros. El Director de l’Axencia Asturiana de Cooperación destacó que la primer fase “consistió en desenvolver una cultura de solidariedá ente la población asturiana en favor de los países probes” y pa ello, diez voluntarios desplazáronse a “El Salvador, Hondures, Guatemala y Máexico, cola fin de facer actividaes de cooperación” Palacios comentó que l’interés de los asturianos por esta iniciativa “foi almirable” dao que, “presentáronse 53 solictues” y tres el procesu de selección, fueron 10 les persones a les que “se continuó informando sobre’l proyectu, en concretu nel que diben a desenvolver el so llabor como voluntarios” Estes persones finalizaron la so estancia en Centroamérica y polo que comentó Rafael Paclacios “afortunadamente, toos ellos realizaron la so xera con normalidá”, incluso aumentando’l so nivel de compromisu, dao que dos de los diez voluntarios, Hector Álvarez Díaz y antonio Fontela, regresarán prosimamente pa siguir desenvolviendo’l so collaboración n’Hondures y Guatemala Adolfo Rivas, en representación de Caritas, destacó que “anquaño se ta nuna nueva fase del proyectu, la más importante” na que se realicen “aiciones concretes aprovechando les diferentes plataformes y redes propies de caun de los voluntarios”. Rivas señaló dalguna d’estes aciciones ente les que s’alcuentren la “participación nel Foru de’Emprendedores Sociales en Vega de Rengos” y la “realización de charres y coloquios en parroquies asturianes, cases de cultura o en cases d’alcuentros de la Muyer”. El representante Caritas destacó que “un de los rasgos de la xente asturiano ye ser solidario” y poro, en 2007, l’Axencia Asturiana de Cooperación al Desarrollu tien previsto repetir el programa y refuercialu dao que, polo que destacó Palacios, el “presupuestu invertíu ye mui poco dinero pa tola ayuda” P’acabar, Palacios comentó que tienen prevista la realización d’una esposición de fotografíes de la fotoperiodista Irma Collín Rodríguez, que viaxó per tolos países “p’averar a la sociedá asturiana’l llabor de los voluntarios” 31 d'ochobre, 2006 0 FacebookTwitterPinterestEmail
Cooperación Europa entama les cellebraciones de los 50 años del Tratáu de Roma by asturnet 30 d'ochobre, 2006 Les Instituciones Europees dieron lluz verde’l pasáu día 24 d’ochobre a los proyeutos y festeyos que van facese na Unión Europea con motivu del 50 aniversariu de la firma de los Trataos de Roma. Ente les xeres inxierénse alcuentros, conciertos, debates, un festival d’arte y un mini-festival de cine que va pasar per abondes ciudaes europees. Alejo Vidal-Quadras, Vicepresidente del Parlamentu Européu y Margot Wallström, Vicepresidenta de la Comisión Europea, foron los encargaos de presentar el paquete de xeres. Ambos destacaron la importancia de da-y puxu al debate sobre’l futuru d’Europa aprovechando la celebración de los eventos programaos. La campaña tien un doble oxetivu: per un lláu festeyar la llibertá, la paz y la prosperidá que la Unión Europea algamó a lo llargo de todos estos años, y per otru, facer reflexionar a los ciudadanos, n’especial a los x óvenes, sobre la Europa que quieren pal futuru. Per esti motivu diose prioridá al “Paquete Juventud”, qu’amesta una serie d’iniciatives como “Escueles Xuníes d’Europa”, pa camudar experiencies y opiniones ente los escolinos europeos; “Primavera d’Europa”, un alcuentru/debate pa xóvenes d’ente 7 y 17 años, y una Cumbre pa la xuventú en Roma. El proyeutu nomáu “Les 50 cares d’Europa”, consiste nun alcuentru de 50 ciudadanos de la Unión Europea nacíos a lo llargo de los 50 años que pasaron dende la firma de los Trataos de Roma, nel que van camudase puntos de vista sobre cómo Europa influyó nes sos vides Tamién se va celebrar un Festival de Cine Européu al aire llibre, programáu pa los meses de branu, que se desendolcará nes capitales caberes y en otres grandes ciudaes europees. Toles películes que se van exhibir tán finaciaes pol programa MEDIA, iguáu pa protexer la dixebra cultural y la herencia cinematográfica d’Europa. La música va ser protagonista na iniciativa nomada “Conciertos pa Europa”, que se van celebrar el 9 de Mayu coincidiendo col festeyu del Día d’Europa que se vien faciendo dende 1985. Y, per últimu, el Festival d’Arte Europalia, ya celebráu con exitú en 2005, que será ente ochobre de 2007 y febreru de 2008. Europalia centrará l’atención sobre los aspeutos culturales que tienen en común los paises miembros y sobre la diversidad de los 27 paises de la Unión. V haber esposiciones y eventos de teatru y danza. El festival parte con un presupuestu estimáu de 1,5 millones d’euros. 30 d'ochobre, 2006 0 FacebookTwitterPinterestEmail
Cooperación Xixón acoyó otra edición de “Les otres cares del planeta”-“El sitiu de les víctimes” by asturnet 29 d'ochobre, 2006 Los alcuentros “Les otres cares del planeta” entamaben el vienres 27 d’ochobre a les 19,30 hores y duraben hasta’l sábadu 28 d’ochobre na Escuela Universitaria d’Empresariales Xovellanos de Xixón. Nos díes de cellebración de “Les otres cares del planeta” trataronse temátiques como “Víctimes de la Guerra Civil y del franquismu” na qu’intervinieron Angel del Río, antropólogu ivestigador, responsable d’investigación de l’Asociación Memoria Histórica d’Andalucía y autor del llibru “El canal de los presos”; Carmen García, profesora d’Historia Contemporánea de la Universidá d’Uviéu; Pilar Lobo, d’Amnistía Internacional, que presentño los informes “Poner fin al silenciu y a la inxusticia.La delda pendiente coles víctimes de la guerra civil española y del réxime franquista” y “Víctimes de la Guerra Civil y el réxime franquista: el desastre de los archivos, la privatización de la verdá”. Depués d’estes intervenciones proyectose la película “Road to Guantánamo”, dirixía por Michael Winterbottom y Mat Whitecross, premiada col Osu de plata a la meyor dirección. Darréu esta proyección y dende les doce la nueche hubo un conciertu de “Xabel Vegas y Las uvas de la ira” al que seguirá’l de “Grande-Marlaska” que pondrán el pieslle a esta primera xornada de los alcuentros El sábadu 28 los alcuentros “Les otres cares del planeta” entamarán, a les 19,30 hores, con una intervención sobre la multinacional hispano-arxentina Repsol na que s’analizarán los sos éxitos y los retos que tien pal futuru. Darréu siguiráse col alderique tituláu “Víctimes de les guerres y de la tortura” nel que participarán Inés Dephatura, coordinadora del Programa de Reparación Médicu-Psico-Social pa inmigrantes víctimes de violación de los Derechos Humanos y de Tortura (Exil); y Aurora Revuelta, médica cooperante nel Congo. Estes intevenciones pesllarán les xornaes de “Les otres cares del planeta” 29 d'ochobre, 2006 0 FacebookTwitterPinterestEmail
Cooperación Una exposición recuerda los 30 años de movimientu vecinal n’Avilés by asturnet 23 d'ochobre, 2006 Dende’l 24 d’ochobre al 3 de payares 20 paneles van amuesar la vida del movimientu asociativu d’Avilés nel Centru Municipal d’Arte y Exposiciones (CMAE). Nos paneles mezclense la información de les asociaciones, la so historia, fotos antigües y d’anguaño de los barrios. Paralelamente a la exposición el CMAE va acoyer dos meses redondes los díes 25 y 26 d’ochobre a les 19.30 hores. La primera aconceyarase el 25 d’ochobre embaxo’l títulu “Los entamos del movimientu ciudadanu n’Avilés” y na que van participar los presidentes fundacionales de les primeres asociaciones de vecinos, representantes del Colectivu Ecoloxísta d’Avilés, del Grupu de Non-Violencia y del Colectivu de Muyeres. La segunda de les meses redondes, día 26 d’ochobre, abellugará embaxo’l títulu “Les asociaciones de Vecinos anguaño: perspectives dende les Federaciones” a responsables de les Federaciones d’Asociaciones de Vecinos de Xixón, Villaviciosa y Avilés. L’amuesa contará con cuatro paneles introductorios sobre la situación de la ciudá dende 1975 y la creación de les primeres asociaciones de vecinos, les primeres elecciones municipales, la constitución de la primera corporación democrática y la apaición de los movimientos ciudadanos na ciudá. 23 d'ochobre, 2006 0 FacebookTwitterPinterestEmail
Cooperación Sebastião Salgado presenta n’Uviéu un anticipu del so proyectu “Xénesis” by asturnet 20 d'ochobre, 2006 El Premiu Príncipe d’Asturies de les Artes en 1998, el fotógrafu brasileñu Sebastião Salgado premió a la ciudá d’Uviéu cola presentación en primicia mundial d’un centenar de fotografíes de gran formatu que formen el so proyectu Xénesis. Nélli, esplora l’orixe y la biodiversidá del planeta Tierra. La esposición de les semeyes faese nel Campu San Francisco d’Uviéu. La esposición ye una de les partes del proyectu Xénesis, nel que Salgado entamó a trabayar en 2004 y que va tar acabada en 2011. Pa ello cuenta col sofitu de les Naciones Xuníes. Trátase d’un proyectu “a llargu plazu” col que pretende amuesar la “megadiversidá” de la Tierra y concienciar a la sociedá de que la jumnidá “detruyó yá’l 54% del planeta, dalgo que la mayoría de la xente nun sabe”, dixere Salgado. Cien semeyes en blanco y prieto y de gran formatu comparten l’espaciu coles castañales, carbayos y otros árbores del campu San Francisco, nel centru d’Uviéu. Arguyosu de tener ente los sos reconocimientos el premiu Príncipe d’Asturies de Les Artes, el mesmu fotógrafu quiso presentar el proectu n’Asturies. Un de los vínculos que mantién con Asturies ye ‘l programa d’eco-desarrollu del Institutu Terra que preside en Minas Gerais y que financia’l Gobiernu Asturianu. Xénesis va suponer, según l’autor, la “culminación” d’una carrera enllena d’ésitos y comprometía cola defensa del mediu ambiente y de los más débiles qu’habiten el planeta. Y nos oríxenes d’esti profundiza Salgado coles imáxenes en blanco y prieto. Imáxenes d’animales en peligru d’estinción, como los goriles del Conngu y les orques y ballenes de la Patagonia; d’espacios naturales amenazaos, como’l desiertu de Namibia o los glaciares de Tierra de Fuego; de les tribus amazóniques que mantienen entovía los sos modos primitivos de vida. Semeyes d’una natura y unos seres humanos que viven entovía y, de milagru, al marxe d’un mundu desarrolláu, d’una parte perpequeña del planeta Tierra qu’entovía permanez inexplorada y cuasi virxe. 20 d'ochobre, 2006 0 FacebookTwitterPinterestEmail
Cooperación El Día Internacional de la Muyer Rural cellebráse güei en Tinéu by asturnet 20 d'ochobre, 2006 Dende les 6 de la tarde nel Cine Marvi la Conceyalía d’Igualdá, Servicios Sociales y Sanitarios del Ayuntamientu de Tinéu orgraniza una seríe d’actos pa cellebrar el día de la Muyer Rural. Los actos van entamar con un homenaxe a la Muyer Rural del conceyu, pa siguir cola presentación de la revista “Tiempu de muyer” principal novedá na edición d’esti añu. La edición foi posible gracies a una subvención del Institutu Asturianu de la Muyer y se trata d’una publicación que recueye a los llargo de 23 páxines, información xeneral sobre la problemática de la muyer del campu. Cunta cola collaboración de toles asociaciones de muyeres del conceyu qu’aportaron un artículu esplicativu de la so trayectoria y actividaes. La entrega de premios del Concursu de semeyes “Muyer en Tinéu” y l’actuación del guitarrista y cantante Rody Herrera completen los actos de la xórnada. 20 d'ochobre, 2006 0 FacebookTwitterPinterestEmail
Cooperación Amnistía Internacional d’Asturies cellebra la so V Asamblea by asturnet 19 d'ochobre, 2006 Dende les 10 hores nel Auditoriu Príncipe Felipe d’Uviéu la Unidá Territorial asturiana aconceyará pa fixar les llinies de trabayu d’Amnistía Internacional. La unidá territorial de la organización de defensa de los derechos humanos centrará’l so trabayu durante los prósimos meses na campaña sobre les violaciones de los derechos humanos na nomada “guerra contra’l terror”, asina como nuna nueva campaña sobre los derechos económicos, sociales y culturales. La situación de la infancia, de los refuxaos, de les muyeres, y de les minoríes sexuales tamién van ser obxetu de delles aiciones, ensin escaecer el trabayu empobináu a la educación y sensibilización en materia de derechos humanos de los escolinos y de la población asturiana en xeneral. Les campañes permanentes contra la pena de muerte y la tortura van completar los obxetivos de la organización. Anguaño la Unidá asturiana d’AI tien 1200 socios y activistes n’Uviéu, Xixón y Avilés-Pravia. 19 d'ochobre, 2006 0 FacebookTwitterPinterestEmail