Valdés ya tien toponimia oficial

El Conseyu de Gobiernu autorizó, na so reunión del día 5 d’agostu, los decretos polos que se determinen los topónimos oficiales de los conceyos de Valdés y Santu Adrianu.

A partir de la entrada en vixencia de los decretos, que van publicase nel BOPA en feches próximes, les alministraciones públiques van adaptar de manera progresiva -acordies con les sos disponibilidades presupuestaries y nel momentu de la so anovación- les rotulaciones en víes públiques y carreteres y, tamién, mapes y planos oficiales a les formes toponímiques establecíes nel decretu correspondiente. Los topónimos que se determinen tienen la consideranza de denominaciones oficiales, sustituyendo a les enantes vixentes.