ConceyosSociedá Avilés programa un percorríu virtual poles principales esposiciones by redacción asturnews 16 de mayu, 2020 written by redacción asturnews 16 de mayu, 2020 73 Cultura d’Avilés programa un percorríu virtual poles principales esposiciones pa celebrar el Día Mundial de los Museos nes redes sociales del Muséu de la Hestoria Urbana d’Avilés. Dende’l 16 al 20 de mayu preséntense cinco amueses sobre la hestoria d’Avilés, el Campusantu de La Carriona y Pedro Menéndez. Un total de 17.699 persones visitaron a lo llargo del pasáu 2019 los dos centros museísticos del Conceyu d’Avilés y nestos momentos de confinamientu, y por cuenta de Día Internacional de los Museos, que tradicionalmente celébrase’l 18 de mayu, la área de Cultura del Conceyu d’Avilés programó un percorríu virtual por una serie de cinco esposiciones al traviés de les redes sociales del Muséu de la Hestoria Urbana d’Avilés en Facebook, Instagram y Twitter. Toes elles céntrense n’imaxes de los tresformamientos acaecíos na villa o aspeutos como la figura de Pedro Menéndez, entá cercanes les actividaes del V Centenariu de la so nacencia. O la que s’esibía y va siguir nes mesmes sales sobre la pegatina dende l’ámbitu del feminismu, una vegada concluya esti periodu d’Estáu d’Alarma provocáu pola crisis sanitaria del Covid 19. El percorríu virtual pa celebrar el Día Internacional de los Museos escurre pelos espacios del Muséu de la Hestoria Urbana d’Avilés y per el Centru d’Interpretación del Campusantu de La Carriona remembrando dalguna de les principales esposiciones que se celebraron nos últimos tiempos. PROGRAMA 16 de mayo “Avilés, 1979-1989.Transición: tresformamientu” Más de cien fotografies de Nardo Villaboy que recueyen la vida cultural, política y social y los cambeos nel paisaxe urbano avilesín ente 1979 y 1989. 17 de mayo “Avilés nel pasáu. Arquivu de Nardo Villaboy” Imaxes d’aquel Avilés de les primeres décades del sieglu XX. Un paisaxe urbano munches vegaes irreconocible, pero que n’otros munchos espacios caltien la esencia del so patrimoniu. 18 de mayu “La pegatina: un preséu de propaganda feminista” La ingente colección de pegatinas de Juan Llión Sánchez y Miguel Sánchez, amosar n’unu de los aspeutos más trascendentes del cambéu de la sociedá española nes últimes décades: el feminismu. Traviés del comisariado de Carmen Suárez en venti paneles recueyen estos elementos importantes pa entender nuesa más recién hestoria. 19 de mayu “El Centru d’Interpretación del Campusantu de La Carriona” El contestu históricu, la construcción, les causes que motivaron el que sía un gran muséu al aire, los artistes, les sos obres, los avilesinos y avilesines más destacaos ellí soterraos: los paneles qu’espliquen el Campusantu de La Carriona. 20 de mayo “Pedro Menéndez d’Avilés: 1519-2019” Los paneles realizaos por José A. Alvarez Castrillón que recueyen la obra del Adelantráu de La Florida, el contestu históricu de la so vida, la so alcordanza na nuesa sociedá, etc. Una esposición que percorrió centros educativos d’Avilés y otros puntos d’Asturies nel V Centenariu de la so nacencia. 0 FacebookTwitterPinterestEmail Anterior Nueves normes pa profesoráu y alumnáu na Universidá d’Uviéu siguiente Un relatu participativu pa construir una historia de Museos Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Barry B pieslla’l cartelu del Festival VESU