Últimes places pal cursu de iniciación al voluntariáu d’Avilés

Inda ye posible inscribise nel cursu de iniciación al voluntariáu que, sol títulu de “Yo creo un mundu meyor”, entama la Conceyalía de Participación Ciudadana al traviés de la Oficina Municipal del Voluntariáu y que va tener llugar esti vienres 16, n’horariu de 10 a 13 hores, nel Palaciu de Valdecarzana.

Esti cursu, gratuitu, ta dirixíu a persones comenenciudes en llevar a cabu remanes de voluntariáu o que yá tean participando nes mesmes, y enmárcase dientro del Plan Estratéxicu de Voluntariáu d’Avilés.

Van encetase, ente otros, los siguientes conteníos:

Qué ye y qué nun ye’l voluntariáu.
Ámbitos y actividaes del voluntariáu.
Marcu llegal.
Derechos y deberes.

Rematada la formación va otorgase certificáu d’asistencia a tolos participantes. El cursu va desenvolvese presencialmente con midíes de seguridá contra’l COVID-19.

Les inscripciones p’aspirar a una d’estes últimes places pueden formalizase al traviés del portal https://avilesvoluntariado.org/, onde s’atopa agospiáu un formulariu a rellenar poles persones comenenciudes, o al traviés del teléfonu del Serviciu de Participación Ciudadana: 985 129 098.

Les places, por cuestión d’aforu, tán llindaes a 18, y va tenese en cuenta l’orde d’inscripción pa la participación nel mesmu. Antes del entamu del cursu va contactar coles persones inscrites per corréu electrónicu, bien pa facilitate confirmar la so plaza, o bien pa indica-yos si queden en llista d’espera.