Xosé Ambás reconocíu pol so conceyu como “Moscón d’Oru”

L’etnógrafu y músicu Xosé Ambás, perconocíu pol so llabor al frente del programa Camín de Cantares, na TPA, va recibir esti sábadu’l gallardón “Moscón d’Oru”, entregáu pola asociación “Amigos de Grado”. El xuráu destacó’l fechu de qu’Ambás ye “un referente nel estudiu de la tradición oral asturiana y de les costumes más enrraigonas del mundu rural” refiriéndose a qu’Ambás “pasea’l nome de Grau ellí onde va”.

El “Moscón d’Oru”, na so categoría internacional foi nesta XVIII edición pal presidente de l’Asociación Iberoamericana de Comunicación, Fernando Collado, con raigaños en Sama (Grau).

Los premios van entregase nuna ceremonia, esti sábadu 9 d’ochobre, a les ocho la tarde, na Capiella de los Dolores de Grau.