Trubia celebra’l 29 de xunu y 27 de xunetu la tercer edición de les rutes “Trupie”

Trubia va realizar los díes 29 de xunu y 27 de xunetu la tercer edición de les rutes “Trupie” sobro’l patrimoniu cultural y hestóricu de la zona. Los asistentes van poder conocer la Ilesia de Santa María, el Palaciu de Trubia, el Barriu obreru de Junigro o les Cueves del Conde.

L’área de Participación de Conceyu d’Uviéu dende Proyectu Pueblu y xuntu cola Asociación Cultural de Trubia, entamaronles Rutes Históriques de “Trupie” (Trubia) coles mires de dar a conocer el patrimoniu y la hestoria d’esta zona rural d’Uviéu. Van realizase dos percorríos distintos que se van llevar a cabu los díes 29 de xunu y 27 de xunetu. Na primer fecha va visitase la Ilesia de Santa María de Trubia d’orixe prerrománicu y venceyáu cola monarquía asturiana, el Palaciu de Trubia de finales del sieglu XVII, el Barriu obreru de Junigro, construyíu en 1860 cola industrialización de la zona, y la Plazoleta.

El 27 de xunetu, los asistentes van poder conocer les Cueves del Conde unu de los primeros yacimientos prehistóricos escavaos n’Asturies y que les sos parés atopar dalgunes de los grabaos más antiguos de la humanidá, tamién les casones de San Andrés y otros llugares del barriu obreru de Junigro.

Toles rutes van empezar a les  10:00h na Plazoleta de Trubia, al pie de calle Ramón López.

L’actividá ye gratuita y les places son llindaes, polo que s’axudicarán por orde d’inscripción. Más información nel teléfonu: 693 457 525, y na páxina web de la Conceyalía de Participación: www.oviedoparticipa.es